ملف الحضانات في الأسكندرية

[ام يوسف الامين]

شكرا يا رانيا يا عسل وانا فرحانة لانك ورايا ويا رب تفضلى ورايا فانا احبك والله فى الله وبعتبرك اختى
الكبيرة لانى ما عنديش اخوات اكبر منى
وخلاص يا ستى كلامك اوامر حشوف دلفى او عالم سمسم
واول ما يقوم اياد ان شاء الله بالسلامة من العملية حوديه
والف شكر ليكى يا ام احمد يا سكر

[ام يوسف الامين]

اهلا بيكى يا alex birdانا سمعت عن حضانة اسمها ستار فى سموحة
بس هى غالية شوية بيشكروا فيها جدا ممكن تسالى عليها فى الدليل

[rania 9]

تعرفي يا ام يوسف خليتيني ادمع..انا بقى عندي اخين اكبر مني و اخ اصغر لكن كلهم مسافرين ..هم و ماما و بابا في بلد تانية و انا هنا في مصر لوحدي و ما تعرفيش ده مأثر فيه قد ايه بس ما رضيتش اقول لكم علشان ما اقلبهاش غم ..
ما فيش غير خلاني هنا في مصر و دول باشوفهم نااادر جدا لظروف الحياة ..انا يسعدني اني اكون اختك الكبيرة ..والله انا كمان حبيتك في الله و باحلم لو نتجمع كلنا و نشوف بعض في اي مكان ..انا و انت و ام بيجاد و شيماء و كل الاخوات في مجموعة اسكندرية..من يوم ما دخلتوا حياتي و انا حاسة ان بقالي اهل في اسكندرية

[monydent]

وحشتوني اوي يا جماعة
بصى يا ام يوسف حضانة دلفي ليها في التعليم و المنهج اكتر و انا ان شاء اللة حجربها بس من شهر 9 علشان ابني يكون تم ان شاء اللة 2 سنة .....بس باردوا في شهور الصيف بتوقف الدراسة و بتبقي زي النادي زي كدة ما قلتلك ام ادهم

[monydent]

اهلا بيكي اولا alex bird
بصي انا سمعت كتير عن حضانة abc و كل الناس بتشكر فيها و هي لغات طبعا ...ب400 جنية و ليها باص طبعا و ليا حد اعرفة كان ابنه فيها
اما توم&جيري فا في واحدة اخت في موضوع مدارس الأسكندرية حزرت منها
حضانه vip معرفش عنها حاجة الان بس حسالك عنها قريبا ان شاء الله

[monydent]

رانياااااااااااااااااااااااحنا كلنا اخواتك و اامرى انت بس و حتشوفي الاخوات بجد مش كلام

[onenahla]

انا سالت على حضانه ستارز اللي في سموحه هي في الشارع اللي ورا مسجد علي بن ابي طالب ومصاريفها 400 في الشهر و150 رسوم تسجيل وفيها باص
وبالنسبه للقسم الانجليزي في قسم ناشيونال وفيها قسم انترناشيونال وده بجانب قسم الفرنساوي

[بوبوس ام يوسف]

السلام عليكم
ام يوسف انا كمان فى السيوف بصى حضانة عالم سمسم دوران السيوف وانتى رايحة على السريع فى مخبز اسمة بان بان هى فى الشارع المقابل لةعلى الناحية المقابلة

وفى حضانة دلفى فى جمال عبد الناصر امام مدرسة عزيز اباظةوهى احلى من التانية

وفى حضانة جرنتش بجوار الاكاديمية وفى حضانة abcفى شارع مبرة العصافرة
وسيمبا فى لوران ممتازة

وربنا معانا ويهدى اولادنا.

[بوبوس ام يوسف]

اية يارانيا طلبت معاكى كابة ولااية ولو رايحة بكرة الحفلة ياريت نتقابل..

[ام يوسف الامين]

شكرا ليكى يا بوبوس هى الامور كده اتحسرت فى 2-3 حضانات
حروح اشفهم وربنا يعمل اللى فيه الخير