ملف لعمليات التلقيح الصناعى و الحقن المجهرى ...تجارب وخبرات

[mayooya]

رانيه يا حبيبتي تعالي طمنينا عليكي يارب تكوني دلوقتي احسن شويه ربنا يصبرك ان شاء الله و يعوضك خير و يربط علي قلبك

[mayooya]

مروه نجيب حبوبه ازيك وحشتيني بقالي كتير معرفش عنك حاجه اخبارك ايه
يارب تكوني بخير ربنا يكرمك و يرزقك بالذريه الصالحه يارب

[mayooya]

يمني ازيك وحشتيني اخبارك ايه يارب تكوني بخير
للاسف مش هعرف ادخل بكره هنا الان الاب توب فيه مشكله زوجي هيخده بكره يصلحه
بس ياريت اطمن عليكي اكتبيلي و بليل احاول ادخل بكره اقراء اخبارك
وحشتييييني
تومي و جودي بيسلموا عليكي

[mayooya]

ام راغب الرائعه ازيك اخبارك ايه ربنا ييسرلك امرك و يرزقك من حيث لا تحتسبي
و ييسرلك حملك يارب و يكرمك اللهم امين

[mayooya]

كل بنات المنتدي ربنا يكرم الحوامل منكم و يرزقكم حمل ثابت يارب و يقر عينكم باولاد سليمة الخلق و الخلقه اللهم امين يارب
و يرزق كل البنات بالحمل قريبا يارب و ييسر لهم امرهم و ميحرمش حدا ابدا من نعمه الاولاد اللهم امين

[نوناسيما]

اهلا بيك اخت جديده معانا تشركينا و نشاركك
و ربنا يكرمك يارب
انا سمعت ان السمنه سبب اساسي في قله و ضعف الحيوانات المنويه
بس زي ما البنات قالولك العسل و حبه البركه
و الحمد لله انك عرفتي بدري
و ربنا معاكي و زي ما انت بتعملي دي حاجه كويسه جدا انك تفضلي تحسيي زوجك انه هو حياتك و هو اهم حاجه فيها و الاولاد دي شئ ثانوي هو طبعا حاجه صعبه عليكي و عليه كلنا هنا حسين بيكي جدا
انا متزوجه من 6 سنين و الحمد لله بعد 4 محاولات حقن مجهري دلوقتي لسه هبدء في الشهر الخامس من الحمل ربنا يثبته اللهم امين و يرزقك الذريه الصالحه قريبا
و افضلي يا حبيبتي علي علاج زوجك بالادويه و العلاج النفسي منك انت اقصد الصير
وان شاء الله يكون حمل طبيعي متحتاجيش تبيعي حاجه و لا تحتاجي لحد ابدا
ربنا معاك

شكرا يا ميويا
بجد دعوة حلوة اوى
يا رب ربنا يسمع منك
و منحتجش لحد
و يكون الحمل طبيعى
يا رب
ادعوا معايا كلكم

[ريدووو]

شكرا يا ريدو يا حبيبتى
انا كمان كنت عاورة اسال لو حد عمل حقن مجهرى فى المنصورة عند الدكتور احمد بدوى و نجحت
لان العملية كلها بالعلاج عنده بتتكلف 8 الاف جنيه
هو دكتور نسا شاطر جدا جدا
بس مش عارفة شاطر فى الحقن ولا ايه
لان المركز بتاعه لسة جديد

الشكر لله حبيبتى ...لو أقدر أفيدك بحاجة تانيه أنا مش هتأخر
أنا بصراحة معنديش فكرة عن دكتور أحمد بدوى ولا أعرف حد من البنات عمل العملية فى المنصورة....لكن بالنسبة للتكلفة اللى قلتيها تعتبر معقولة جداااااا لأنى أنا أعرف أنها لا تقل عن 11 ألف فى معظم المراكز...وأنا لما عملتها العام الماضى تكلفتها عدت ال 12 ألف ..
على كل حال الله يرزقك بالذرية الصالحة ويفرح قلبك إن شاء الله بدون عمليات....

