اتمنى لو كنت سالت زوجى هذا السؤال " مشاركة رائعة "

[سحر66]

اهلا يا سحورة مواضيعك دايما جميلة و هادفة بصراحة عجبنى جدا جدا و اسمحيلى اضيف بعض الاسئلة و لو رأيتى انها هامة ضيفيها و لو لم ترى لها اهمية خلاص متضفيهاش و هى :-

1- ما هى وجهة نظرك فى حكم الشرع بخصوص تعدد الزوجات ؟ يعنى بمعنى اخر بيأيد و لا بيرفض و اية الاسباب مع العلم ان كلنا طبعا لا نستطيع الاعتراض على شرع الله لكن فى ازواج بيعددوا الزواج بدون مراعاة للاسباب الشرعية المعروفة .

2-سؤال اخر و هو ما هى وجهة نظرك فى بعض الامور الخاصة بالزواج مثل المهر و مؤخر الصداق و القايمة و غيرة ؟.

3-ما مدى اهتمامة بالسؤال او بمعرفة اى شىء عن علاقات زوجتة السابقة و خصوصا اذا كانت مخطوبة من قبل و تم فسخ الخطبة او مكتوب كتابها و طلقت بلا دخول بها ؟

4-بخصوص السكن مع العائلات هل تستطيع وضع حدود فاصلة فى التعامل و خصوصا الناحية الاجتماعية ؟ و يا ريت تقوليلى رأيك انتى و اخواتى فى اسئلتى

صديقتى و زميلتى الحبيبة
بارادايس
طُولت الغياب ياجميل
اسألتك هامة جداااا ... وشملت جوانب كثيره يغيب عن الكثيرات و انا اولهم مناقشتها مع الخاطب او الخطيبه
و قد كنت فى مسجد ال رشدان لحضور عقد قران عندما سمعنا فضيحة فى احدى القاعات المجاورة حيث فوجئ العريس بمؤخر الصداق و قام بالغاء عقد القران و غادر القاعه غاضبا هو و اهله تاركا العروس و اهلها فى حاله يرثى لها من الحزن و الاحراج و العروسة المسكينه تبكى هى و والدتها ... فيجب مناقشة مثل هذه الامور قبل الزواج بروية
اشكرك حبيبتى على اضافتك القيمه
و الموضوع مفتوح للاضافات اذا تذكرتى سؤالا اخر

22- ما هى وجهة نظرك فى حكم الشرع بخصوص تعدد الزوجات ؟ يعنى بمعنى اخر بيأيد و لا بيرفض و اية الاسباب مع العلم ان كلنا طبعا لا نستطيع الاعتراض على شرع الله لكن فى ازواج بيعددوا الزواج بدون مراعاة للاسباب الشرعية المعروفة

23-سؤال اخر و هو ما هى وجهة نظرك فى بعض الامور الخاصة بالزواج مثل المهر و مؤخر الصداق و القايمة و غيرة ؟


24-ما مدى اهتمامة بالسؤال او بمعرفة اى شىء عن علاقات زوجتة السابقة و خصوصا اذا كانت مخطوبة من قبل و تم فسخ الخطبة او مكتوب كتابها و طلقت بلا دخول بها ؟


25-بخصوص السكن مع العائلات هل تستطيع وضع حدود فاصلة فى التعامل و خصوصا الناحية الاجتماعية ؟

[صاحبة البيت]

سحورة حبيبتى كلنا مبيبقاش عندنا وقت نسأل
بيبقى همنا نخلص البيت عشان نتنيل وادينا أتنيلنا
ويلا ...يلا يا جدعان قبل ما يعقل واللى ما يشترى يتنيل
هتشترى ...............لأ...........هتنيل

[الحياة كلمات]

عنا مثل بيحكي

اللي ما بيطلع مع العروس ما بيلحقها

مش عارفه شو احكي غير انو في اشياء كتير ممكن تتبدل بعد الزواج
وفي شروط ممكن لايعمل بها

والله المستعان

[عمرى لزوجى]

السلام عليكم
موضوع حلووو اوى يا سحوره
وان شاء الله البنات المقبلات ع الزواج يستفيدوا منا
كنت سالته ايضا ..........
ايه رايك فى نظريه ان الزوج والزوجه لازم ياخدوا هدنه بعيد عن بعض
يعنى يبعدوا عن بعض كل واحد عند اهله موش خصام لا عشان يوحشوا بعض
واعرف باه يا سحوره رايه ايام الخطوبه ورايه بعد الزواج
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟

[azmiralda000]

فى سؤال مهم يمكن بالنسبة لى انا بس

طبعا فى العادة ان الزوجة تابعة لزوجها يعنى اهله اولا

لكن انا مثلا امى و اختى عايشين لوحدهم
و اختى ان شاء الله قربت تتجوز و امى هتبقى لوحدها
لكن هو ما شاء الله ليه ابوه و امه و بنتين عايشين مع بعض

طيب دلوقتى

اول يوم رمضان هنفطر عند مين ؟ عند اهل و لا امى؟
او يوم العيد هنروح لمين؟ اهله و لا امى؟
هل يرضى انه يعيش مع امى ف بيتها او هى تعيش عندنا؟
لو كانت امه لوحدها كان هيغصبنا نقعد عندها او هى تقعد عندنا

انا اقصد ان لازم يكون فى عدل فى المعاملة بين اهل الزوج و اهل الزوجة و يكون ده باتفاق من الاول

