البيت الليبي الاصيل يرحب بالليبيات والعربيات فحياكم الله

[ام نوروانام]

اهلين ملووووووووووووووووووووووووووووووووووكه كل سنه وانت بالف خير انت ووووعويلتك ومولى بيتك
نورتي حبيبه

[ملكةالرومانسيه]

ام نور شوفى حلاواتى
المقروض اول مرة نديره هههههه وجانى يابس بس مش زى الرشاد اللى يعرف علاش يقوللى
وغريبة حلقوم
ورفاييلو عبارة عن حليب محلى وجوز هند حلو وشوية فستق ولوز شكلتهم بقوالب السله

[ملكةالرومانسيه]

النور نورك حبوبه كيف الصغار
شن بدت مدارسهم ولا مازال ؟؟
حنا السبوع الجاي ان شاء الله يوم 4 سبتمبر

[ام نوروانام]

الله محلاه المقروووض لا لا مش يابس حلو يهبل ههههههههه
اسمعي اني نحب المقروض العيد
وانت السنه هده شورنا زي بعض
صممت انديره لاكن الحق جاني يهبل مع اني اول مره نديره

[امينة''']

السلام عليكم
كيف الحال اليوم بنات وشبابات ام نور خشيت بعدك امس لكن انتى وين غطستى لليوم العشية قولى اقرى على قولة خوتنا المصريين والعشية عندى طلعة
جنان مرحبتين بطاقتى انتى اسالى وانى نجاوب
ملكة الرومانسية الدويرة منورة بالملكة

[جنان 92]

السلام عليكم
كيف حالكم
دلوعه
بان الهلال
كيفك حبيبه ايش اخبارك وكيف غاليك واهلك
ام نور

جنانو وووو دلوعه هيا قولولي شني درتوا من حلاوات في العيد

والله انا ياحبيبه هالسنه ماكان عندي خلوق لشي قضيتها كله بكي
كان بالي مشغول علي احباب علي قلبي
وعلي اهلنا بسوريا
وهالعيد زوجي بالبلاد وولدي الكبير فماحسيت بيه
ملوكه

جنانو كيف حالك وكيف الاهل وكيف وليدك ان شاء الله تمام

الحمد لله احنا بخير ربي يجعلك بخير
ولدي الحمد لله مكيف توا عنده ابوه وينتظر فينا يبينا انروحوا
الله يقدر لنا ولكم ولجميع المسلمين الخير وين ماكان

امينه

جنان مرحبتين بطاقتى انتى اسالى وانى نجاوب

عرفينا عليك
من وين انت وين عايشه بالبلاد والا مغتربه
قداش عندك اصغار
يعني شي من هالقبيل

[ملكةالرومانسيه]

ام نور صار القلوب عند بعضها حتى انتى درتيه ماشاء الله شن طريقتك بالله انا الطريقه خديتها من صفحة فتافيت ليبيه عالفيس بوك بصراحه مقروضها شكله عجبنى وحاطه المقادير صغيرة بس جانى هلبه الحق وماعرفتش علاش جانى يابس زعمك كترت الميه ولا كيف انا نحبه مش يابس بس طعمه الحق مقبول مش ماينضاقش هههههههههه شكارة روحها


امينة انتى مغتربه ولا بالبلاد ومتزوجه اولا مش لين نسالوك حتى تعريف بسيط ههههههههه


جنان معليشى ربي يعوضكم خير العيد الجاي تعيدوه بليبيا وكلكم ملمومين وان شاء الله يكون وضع بلادنا خير وخير وبلكى نعيدوا معاكم ونتلاقوا كان كنا من اهل الدنيا ان شاء الله
اشجونه والله مش عارفه روحت ولالا اكيد كان روحت متاكدة حتطل وتسلم علينا


على فكرة يابنات سمعت انا متاخر الحق اب بعيدة عن اهلى وليبيه تو وعود قرفه والدهم توفى الله يرحمه ويصبرهم ان شاء الله على فراقه
وعتبي عاللى عنده علم وماقاللناش
واجبنا نقولوا لبعض ونواسوا بعض فى السراء والضراء

[امينة''']

السلام عليكم
صباحكم عطر وورد تقولولى شن نوضك يامنجوهة من توة وانتى لا تخدمى ولاصغار تسكدى
نقوللكم عندى راجل يخدم ههههه المهم كيف حالكم

ملكة المقروض ماشاء الله عليه لكن طريقة زينب محمد الكل يشكر فيها

جنانو ربى يطمنك على حبابك

انى ليبية ومقيمة فلى ليبيا ومتزوجة وام لثلاثة اولاد اكبرهم 14 سنة واصغرهم 7 سنوات ربة منزل وخياطة على دابى

[ام الجميلات]

السلام عليكم
وكل سنة والجمييع بخير ومبروك عيدكم
ملوكة مبروك الدويرة وشن هالضيافة اللي على اصولها والله اعيت واني انذوق من بكري واني الود على البفيهات هدا كله من ذوقك الحلووووو

[ام الجميلات]

ملوكة حلوات حلوات ماشاء الله وبالنسبة للمقروض توا نبعثلك مقادير امي ايدوب في الفم دوبان الى حد الآن اللي يذوقه ينعجب بطريقته