اريد شراء لاب توب واي من هذه الماركات تنصحوني به؟(الحمدلله اشتريت توشيبا ^_^)

[عواطف الشمري]

هلا فيك اكثر

اللهم لك الحمد على كل حال


_____________________________

Dell ياتي على عدة انواع منها

Dell Inspiron"
"Dell Studio"
"Dell Studio XPS"
"Dell Vostro"
"Dell Adamo"
"Dell Mini"


افضل هذه الانواع


Dell Inspiron

الموصفات

المعالج :Intel Core i7
الرام : 4 - 6 جيجا
الهاردسك : 500 جيجا
كرت الشاشة : 1 جيجا منفصل
المنافذ : 4 منافذ USB , منفذ للصوت و المايك , منفذ بروجكتر أو شاشة خارجية .
محرك الأقراص : DVD


الموديل الافضل حاليا من لاب توبات Dell هو

dell inspiron n5010


هذا اهم شي عندي اختي حنين وان شالله راح تستفيدين منه

دعواتك لي بالهدية والصلاح و التوفيق بالدارين

ولكِ دعوات بظهر الغيب يا استاذه نشمية اشكرك ولا تفي .

[unprofessional]

السلام عليكم ورحمة الله وبركاته

راح اعطيك رأيي ويمكن يكون مختلف بعض الشي عن اراء اخواني واخواتي ..

حاليا في وقتنا هذا صارت كل الشركات متشابهه في المواصفات والاداء وخاصة بعد تحول جميع الشركات للصين وإنشاء مصانع لها في الصين ..

علشان كذا صعب التقييم للاجهزة ..
مثال :
ممكن يكون عند احد الاعضاء جهاز ماركة توشيبا بمعالج Core2Duo مثلاً
وذاكرة رام 2 جيجا وهارديسك 120 جيجا وكرت شاشة متصل ..
ثم مع الاستخدام وكثرة البرامج راح يلاحظ ان الجهاز بطيء وحرارته ترتفع بشكل ملحوظ ويعلق كثير .. ثم بعد فترة يجرب جهاز ديل بمعالج i5 وذاكرة رام 4 جيجا وهارديسك 250 جيجا وكرت شاشة منفصل من نوع مثلا جي فورس أو غيره ..
بيلاحظ اداء قوي لنفس البرامج اللي يستخدمها بجهازه السابق .. في هذي الحالة لو سألناه راح يرشح ماركة ديل على توشيبا ... وهذا مو مقياس في تقييم الاجهزة وقوتها ..
المفروض قبل تقييم اي جهاز لازم نذكر مواصفاته التقنية علشان نعرف نقارن بشكل صحيح ودقيق ..
يعني ماينفع اقارن جهاز ايسر بمعالج DualCore بجهاز اسوس بمعالج i7
لأن فيه ظلم لجهاز ايسر وطبيعي بيكون اسوس هو الفائز ..

الاجهزة حاليا يحكمها السعر ...
يعني مثلا تقولين ابغى جهاز بحدود 3000 ريال ..
وقتها نعطيك اجهزة بنفس السعر ومن شركات مختلفه .. وبتكون المواصفات طبيعي متقاربة .. وقتها تختارين الشكل اللي يناسبك وتتوكلين على الله وتشترين الجهاز ..
وتأكدي ان الاداء واحد في حالة كانت المواصفات وحده ..
حتى اجهزة ابل ماكنتوش للعلم كانت قبل 5 سنوات مميزة في قطعها الداخلية ومعالجاتها .. لكن الحين تلاحظين ان اجهزة ماكنتوش صارت تستخدم نفس معالجات شركة انتل ونفس ذاكرة الرام للاجهزة العادية ونفس الاقراص الصلبة للتخزين ..
وبصراحه سعرها مبالغ فيه .. يعني خسارة اشتري جهاز ماك بــ 6000 ريال .. مع اني اقدر اشتري جهاز اسوس مثلا أو توشيبا أو ديل بنفس المواصفات وبسعر 3500 ريال ..
اللي يميز اجهزة ماكنتوش حالياً هو نظام التشغيل .. لأنه مستقر اكثر من ويندوز لكنه غير عملي ابداً وراح تملين منه زي ماصار لكثير مستخدمين .. لأن النظام هذا برامجه محدودة .. وراح تفقدين كثير من برامجك اللي تعودتي عليها في نظام ويندوز ..
نظام ماك اغلب اللي يستخدمونه حالياً لبرامج معينة مثل برامج التصميم وبرامج النشر الالكتروني لأنه مميز في سرعته في التعامل مع الجارفيكس وفيه دقة عالية للصور تساعد على تصميم اقوى وافضل وبدون مشاكل بطئ زي ويندوز ..

