ارجو الدخول لجميع المصريات

[marwa81]

نوشا ده مش برنامج ده موقع عادى لرفع الصور وسهل جداا مش هاياخد ثوانى معاكى

[tama299]

دي صورة ستارة عملتها عند محل في الوكالة اسمه بانوراما اشتريت من عندهوم التقيل والخفيف حتى الفرنشات وفاصلت معاهوم كتير وخدوا من متر التفصيل ٥ جنيه واستلمتها زي الفل مكوية خلال ٦ ايام ومعلقها كمان دلوقتي في شقتي في سويسرا يارب تعجبيك

[marwa81]

مشاء الله رائعه جداا ربنا يبارك فيكى على الاضافه الحلوة مشكورة حبيبتى

[yomizo]

وليه كل ده ماتضمنوا ان الصور ماتتحذفش من موقع التحمميل وترفعوا الصور من الجهاز على المنتدى على طول

هنا هتلاقول مركز تحميل الخاص بلك

مركز التحميل

[noana]

السلام عليكم انا حابه اشترك معاكم بس انا من الاسكندريه و كنت لسه بوضب فى شقتى فى الصيف و لسه فيه حاجات نقصانى منها الستائر و اعادة تنجيد الانتريه و الصالونات
عموما النقاش كان ممتاز بس مشكلته انه غالى شويه بس شغله نظيف جدا
و بمناسبه ورق الحائط انا عملت فى حيطه الليفنج ورق ملون قابل للغسيل و ان شاء الله ناويه اعمل فى الصالون برضه فى انواع شيك جدا و بتلاقوا الكتالوج بتاعها عند توكيلات يوتين و تناسب كل الغرف و فعلا بيتعطى شكل مميز جدا للغرفه
و على فكرة لا تاخذ وقت خالص فى تركيبها
بالنسبه للسيراميكبصراحه انا لفيت كتير لقيت اشيك اشكال للحمامات هى عند الجوهرة و بالنسبه للمطابخ انا جبت من رويال
اما ارضيه اللفينج فكانت بورسيلين صينى يشبه الرخام انا فضلت البيج الفاتح مع تطعيم الكنار ببلطات زيتى بتشبيحه الرخام
و بالنسبه للسقف بصراحه انا عملت الليفنج بس ومش بيت نور ده سقف ساقط بشكل جمالى و به مكان الاسبوتات و الكنار مزخرف و النقاش عمله بتبتين بلون زيتى ليناسب الارضيه
افضل اطقم حمامات هى ايديال استندارد و خصوصا انها عليها ضمان مدى الحياة و عن تجربه بيجوا يظبطوا اى حاجه عندك مجانا
ارجو ان اكون افدت بهذة المعلومات البسيطه و هو عموما موضوع جميل و مفيد ان شاء الله

[عابدة لله]

السلام عليكم ...أنا بقى لا أكره في حياتي قد العمال يكون غالي أو رخيص في كل الأحوال مواعيدهم سيئة وعندهم لا مبالاة غريبة .أحيانا كثيرة أندهش منهم من عنده مواهب رهيبة وذوق عالي يضيعه بالاستهتار واللامبالاة لذلك قررت ألا أتعامل مع أي عامل الا عن طريق مهندس هو بيعرف يعملهم ويمشيهم كويس لأن العامل الذي يراعي ربنا في معاملة الزبون أصبح نادر

[kouky5]

موضوع رائع...بارك الله فيكم

[Nonoosh]

عزيزتى noana
انا عايزة اعرف اخبار البورسلين الصينى معاكى ايه لانى عاملاه فى الريسبشن و الطرقات و فى اوضة من الاوض.

و على فكرة يا جماعة انا ماعرفتش انى انزل صور لانى للاسف كنت عايزة انزل فيديو لكن انا هاحاول اصور صور لانها اسهل فى التنزيل و نفسي تشاركونى.

و ادونى رايكم انا عاملة الشقة كلها بورسلين و اللون الغالب كريم فاتح يبقى الافضل تبقى الحيطة سن فيل كده و لا رايكم ايه و قولولى كمان يا ترى شباك الالوميتال بتاع الحمام الاحسن يبقى مروحة و لا يفتح درفتين.

مع حبي و شكرى
رانيا

[noana]

السلام عليكم يارانيا البورسلين جميل فى التنظيف و بينور فعلا فى المكان الى بيتحط فيه عموما انا يادوب عامله منه الليفنج و طرقه مربعه توزيع امام المطبخ و الحمام بس بصراحه نضيف جدا و انا الى قالت لى عليه انه احسن من المصرى مهندسه ديكور وقريبه جوزى و سلفتى عامله الريسبيشن منه كله بس لون تانى و مبسوطه منه جدا
بالنسبه للحوائط ده تبع الوان فرشك و بلاش تتقيدى بلون محدد فعلا على رأى يميم الالوان الحياديه اجمل حاجه و منها اللاوف ويت بيمشى على كله
بصراحه انا عامله عندى فى الحمام المروحه علشان ما يجرحنيش الجيران بس برضه الفتحتين عملى اكتر فى التنظيف

[Nonoosh]

ما اتحرمش منك يا noana

انا كنت عايزة اسال بخصوص البورسلين الصينى هل لما تقع عليه حاجة يبقع بسرعة و ما تروحش ابدا؟

ميرسي يا جميلة

رانيا