[alyakin]

اخواتى فى المنتدى
بعد السلام
ارجو انكم تقبلونى اخت ليكم لانى لما قريت كلامكم حسيت انكم اخوات و بتحبوا بعض و بتخافوا على بعض اوى
هحكيلكم على حكايتى بالتفصيل الممل
انا اتجوزت من 5 شهور و كنا مستعجلين جدا على الخلفة و الشهر اللى فات اتفقت انا و جوزى اننا نبدا الفحوصات علشان لو فيه حاجة بسيطة نلحق نعالجها من دلوقتى
رحت لدكتور نسا و طلعت فحوصاتى سليمة و طلب تحليل من جوزى و فوجئنا بالنتيجة
نزلت النتيجة علينا زى قالب الطوب
لا يوجد حيوانات منوية
طبعا كانت صدمة شديدة علينا
و جوزى كان بيقول كلام صعب
يا ريتنى ما اتجوزت
انتى زنبك ايه
انا شجلرة من غير ثمر
كلام يقطع القلب
و طبعا انا بهديه و بقول له انت كفايا على
اهم حاجة ان احنا مع بعض
المهم رحنا لدكتور امراض زكورة و طلب تحاليل و اشعات و طلب تحليل وراثة لسة معملنهوش
و اعطاه علاج كله فيتامينات لمده 3 شهور و التحليل هنعمله تانى فى شهر 11
ادعولنا
المهم ان الدكتور بيقول ان احتمال كبير تكون حالته ده سببها السمنة لان وزنه 190 كيلو
هو دلوقتى بدا رجيم قاصى و نزل 24 كيلو
المهم ان احنا قلنا لحماتى علشان المصاريف و كده
طبعا اكيد هنحتاج نعمل حقن مجهرى
المهم ان احنا حاسين ان امه مش ناوية تساعد فى المصاريف و احنا خلصنا كل الفلوس اللى معانا فى الشقة و العفش و شهر العسل وووووو
احنا خايفين و متدمرين
ممكن نضطرنبيع شبكتى او عفش الشقة
انا عاوزة اعرف منكم اسم مركز سعره كويس و نتايجه كويسة
و كمان حد منكم يعرف حالة زى حالة جوزى و لما خس الموضوع اتحسن
و عايزة اسال كمان لو تعرفوا وصفة تساعد مع العلاج
معلش طولت عليكم
منتظرة ردودكم بفارغ الصبر

اهلا بيكي معانا في المنتدى
انا من رايي انك تعطي نفسك الفرصة للحمل الطبيعي اذا كان العلاج
الي ياخذه زوجك يعطي نتيجة و مع الحمية و العلاج البديل و الدعاء
يمكن يصير حمل مثل حالة الاخت الي حكولك عنها و خاصة انكم
متزوجين حديثا يعني انت عروسة تقدري تستني 6اشهر على الاقل
و اذا ما صار حمل لا قدر الله التجاوا للحقن
و بالنسبة للاعشاب انا سمعت عن بذر الفجل يطحن و يخلط مع العسل
رهيب جدا لكل مشاكل الرجال و ما تعطي زوجك مكسرات لانها تسمن
و تكثر الدهون في منطقة الخصية
ان شاءالله يا رب يتحسن زوجك و تحملي حمل طبيعي
و ايضا ركزي ع الحالة النفسية لانها مهمة جدا

[ميرو أحمد]

ميويا يا قمر اخبارك ايه واحشانى انت و الولاد خلى بالك من نفسك يا قمر و من الولاد و انا الحمد لله
كويسه ماشى الحال ربنا يتملك على خير يا رب و يقومك بالسلامه و يفرحك بيهم يارب يارب يارب

[ام راغب H]