وللعلم تقدرين تركبين نظام ويندوز في اجهزة ماك لكنه نظام داخل نظام ... يعني تشغلين ويندوز داخل ماك ويكون من غير وظائفه الكاملة ..

والطريقة الافضل هي انك تشترين جهاز من اي ماركة توشيبا او ديل أو سوني أو غيرها وتركبين عليه نظام ماك وهذي اشوفها انسب طريقة لأنك بتركبين ويندوز كامل ونظام ماك كامل وتشغلين كل نظام منفصل لوحده ..

في النهاية لكل شركة جهازها القوي ..
اسوس عندهم اجهزة تتعدى الـ 7000 ريال لقوتها وادائها
وتوشيبا برضوا عندهم اجهزة بنفس السعر وقوية
وديل بعد عندهم وسوني عندهم وايسر عندهم
يعني انتي احسن شي حددي السعر الاعلي لك وراح تعطيك موديلات لكذا شركة بنفس الاداء ولك الاختيار بالنهاية ..

موفقه ان شاء الله ..........

[عواطف الشمري]

اهلاً بك اخي الهاوي وعوداً حميداً

اخي انت خبير ماشاء الله واحمد ربي انك رديت ع الموضوع

انا ابي بحدود 3000 الاف ريال وماركة ديل لكن ابي افضل موديل ومواصفات وهل موديل

Dell Inspiron هو الافضل ..؟؟

[سرور التقوى]

اختي أنا كنت رح أنصحك بماركة ابل لكنه غالي شوي
لذلك أنصحك ب hp. او Sony vaio
تحيتي لك

[عواطف الشمري]

هلابك يا سرور التقوى اشكرك

[فجر أمة]

4- الابتعاد عن شركة ابل (تصفح انترنت فقط)

وفقك أختي الغالية أشكرك على الإفادة .. ولكن سؤالي يخص عبارتك أن أبل تصفح أنترنت فقط !!
كيف ذلك وهي أقوى شركات التكنولوجيا اليوم وفوقها هو أصلا مصمم للمصممين وعن تجربة .. (والمصمم أثقل شغل هو شغله على جهاز الكمبيوتر بحكم أنه يقضي معظم الساعات عليه قد تصل 20 ساعه باليوم إن كان لديه شغل وتصميم طارئ )أنتظر أفادتك بهذا الخصوص لنأخذ الفائدة

:
.

الغلا حنين حنين الذكرى طمنينا أيش سويتي .. ؟ وقررتي

.
.

مايفقدكْ غالي ياغالي .. طمنيني عنكْ يارب أمورك طيبة ،،،

ماعندي رسايل زوار .. كنت برد هناك شكرا لك ِ من قلبي

[unprofessional]

السلام عليكم ورحمة الله وبركاته

اختي بما انك من هواة اجهزة Dell فأشوف ان الموديل : Inspiron N5110
جداً مناسب لك ومواصفاته عالية وسعره معقول ...


الله يوفقك اختي ..

[عواطف الشمري]

السلام عليكم ورحمة الله وبركاته

اختي بما انك من هواة اجهزة Dell فأشوف ان الموديل : Inspiron N5110
جداً مناسب لك ومواصفاته عالية وسعره معقول ...

الله يوفقك اختي ..

اشكرك اخوي طيب ممكن مواصفاته ربي يسعدك وابي صورة له وبكم ؟؟

[عواطف الشمري]

هلا يا ام مفاز قراري سوف ياتي من بعد الاستشار بأستخارة ثم البت بالموضوع

[فجر أمة]

ربي يوفقك يارب ويسدد خطاك ْ..

حبيت اعلق على كلامك برسايل الزوار بس مش معاي للآن الخاصية فكتبت هنا فشكرا لك ِ من قلبي