حوار مفتوح خاص لاعضاء دوره الرخصه الدوليه للحاسب الالى

[Abeer Elyasmee]

ميس أنجي أنا موافقاك في الكلام 100%

بالنسبه لدورة ICDL ادا كانوا البنات عايزين يستمروا بالطريقه الاولى انا موافقه

او درسين في وقت واحد اما الاقتراح الاول انا غير موافقه عليه

[votvot]

شكلنا حنعمل زي مؤتمرات القمة العربية ومش حنوصل لحاجة
ياجماعة انا بجد نفسي أفهم اللي مستعجلين وبيقولوا كده حنتأخر حنتأخر علي إيه بالظبط؟ احنا المهم نستفيد ونثبت اللي بنأخده مش ندرس بسرعة وننسى انا عن نفسي درست تقريبا معظم دورة الرخصة بالمراسلة من أمريكا وعلشان ماكنتش بأطبق كويس نسيت معظم الحاجات ، انا رأيي نقلل لحصة واحدة بنفس الكم بس يبقي كل درس جديد الواجب بتاعه يدخل فيه كل الدروس اللي فاتت وبكده نبقي دايما بنثبت المعلومة وماننساش حاجة لكن على أي حال يد الله مع الجماعة واللي حتتفقوا عليه انا انشاء الله معاكم بالرغم من الضغط الجامد اللي حيبقى عليا لكن الله بيعين بإذن الله

[اسالك الجنه]

اذ ن الاتقاف الكلى هو تخفيض عدد الحصص
الى واحده فى الاسبوع لكل دوره

[زهور مصرية]

السلام عليكم
حبيبتى بما انى مشتركة فى دورة الرخصة الدولية فقط عن نفسى انا افضل ان تظل كما هى حتى استطيع ان استوعب اللى انتى بتنزليه انا مش حاتقدم لامتحان عشان احصل على الرخصة لكن بالفعل اتعلمت منك حاجات كتير
وعموما لو الكل يناسبه حصة واحدة فى الاسبوع مافيش مانع لكن المهم الكم مايكونش كبير جدا عشان نقدر نستوعبه لان بالفعل فيه حاجات بنعرفها لاول مرة وبتحتاج تركيز
تحياتى للجميع

[Eng.E.M.K]

بصوا خلاص انتهى الوقت للنقاش فى الموضوع دا
انا قررت الاتى :

1- تخفيض عد حصص دوره التصميم الى حصه واحده اسبوعيا
2- تخفيض عدد حصص دوره الرخصه الى حصه واحده مع زياده الكم بطريقه لا تؤثر على المذاكره ولا تؤثر على مشغولياتكم وتتناسب مع اسبوع كامل بين كل حصه واخرى
لان لو الكم صغير كدا حضراتكم هتذاكروا اول يوم وباقى الاسبوع هتنسوا فيه الدرس
وانا مش هسمح بكدا مطلقا

انتهى وقت المناقشه وهذا ما سيتم تنفيذه باذن الله
امامكم يومين اخرين فى المده المقرره للنقاش والاستفسارات
بانتظار اى تعليقات اخرى واستفسارات اخرى حتى نستفيد من هذه الفتره
ولا نضيعها فى النقاش فى شئ واحد

[اسالك الجنه]

تخفيض عدد حصص دوره الرخصه الى حصه واحده مع زياده الكم بطريقه لا تؤثر على المذاكره ولا تؤثر على مشغولياتكم وتتناسب مع اسبوع كامل بين كل حصه واخرى


i هو دا الكلام يا قمر
حضرتك اكيد حتكونى عارفه المقدار المناسب لاسبوع
بارك الله فيكى
طيب معلش
بالتقريب كده
على رمضان ان شاء الله
حنكون وصلنا لايه فى الدوره icdl
وانجزنا كام جزء منها مش هما 7 كورسات صح

[oum ahmad89]

1- تخفيض عد حصص دوره التصميم الى حصه واحده اسبوعيا

ايه كدا كويس مرة ,, لاني بصراحه مش عارفه الحق على ايش
من ضيق الوقت والمسؤليات الكثيرة
تسلمي يا قمر ركن الكمبيوتر
ويارب يشفي والدك ويعافيه وطمنينا عليه

[هاله 666]

اين الاجابة على الدرس الخامس والنتيجة ؟؟؟؟؟؟؟؟؟؟؟؟؟؟؟؟؟؟؟؟

[اسالك الجنه]

اين الاجابة على الدرس الخامس والنتيجة ؟؟؟؟؟؟؟؟؟؟؟؟؟؟؟؟؟؟؟؟

السلام عليكم
اختى لا لا
الاخت e كان عندها ظروف وهى مرض والدها لذا اعتذرت عن الحصه الفائته وتركت لنا فرصه للمراجعه
اللهم رب الناس اذهب البأس واشفيه شفا لايغادر سقما

[Eng.E.M.K]

النهارده اخر يوم فى الهدنه الحاليه
وبعدها هنرجع تانى
اذا فى اى مناقشات ياريت تكتبوها علشان نحل كل مشاكلنا قبل مانرجع تانى
انا مش عايزه تراكم للمشاكل
كل حاجه نحلها من دلوقتى
لو فى اى تعليق اكتبوه