اخواتى فى المنتدى
بعد السلام
ارجو انكم تقبلونى اخت ليكم لانى لما قريت كلامكم حسيت انكم اخوات و بتحبوا بعض و بتخافوا على بعض اوى
هحكيلكم على حكايتى بالتفصيل الممل
انا اتجوزت من 5 شهور و كنا مستعجلين جدا على الخلفة و الشهر اللى فات اتفقت انا و جوزى اننا نبدا الفحوصات علشان لو فيه حاجة بسيطة نلحق نعالجها من دلوقتى
رحت لدكتور نسا و طلعت فحوصاتى سليمة و طلب تحليل من جوزى و فوجئنا بالنتيجة
نزلت النتيجة علينا زى قالب الطوب
لا يوجد حيوانات منوية
طبعا كانت صدمة شديدة علينا
و جوزى كان بيقول كلام صعب
يا ريتنى ما اتجوزت
انتى زنبك ايه
انا شجلرة من غير ثمر
كلام يقطع القلب
و طبعا انا بهديه و بقول له انت كفايا على
اهم حاجة ان احنا مع بعض
المهم رحنا لدكتور امراض زكورة و طلب تحاليل و اشعات و طلب تحليل وراثة لسة معملنهوش
و اعطاه علاج كله فيتامينات لمده 3 شهور و التحليل هنعمله تانى فى شهر 11
ادعولنا
المهم ان الدكتور بيقول ان احتمال كبير تكون حالته ده سببها السمنة لان وزنه 190 كيلو
هو دلوقتى بدا رجيم قاصى و نزل 24 كيلو
المهم ان احنا قلنا لحماتى علشان المصاريف و كده
طبعا اكيد هنحتاج نعمل حقن مجهرى
المهم ان احنا حاسين ان امه مش ناوية تساعد فى المصاريف و احنا خلصنا كل الفلوس اللى معانا فى الشقة و العفش و شهر العسل وووووو
احنا خايفين و متدمرين
ممكن نضطرنبيع شبكتى او عفش الشقة
انا عاوزة اعرف منكم اسم مركز سعره كويس و نتايجه كويسة
و كمان حد منكم يعرف حالة زى حالة جوزى و لما خس الموضوع اتحسن
و عايزة اسال كمان لو تعرفوا وصفة تساعد مع العلاج
معلش طولت عليكم
منتظرة ردودكم بفارغ الصبر

وعليكم السلام ورحمة الله وبركاته
اهلا فيكي حبيبتي معانا اخت عزيزة تنوري الملف والله
حبيبتي ادعو الله ان يرزقك الحمل السليم عاجلا غير اجل برحمته عز وجل
وان شاء الله العلاج الي كتبلو اياه الدكتور يكون لخير ويستمر بتنزيل الوزن وربنا ان شاء الله يباركلكم ويرزاك حمل سليم بدون عمليات وما في شي على ربنا بعيدانما امره اذا اراد شيء ان يقول له كن فيكون
ومعاكم ان شاء الله وقت يعني كمان 3 شهور وان شاء الله النسبة تتحسن ونستنى 3 شهور كمان وبعدين نشوف الدكتور شو بيقول وانشاء الله ماتستني الوقت هاد كلو وربي يسهل بالقريب العاجل
حبيبتي بحب االك انو الحالة النفسية مهمة جدا جدا جدا بالنسبة لكي ولزوجك
يعني انتي التي انو انصدم وال انو شو زمبك انك تكسريعليه وتخففي الصدمة هاد حلو ربي يجزيكي الخير
انا ما رح االك شو تسوي لانو ما شاء الله عليكي باين انك صبورة ورح تعرفي كيف تخففي عنو وتوقفي جنبو والا اين الرحمة والمودة
ربي يخليكم لبعض يارب ويشفي زوجك ويرزاكم الذرية الصالحة البارة برحت الله انه على كل شيء لقدير
نورتي حبيبتي