|
للبحث في شبكة لكِ النسائية:
|
النجم الذهبي
الحقيقة يا نرجوسة
اني خديت طريقة ماما الاء و حنان
انه تحطي ورقة البوريك في صونية غارقة شوية و تحطي البيضة في النص و حطيلها اللي تبيهو بعدين تعالي خودي طرف من الحاشية و قيميه بالشوية مع المحافظة على البيضة في النص
و سكريه على الطرف الثاني بقوة و لصقيه
و من المفترض تكون الورقة متاع البوريك طازة حتى تلصق في بعضها
و اني لما انزلها في الزيت انزلها من صونيتها بالشوية لين تمس الزيت
ان شاء الله فهمتي شرحي
وينك يا حنونة و يا لولو اشرحو معاي
عضو نشيط
ماشاء الله عليكن بصراحة كلكن اكلاتكن حلوة ربي ايسلم ايديكن
الصور انا انحمل فيها من موقع واحد اخرة لكن الصور لما ننسخها تطلع بالحجم الكبير ولما نصغرها بالرسام تصغر الصورة والصفحة كبيرة يعني الصورة اتجي اصغيرة لكن حجم الصفحة كبير الي عندها طريقة مبسطة تشرحلي الله غالب عليكن تحملني
ومشكورة للاخت الي بعثتلي رسالة الله يبارك فيها يارب
والموالح الي نزلت صورتهم بطاطا امبطنة فالكوشة وبدل مانغطسها في بشماط غطستها في كويكر وشيش طاووق فالكوشة والي فالسلفر كفتة امبوخة يعني امطيبة عالكسكاس بالسلفر والسريسرول توا انزل الطريقة باءذن الله كان خشيت بعدين
اليوم عندي عزومة وناوية باءذن الله اندير ابراك وشربة ورز وكيمياوبطاطا مبطنة وووووموش عارفة كان حسيت روحي عندي وقت ومازالت صامدة اشوية انزيد اشوية وتوا سلامتكم
النجم الفضي
السلام عليكم يا حلوين
وصحة شريبتكم
وبالهنا تكونوا شربتوها
المهم يا كيتى ربى يباركلك يارب فى افكارك
والله درتى كل الخير لينا فى عرضك لموضوع السفرة
لان الاخوات ابدعوا وانتى ابدعتى وانا استفدت واجد
المهم اللى حازز فى نفسى انى ماقدرت نصور فطورى اليوم
لانه عاجبنى فيه المشكل من المعجنات
والاناقة فى التقديم طبعا لا يعلوا على اخواتى الرائعات متلكن
وفطورى اليوم كان مكون من _1 شربة عدس................. يموتوا فيها اولادى ربى
يعطيهم الصحة والعافية
_2 مكرونة جارية اوامر من البرنس زوجى الله يحفظه يارب
_ 3 محشى ............ طلب خاص من صديق زوجى لانه يحبه
_4 لفائف بالخضروات واخذت الطريقة من المبدعة والغالية زينب محمد فقط انا
اضفت لحم مفروم
_5 اصابع الدجاج ............ اخدتها من احدى الاخوات الله يطعمها ثمار الجنة يارب
_ 6 كرواسان محشى بالتونة والهريسة وشوى كسبر وطماطم اخضر
_7 كبه عراقية بالرز واو واو يا بنات جتنى تهبل ومع انى اول مرة انديرها
_8 سلطة حمص بالطحينة.................. اموت فيه
_9 سلطة مشوية ...................... طبعا عشان صديق زوجى لانه طلبها
_10 سلطة عربية مكونة من السلطة العادية والطماطم والخيار والجزر والفلفل
والبصل وملفوف ورق وشوى معدنوس ونقطت عليها شوى خل وشوى زيت
زيتون
وعصير طيبيعى مكون من الربتقال والبابايا وعصير قصب سكر طبعا القصب ليا لانى مدمنة عليه
والحلو ما قدرت نديره لانى هلكت عالاخر
وان شاء الله فطورى يفتح النفس حتى بلا صور
اراكم حبوباتى
متميزة صيفنا إبداع 1431هـ
السلام عليكم
مبروك الجزء الثانى -- ومشكورات ع جميع ماتقدموا
والاء وكيتى وغيدونه الله يسلمكم
اليوم ان شاء الله نجرب القزلامه خايفتها اتجى فى البيبى هههههههههههه من كثر مااسهفتونا عليه
ياابنات طرابلس صح ماتحطوا فى الزبيب فى البصله -- فوق الكسكسو ورشده او الرز؟؟؟؟؟
اصلى نبى اندير كسكسو عزومه لليبين ونحن طريقنتنا فى الشرق نحطوا فى الزبيب فى التقليه (البصله)
ع فكره العزومه كل وحده ليبيه ادير حاجه يعنى مجموعه واخذا الشربه وتانيه واخذه كرات البطاطا المهم كل وحده حاجه
طولت عليكم نرجى فى رااايكم !!!!!!!!!!
