بسم الله الرحمن الرحيم
بجد وحشتوني اوي اوي اوي اوي بطريقة يتسغربها حتى زوجي
الصحبة الطيبة تصل القلب بدون إستئذان ولا حياء
وأشكر كل من سأل عليا بجد خليتوني احس ان عندي ناس جامدة تسأل عليا لو حصلي في يوم من الأيام اي شئ
وأسمحولي أخص بالشكر كل من
بيرو
أم جوري
ميوش
كوكي
سمسمة
لأني لقتهم سالوا عني في الفيس
وبصراحة كل البنات
وطبعا يا معمارية حتى لو ما سألتيش عني وحشاني اوي
ومسلم وحشاني برضه وكل البنات أنا بحبكم جدا في الله
انا وديت بودي حضانة التشايلد كاسيل
هيا حضانة معقولة عرفتها من الفيس بووك
صاحبتها واحدة إسمها مدام سامية مسخرة نفسها للأطفال
بيدوا 3 لغات بس على فترات
وبتدي وجبة فطار وغذاء وسناكس
بيهتموا بال activities يعني كل يومين يوم مفتوح واراجوز ومسرح عرايس وحتى المفتش كرومبو بقى يجي للأطفال وحمبوزوا لاوي بوزوا؟؟؟؟؟؟؟
بالذمة دي اسامي
انا الشي اللي باسطني في الحضانة إن بودي بدأ يتعلم فرنسيه
وطبعا عشان انا في الضياع الأليم فيه بتعلم معاه من موقع رائع
www.languageguide.org
وده بيعلمك اللغة بالصوت
بس انا شغال عندي الإنجلش والفرنش بس مش عارفة الألماني مش شغال فيه الصوت ليه ؟؟؟
على اي حال
الحضانة بتقعد لغاية 5 وده الجميل عشان في حالة اتأخرتي في الشغل
وبتيجي عربيه خاصة بسائق وناني بياخدوا الأطفال وبيجبوهم
والخبر الصاعقة بقى
انا نقلت بودي مدرسة تانية من الرغم انه اتقبل في نولدج ودفعنا ال 200 جنيه بتاعت الأبليكيشن
بس رحت المدرسة البريطانية في السليمانية
وبصراحة عجبتني جدا وقابلنا مستر جون هناك وكان أنسان محترم جدا حتى بالرغم من إننا ما قلنالوش اننا حندخل الولد
انا اكتشفت حاجة إن المصرين يحبوا يتقالطوا على المصرين اللي زيهم بالذات لما يبقوا في بوسيشن أو وضع معين
يعني مدام اميرة اللي عملتلنا الإنترفيو انا وجوزي في نولدج لا تتخيلوا كمية التكبر والألاطة وكأننا حنشحت
كانها فاكرة ان ده بيدي مركز أكثر للمدرسة وده ايه والمدرسة جديدة
اما العكس لقيته في المدرسة التانية
الراجل مستر جون ده المدير الإداري للمدرسة وده بريطاني امريكي وعاش في المانيا 8 سنين
الراجل كان متواضع بشكل رهيب وسمح وبشوش وبيقول الحقيقة من بابها
يعني الفصول مش مكيفة قال انها من حيدخلولها التكيفات دلوقتي خالص
لا وعد ولا جمل ولا الكلام بتاعنا ده
المهم
فأنا بعد تفكير
إخترت المدرسة دي صحيح ابعد لكن طريقها أحسن بكثير والحقيقة جميلة جدا من جوه
بس بصراحة نولدج تكسب من ناحية اليوسي ماث وأخلاقنا
دي أخر تطوراتي وأتمنى اني اسمع كل خير عنكم يا أحلى صحبة
دمتم
صباح الخير وجمعة مباركة ان شاء الله
الروابط المفضلة