الأمهات الجدد : تعالوا يالا نتجمع هنا_ تم دمج الموضوعين_

[ملك المالكى]

بالنسبة للسرير
سرير الاطفال امان اكتر طبعا عشان بيتقلبو
بتاع توتة له مستويين يعنى الحواجز بتاعته بتطلع وتنزل وكمان اللوح بتاع المرتبة له مكانين للتثبيت واحد عالى وواحد تحت شوية عشان لما تكبر وتتحرك اكتر

[مصرية بالكويت]

ملك اعتقد هو اخطاء ف رضاعة لبن بيدخل اذنها لانها دايما واخدة وضع و هي نايمة
طيب حغلس بسؤال تاني
بحسها زهقانة اكتر الوقت و مش عارفة كل ما اديها حاجة تحطها ع فمها ع طول هي العضاضة اللي بتتكلموا عليه مناسبة لهم ( اه نسيت الحمد لله عندي بنتين توأم و ام لاول مرة تقريبا كل خبراتي من خبرات امهات المنتدي) هم ف 4 شهور و نص

[betalnile]

حسب علمى طلوع الاسنان ملوش معاد محدد لكل الاطفال من ست شهور وانتى طالعه لحد السنة فى بيتاخرو وفى بدرى

يعني ممكن تكون دي أعراض تسنين لأبني و هو يدوب حيكمل شهرين؟

[ملك المالكى]

يعني ممكن تكون دي أعراض تسنين لأبني و هو يدوب حيكمل شهرين؟

لا بيتهيالى التسنين من اول تلات شهور بس الله اعلم ممكن يكون ابنك بدرى شوية طالما نفس الاعراض

ملك اعتقد هو اخطاء ف رضاعة لبن بيدخل اذنها لانها دايما واخدة وضع و هي نايمة
طيب حغلس بسؤال تاني
بحسها زهقانة اكتر الوقت و مش عارفة كل ما اديها حاجة تحطها ع فمها ع طول هي العضاضة اللي بتتكلموا عليه مناسبة لهم ( اه نسيت الحمد لله عندي بنتين توأم و ام لاول مرة تقريبا كل خبراتي من خبرات امهات المنتدي) هم ف 4 شهور و نص

ربنا يباركلك فيهم يا رب كل الاطفال اليومين دول زهقانين جيل غريب هههههههه
كنا لسه بنتكلم فى الموضوع ده
حاولى تخرجيهم او تخليهم يشوفو ناس

[ملك المالكى]

مصرية لو هتجيبى عضاضه شوفى مكتوب عليها كام شهر
لان فى لكل سن نوع
او اديهم خيارة ساقعه زى ما بيقولوا

[soso*waleed]

السلام عليكم أخواتي
أنا عندي سؤال. أبني عمره شهر و 3 أسابيع, لاحظت في الأسبوع الأخير أنه دائما يقفل يده و يعظ على الأبهام, ما يمصه بس يضل يضغط عليه و يريل, حاولت أمسكه العضاضة بس لسه ما يمسك. معقولة تكون أعراض التسنين و هو لسه في هالعمر؟ ممكن تحصل ولا دي عادة منه بس كده

انا كمان اسيل بنتى كانت كدة بس كنت بحاول الهيها بالتيتينا بس ما بيتهيأليش موضوع التسنين ده

[soso*waleed]

ازيكم كلم يا امهات انا متابعكم و الحقيقة استفدت كتير منكم بس عندي سؤال " بنتي كانت مأريفة جدا و عياط مستمر ليومين وديتها دكتورة لقيت ف التهاب ف اذن لان البن بينزل فيه مو كتبت لها نقط و حاجات و قالت عند اللزوم بس مش فاهمة امتي عند اللزوم دي

الم الودان صعب اوى انا ابن صحبتى كان كدة والدكتورقال لها تعطيه نقط مرتين فى اليوم وما ترضعيهاش ابدا وهى نايمة
رضعيها وهى فى وضع 45 درجة دايما وربنا يشفيها

[Mera]

ازيكم يا بنات
بالنسبه للعضاضه انا بنتى بتحط كل حاجه فى بقها الا العضاضه مع انها لسنها ومش كبيره عليها خالص بس هى مش عارفه تتعامل معاها بفضل انا احطها فى بوقها واول ما اسيبها تقع منها
موضوع الرضاعه وهى نايمه ده للأسف بعمله بس خلاص طالما هو خطر كده مش هعمله تانى ان شاء الله

[Mera]

بنات كنت عايزه اسالكم اطفالكم شبه مين ؟

اصل انا بنتى شبه باباها وجدتها ام باباها
ومش واخده منى غير ( ما تضحكوش ) رسمه الحواجب

و أقولكم حاجه تانيه تضحكم أنا وزوجى سمر وأنا كمان أسمر منه والبنت طالعه بيضاء بس هى هتسمر فى ناس كتير بيبقوا بيض فى الاول وبعد كده بيسمروا
بس اتفرجوا علينا فى الشارع كل الناس بتبص علينا واكيد بيبقوا عايزين يقولولنا جبتوها منين دى أو خطفتوها منين
وانا فى المستشفى بخلع درسى واحده قالتلى هى بنتك قولتلها اه طبعا هى كان قصدها اكيد انى الشغاله مثلا ولو حكتلكم على المواقف اللى زى دى مش هتبطلوا ضحك
حاجه تكسف
بس انا بحكبلكم عشان تضحكوا بس انا مش زعلانه انا عارفه انها هتسمر

[ملك المالكى]

ميرا
بنتى برضه مش بتحب العضاضه بس انا قلت عشان كبيرة عليها
ههههههه
فكرتينى بواحدة صاحبتى بنتها نسخة من باباها عنيها ملونه وشعرها اصفر وكل ما حد يشوفها معاها يقولها مدة برضه
بس ممكن متسمرش على فكرة يمكن واخدة الجين من جد بعيد ولا حاجة عادى
لا انا توتة الحمدلله واخدة منى اللى يشوفها بيقووللى انها شبهى اكتر من باباها
مع انها مش شبههى الصراحة هى تشبة مامتى واخوى اكتر
بس تبع عيلتنا يعنى ملهاش دعوة بعيلة ابوها خالص





ايه رايكو نتبادل صور ولادنا ع الخاص؟؟؟؟؟؟؟؟؟؟؟؟؟؟؟؟