صح؟؟؟؟؟؟؟؟؟

[الحياة كلمات]

ربنا يعين يا ازميرالدا انت ما لكيش خوات شباب هي كدة العادات و انا من راي انك تجيبي مامتك عندك

[فرح1983]

كما هي العادة يا اختي الحبيبة والعزيزة جدا على قلبي سحر، مواضيعك بتكون على الجرح تمام التمام، بصراحة مش عارفة اقولك ايه، بس بتهيألي بعد ال17 سؤال بتوعك، مافيش اسئلة تانية، وخصوصا لو كان الجواب سلبي، ومشكلة بنات كتير مش انهم مش بيسألوا الأسئلة دي، المشكلة انهم مش بيبقوا عارفين حتى لو عارفين الاجابة هما داخلين على ايه، او بمعنى اصح ورطوا نفسهم في ايه، انا مثلا اجوزت وانا في البكالوريوس في اجازة نص السنة، وكنت مخطوبة حوالي 5 شهور بس، وكل الاسئلة اللي انت سألتيها دي كنت عارفة اجاباتها، على الرغم من ان كان اهم حاجة عندي علاقة جوزي او خطيبي وقتها بربنا، ويمكن لاني كنت صغيرة، او لان ماكانش عندي خبرة، ولاني اكبر اخواتي واول واحدة في العيلة وحاجات زي كدة، وزي ما انت عارفة ان الجيل اختلف من زمن امي لدلوقتي، ولأن الحمد لله حياتي قبل ما اجوز كانت مثالية لحد كبير، لان والدي ووالدتي كانوا ولا يزالوا نموذج يحتذى بيه، كل دي حاجات خلتني كنت مقتنعة ان الحياة مش وردي، ولو اني انسانة رومانسية جدا، وانما معقولة وقابلة للعيش، وبالرغم من اني ما كنتش واخدة جوزي عن حب وانما زواج تقليدي، وكنت عارفة كل اجابات الاسئلة، ولكن كانت تراودني فكرة ان الانسان بيتغير، طالما ان الاساس موجود وفيه دين والحمد لله وفيه تكافؤ وهما شرطا الزواج في الاسلام، فلم التفت كثيرا للعيوب الاخرى التي اكتشفت فيما بعد انها بأهمية الشرطين الأولين، وان في حاجات كتيرة في الدماغ بغض النظر عن الدين، وصعب تغييرها، فأنا بالنسبة لي زي ما قلت المشكلة في عدم معرفة الاجابات، وانما في تقدير حجم هذه الاجابات، يعني هو بصراحة ما ضحكش عليا، تقريبا انا اللي كنت في غيبوبة وللا ايه مش عارفة، بس انا مع الوقت وصلت لحل كويس، وهو ان مافيش حد مثالي، لا انا ولا هو، واكيد زي ما انا شايفة فيه عيوب هو كمان شايف فيا عيوب، وزي ما انا باستحمل عيوبه فمن المؤكد ان هو كمان بيستحمل عيوبي، وماحدش كامل، وحتى لو تخيليتي انك في وقت من الاوقات انك قايدة صواعب العشرين شمع علشانه، ودة شيء كنت انا باعتقده، ودة مش معناه اني ماكنتش باعمل كدة، كنت بحاول اتقي الله قدر المستطاع، ولكن ايه اللي يعرفك ان الشمع اللي انت قايداه دة هو النوع اللي بيحبه، الحياة وجهات نظر، نحاول نقرب من بعض فيها لحد اما نوصل لحل وسط،والخطوبة مهما طالت واسألتها كترت عمرها ما بتبقى مقياس، مافيش غير مقياس واحد بس، وهو ان الانسان يحاول انه يتقي الله في اللي بيعمله، ويحسن النية لله، ويخلصها لوجهه تعالى ، ياخد ثواب وكمان (ومن يتق الله يجعل له مخرجا، ويرزقه من حيث لا يحتسب).

[سحر66]

مدام سحر مواضيعك تدل على شخصية جداً راقية جزاك الله الف خير
برأيي الاسئلة التي وضعتيها وأضافتها الأخوات يجب أن يجيب عليها كل عريس لأنها مهمة وضرورية جداً حتى ولم يكن صادقاً فهذا مؤشر على وجود خلل في شخصيته

اهلا عبير حبيبتى
الف شكر على اطراءك الجميل لشخصى المتواضع
و انا سعيده جدا ان الموضوع اعجبك
نورتى و شرفتى حبيبتى

[سحر66]

سحورة حبيبتى كلنا مبيبقاش عندنا وقت نسأل
بيبقى همنا نخلص البيت عشان نتنيل وادينا أتنيلنا
ويلا ...يلا يا جدعان قبل ما يعقل واللى ما يشترى يتنيل
هتشترى ...............لأ...........هتنيل

اهلا اهلا صاحبة البيت
والله حبيبتى نفسى البنات الصغيرين يكونوا فاهمين الحياه الزوجية صح و عارفين ان الموضوع مش فستان و فرح و خلاص
و ادينا بنحاول و رزقنا على الله

[سحر66]

عنا مثل بيحكي

اللي ما بيطلع مع العروس ما بيلحقها

مش عارفه شو احكي غير انو في اشياء كتير ممكن تتبدل بعد الزواج
وفي شروط ممكن لايعمل بها

والله المستعان

اهلا اهلا بالحياه كلمات
حلو قوى المثل ده
فيه عندنا مثل يشبهه
بعد العيد ما يتعملش كحك
شرفتى حبيبتى