جلسة سمر سودانية علي مقرن النيلين حبابكم مليار اتفضلوا لجوة (25)

[thenile]

هلا بعاشقة السودان منوره الجلسه وربنا يجمعنا دوماً فى طاعتوا

ياريت ما تنقطعى والله عندنا أخوات حلوات بس دائماً مشغولات

[عاشقة السودان]

هلا حبيبتي أنا موجووودة بس ما كنت بجي القسم ده اليوم لفتني الموضوع
قلت أدخل أشوف الحاصل شنو ههههههههههه

[بت كردفان]

سلام بنوت سلام
ويا هلا ومرحبا بالناس الظهروا
ام العزاز ما بتقصري وعقبال تحضري جديد وليداتك
نيلنا الغلا كيف حالك وربنا يكون في عونكم ويقدركم على مشوار التربيه الطويييييييل وتحضروا عرسهم
هيا بتنا انت كمان من الناس الراجين التلفون ؟؟؟ لا دي دايرة قعده
تصدقي اختي بت عمي وصديقتي برضو قلت ليها برجع ليك وعيييييييييييييك الا مشت محل لمه والناس يباركوا ليها خطوبة بتي !!!!
ضربت لي زعلاااااااااانه ولي هسه مخاصماني تصوري
بس نتلاقى بنحكي
ما شايفاكم مع الايتام

[ام العزاز]

هلا وغلا بالغاليين
نيلنا العسل هههه حليلك والله خلاص كان كده الساقية دورت ربي يوفق نوديه في أول يوم ومشوار التوفيق والنجاح يارب
وعقبال تشوفيهم كده خريجين وفي اعلى المراتب يارب
بتنا كيفك ياغالية ومليون مبرووك يارب والله انا مشغوولة الفترة الفاتت دي مع امتحانات الوليدات يادوب اجزنا
ألفتنا الغالية كيفك وكيف الوليدات ان شاء الله تمام ربي يديم اللمة الحلوة يارب
عاشقة البلد حبابك مليوووون ياغالية بيتنا نوره زاد لمبة بطلتك
والله ياغالية الدار دي كانت عماااااااااار لكن طقونا عين وشلوت وبوونيه هههه ربي يرجع اللمة الحلوة زي ماكانت
شرفينا دايما ياجارة انا مابعيدة منك ساكنة جدة غييير


يانسوااان كفّرووا لي على كبر جاني برجم انا ونوديه واتخيلوا الحال مع الحر والرطوووبة
احييي من الحنكلوا اب حكاً حلووو
دعواتكم لينا بسريع الشفا
لاعدمتكم يا حبيبات

[thenile]

أم اللذاذ ألف سلامة عليكم
وكنت وين لما الناس بتبرجم صغار الله يعينك
وربنا يبردوا عليك وعلى العسوله نودى

[رهوفة العسل]

اهلين عاشقة السودان نورتي الجلسة
يلا اكتبي لينا تفاصيلك عشان نتعرف عليكي اكثر

ام العزاز كفارة ليكي يا ست الكل
وصعب شديد البجي علي الكبر دا الله يعينك

انا طبعا طهرت ولدي واتحبست معاه الليلة اليوم الثالث والحمد لله
بس ما بقدر اتحرك بخاف يضرب ربنا يسهل واشوفوا عريس يارب

بتنا الزهايمر اشتغل ولا شنو الله يسهل علي العموم لازم نتلاقي قريب
ما تجينا فى بيتنا الجديد وتباركي لولدي سبب للجية مش

نيلنا مبرووك لندوا وعقبال ما تشوفيها فى الجامعة يارب

[بت كردفان]

سلام بنوت سلام
سلامتك الف سلامة انت ونودي يا ام العزاز وربنا يجعله بارد عليكم
بس عنده حمى صعبه خالص عليك بالمويه الباااااااارده لكن من غير صابون
وابعدي نودي بعييييييييييييد من ريحة العطور ...ربنا يشفيكم ويديم عليكم نعمة الصحة
ايوووووووووووي
طهرتي الوليد وما بتعزمينا يا ام رهف !!!!!!طيب نحن والزهايمر بدا وانت مالك ولا نظام تتكفي؟؟
المهم الف مبروك لمه اجيكم وعقبال تحضري عرسه وتشيلي وليداتو يا رب

[ام العزاز]

ألفتنا ونيلنا وبتنا الله يديكم العافية يارب
والله يانيلنا لمل برجموا الناس صغار كنت وااقفة في آخر الطابور هههه
برجموا اخواني الصغار زمان وانا واقفة امارضمهم وما لقطته وقبل 4 سنين برجمت رنيم وكنت في راسها لكن برضه ربنا ما اراد الا اسي خخخ
الحمد لله على كل حال
الفتنا مبروووك لميزوو العسل وعقبال تحضري عرسه وعرس اخواته يارب بوسيه لينا وباركي ليه
بتنا الله يديك العافية يارب طبعا الدكتورة مانعانا من المويه اليومين الفاتوا لكن اسي الامور اروق شوية لكن الحمد لله الحمى ماشديدة لكن انتهى من كرعي نهاية بطل
حالفة انقشهم لحدي الركبة عشان نخفي اثار الجريمه ـأجششششششششش في عرسي مانقشت لنص ساقي هههه
لاعدمتكم يارب

[عاشقة السودان]

هلا بالجميع أخباركم ان شاء الله طيبين
أم العزاز
النور نوركم بالله كيف مع البلد دي والقفلة انا ماشة السودان في رمضان اشم هواء ربنا يسهل دعواتكم
بت كردفان
كيفك ومبروك لي بنتك عقبال بنتي كمان هههههههههه رسلت ليك رسالة خاصة ما جاتك؟؟
رهوفة العسل
وينك من زمااان عنك كيف اخبارك واولادك ومبروك للوليد ان شاءالله تشوفيه عريس
وبالنسبة للمعلومات اناعاشقة السودان اسم الدلع عشوقة ههههههههههه
من القضارف عندي بنت وولد ومقيمة بمكة
يا اخواننا دايرة أسألكم من الدخن هو صح سريع للتسمين الحقوني بشئ سريع
الرضاعة نحفتني ناس السودان بشيلوا حالي

[عاشقة السودان]

وينكم يا جماعة انا بقيت نشيطة بجي كل يوم ههههههههه