ورشه عمل يوم بيوم معاكي ننظف المنزل &( امال رفقي )&

[أم عمر المصريه]

جزاكى الله خير

[tur alnoras]

بارك اللة فيكى يا امال
انا هعمل كدة بكرة علشان لسة شيفاة دلوقتى

[ريدانة]

انا انهار دة يا امولة هعمل محشى ادعي لي اخلص بسرعة اصل يومة طويل اتفضلي معاي

هو يوم المحشى العالمى انهاردة ولا إيه ههههههههههه
اصل انا كمان عملت محشى كرنب انهاردة ياله بالهنا والشفى

[ريدانة]

ما شاء الله عليكى يا امولة ربنا يكرمك ويفرج كرب زوجك بإذن الله ويجعل اعمالك هذه فى ميزان حسناتك

[امال رفقي]

اليوم ان شاء الله هنتفق علي حاجه مع بعض
يوم بيوم هنضيف حاجه

قومي بسرعه صلي الصبح
انا بدات ختمه جديده
انا مستنيه لغايه ماتخلصي
وادعليلي ان يفك كرب زوجي وكرب المسلمين
من دعا دعوه حسنه يكن له كفل منها صدقت يارسول الله
افطري بسرعه واشربي
كاكاو باللبن نوع من التغير

1 شدي فيشه التلاجه وحاولي تروقيها
اي بواقي بتعمل ريحه وحشه ارميها ومتعمليش كده تاني
لان محدش بيرضي ياكل رز عليه طبيخ مركون وبيعمل ميكروبات واسهال
2 طلعي الحاجه اللي هتطبخيها علي ترابيزه المطبخ
3انا باسمع القران الكريم
http://www.islamway.com/?iw_s=outdoor&iw_a=directlistenQuran&type=mp3&id=8 12&name=البقرة&type=mp3&number=1&M_id=147&C_id=2&m oshaf=مشاري%20بن%20راشد%20العفاسي&mp3_number=1&mp3 _size=28.90&rm_number=1&rm_size=19.09
4افرزي الغسيل موش كله علي بعضه وفي الاخر تلاقي سمك لبن تمرهندي
يعني الفواتح الابيض والحاجه اللي لا تبهت

5المواعين نظفي بقماشه الفضلات
وسدي الحوض وحطيها وشويه ميه سخنه من السخان وشويه سافو او مسحوق وانقعيها موش هنعملها دلوقتي
هنعملها وانتي في المطبخ معلقه علي الطبيخ




علقي علي الطبيخ الاول سمي بالله
وقولي اللهم اجعل في هذا الطعام هدايه وسكنا لكل من ياكل منه

انا اكلت 3 بلحات
هتفرق معاكي بتعطي قوه ونشاط

هاتي جردل وضعي قليل من الما ء يعني لتر تقريبا وكوب صغير ديتول
وقشه خشنه بتبليها في المحلول
وتنطريها وتكنسي السجاد
وبعد ماتخلصي الماء لاترميه امسحي بيه وضعي بعض سائل تنظيف الارض بيعطي ريحه لجو الشقه
انا لقيت بطاطا حلوه امس
انقعيها لمده 3 ساعات
بتعطي نتيجه جيده في الشوي
1 2 3 يلا ابدؤؤؤؤؤؤؤا

وشدي حيلكم انتم شطار

[امال رفقي]

بعد غسل الفوط بيكون عندي بخاخه النسبه الاكبر من الديتول
بارشها عليها واتركها تجف في الشمس
وخلي بالك فوطه لكل واحد
تققل الاصابه بحب الشباب

وميزي فوطك انت بلون مميز محدش يستعملها

[omtotro]

متابعة معاكي وبستفيد من موضوعاتك كل يوم اكتر واكتر

لابنا يجازيك خير ويفرج هم زوجك ويبارك فيكم

[امال رفقي]

ممكن فيه البعض ماتلحقش تعمل كل الحاجات

مجرد المحاوله يعتبر نجاح

[جني43]

من فضلكم محتاجة طلب ضروري

كان عندي عمال بالمنزل وطبعا انتم عارفين ممكن يعملوا ايه

الحمد لله الشغل انتهي ولكن البوتاجاز سطحه اتحرق هو ستانلس وكنت مغطية سطحه بورق فويل من النوع الثقيل خاص بالبوتاجاز ولما رفعت الغطاء لقيته محروق بالكامل وطبعا محتاج معجزة ممكن تساعدوني انظفه ازاي

[يارب الجنة امين]

افكارك رااااااااائعه