"مُبدعة صيف 1430هـ ""صاحبة الحضور المتميز بمطبخ لك" صانعة الأطايب
مرحبتين بالعويلة
جيت من ثاني يا حبوبات
بالله عليكم تسامحوني راكم والله في القلب كلكم ولو نسيت وحدة في الذكر او ما سلمتش عليها ما تزعلش مني ،،، ربي يحفظكم
سلام مربع لحبوبة واخذة على خاطرها مني وهي gudona اسفة والله العظيم اسفة
نشوف في كيتي غاطسة في المطبخ عاد خلاص معاش في وقت
اول ما وصلت درت البسبوسة جري وخليتها تتنقع زي ما قالت ام ياسمينة
يعني من الساعة اثنين ونص لتوة الساعة سبعة وربع قولي خليتها ثلاثة ساعات وخلاص ههههههههه وتوة حطيتها اطيب بس الكوشة سخونة شوية تحمرت شويتين من الجناب ما طلعتش ذهبية زي متاع نوسة أهئ أهئ أهئ
لكن قاعدة متاملة خير انها تكون نكهتها حلوة خصوصا انها ولاول مرة ما تشققتش من فوق
على راي كيتي لولولولولولولييييييييييي والحمد لله
اريناس يا قلبي الله يعينك على العزايم
احني ما انديروش في زبيب بكل بكل بكل
ولو تبي نصيحتي ديري زي ما يديرو اهل بلادك
اني عن نفسي لو عزموني شراقة نحب ناكل اكلهم مش اكلي اني
بيبي دوووح سفرة عامرة ان شاء الله
نبي نعرف انتو تاكلو في هذا كله عطيكم الصحة والا تاكل العين وخلاص
راني طايحة في عيلة لله العجب ما ياكلوش بكل وندير في كل شئ بالعدد وصنفين بس ومع هذا الماكلة تفضل سبحان الله
قداش ما خاطري نطيب لناس اكيلة مصلي على النبي
وانتي بعد هذا كله تبي اديري حلو
ارقي نفسك يا بنت وقعمزي ريحي رويحتك شوية عطيك الصحة يا رب
صلاتي لله منورة والله وربي يعينك على المنيو المفتخر
نرجوسة يا غالية خلي صغارك يلصقو اطراف ورق البوريك باللصقة مش تبدا لمسة ابداعية عن حق وحقيقي هههههههههه
ربي يحفظ صغويرتك نتخايل فيكم كيف مع بعض ما شا ءالله
وانتي بالشوية بالشوية شدي الورقة مع بعض ويا ريت تشري ورقة اكبر شوية مش تساعدك
وخلي زيتك هااااااااااادي مش سخون هلبة مش تقدري تسيطري عليه
منووورين يا بنات
ولنا عووووودة
.. { إِنَّ رَبَّكَ لَبِالْمِرْصَادِ }..
عضو جديد
ماشاء الله عليكم
انا اختكم ليبيه جديده
انتمى لكم رمضان مبارك وصيام ومقبول
متميزة صيفنا إبداع 1431هـ
لالا ماعليك حتى انا نبى اندير طريقتى ------ وفى وحده من العجيلات تقريبا تبى ادير طريقتها لى هى بدون زبيب
بس والله بزبييب طعمه حلوه ---ههههههههههههه وحده تشكر فى طريقتهاا
وسلمك الاء ع كلام الطيب
النجم الفضي
مبروك البسبوسة يالولو يالله نزليهالنا بش انديروها
"مُبدعة صيف 1430هـ ""صاحبة الحضور المتميز بمطبخ لك" صانعة الأطايب
يا عطيك السلامة يا ام تدليل معقولة انزلها محمرة لين خلاص هههههههههه ايه صح السنفورة تحب كل شئ محمر عادي بس عيب نحطها في المنتدى هكي بس لو جتني ذهبية اكيد كنت حطيتها
توة بعدين نحطها هني وبس انتو مساكين لازم اضوقو الزين والشين خخخخخخخخ
اريناس ايه صح كل بلاد وطريقتها
في اللي يديرو في البصلة فلفل اخضر احني يستحيل نديرو فلفل اخضر
وفي اللي يحطو على الكسكسي خضرة مقلية وفي وفي وفي
ومحلاه لما تبدا سفرة من كل مكان طريقة الواحد يتعرف على ماكلة بلاده
وصحتين عليكم مقدما
اهلين بام روان
نووورتي
.. { إِنَّ رَبَّكَ لَبِالْمِرْصَادِ }..
النجم الفضي
اهلين ماما الاء
تبى الحق ما ناكلوا والله الا القليل
لكن تبى الحق كان الهدف من كثرة الاكل والتنوع هو التقسيم
عندى حب غير طبيعى فى انى نبعث للعزاب لانهم بصراحة يوجعوا فيا
نتعب على خاطرهم نقول اكيد مشتهيين الاكل والجو الباهى
ربى يقدرنى وسلمك يارب على كلامك الحلو
وبرضوا عندى صغار ما ياكلوا الا فى التفتف بس
أعضاء قرؤوا هذا الموضوع: 0
الروابط المفضلة