مدارس مدارس مدارس ..الجزء التاني

[bent masr]

ازيكوا يا جماعه....اَسفه على التأخير عليكوا,وحشتونى كلكوا بس الشغل مخلى وقتى لسه مش متظبط شويتين...
مريهان,فى غريانى مش بياخدوا mcmillan,بيدوا منهج oxford.امبارح كان عندنا تفتيش من الاداره التعليمية و واحدة زميلتى سألت المفتشة عن غريانى و قالتلها ان المدرسة ممتازة!!!!!
سادينا....أهلا يا جميلة...وحشتينا...
انتى بنتك فى مدرسة البنات ولا ال co???

بصوا يا جماعه.....خلاصة شهرين شغل فى المصرية.....
الادارة حازمة جداً,منهج الenglish ممتاز...اللغة عند الطلبة كويسة أوى,بيهتموا بالأنشطة المختلفه,منظمين (و فى مدرسة البنات محسوكين....لا مجال للخطأ!!!),بيحاولوا يطوروا أساليب التدريس.....
العيوب بقى....المبانى كشكل مش جميلة أوى....العدد فى الفصول فى حدود 25(غريانى 20 بس)و ساعات أكتر....
بس..........
عايزة أقولك يا مريهان انى لسه محتارة فى اختيار مدرسة ابنى,أكمله فى غريانى(المدرسة مبانيها جميلة و واسعه و العدد قليل)ولا أنقله المصريةّ!!!!!
ادينى هاخد وقتى السنة دى ان شاء الله عشان أحكم!!!

[merehan]

عزيزتى بنت مصر انتى متاكدة انهم مش بياخدو منهج ماكميلين منين اصل سالت من المدرسة وعرفت انهم بياخدو المنهج دة انتى متاكدة ارجوكى ردى عليا عشان ارجع للمدرسة استفسر تانى

[kouky5]

حبيبتي bent masr اهلا بعودتك مرة تانية
كنت عايزة اسالك هل مدرسة المصرية فرع التجمع احسن ولا مدينة نصر؟؟؟؟

[bent masr]

حبيبتي bent masr اهلا بعودتك مرة تانية
كنت عايزة اسالك هل مدرسة المصرية فرع التجمع احسن ولا مدينة نصر؟؟؟؟

بصى يا كوكى.....الادارة و ال system واحد فى الاتنين...حتى الامتحانات واحده,الفرق الأساسى فى وسع المكان

عزيزتى بنت مصر انتى متاكدة انهم مش بياخدو منهج ماكميلين منين اصل سالت من المدرسة وعرفت انهم بياخدو المنهج دة انتى متاكدة ارجوكى ردى عليا عشان ارجع للمدرسة استفسر تانى

أنا بصراحه ما سألتش فى غريانى,لكن الكتب مافيهاش ماكميلان...يمكن بياخدوه فى ابتدائى؟؟
انتى رايحه حفلة يوم الخميس؟؟ممكن نحاول نتقابل هناك!!!!
بأقولك ايه....حاولى تسألى فى غريانى اذا كانوا بياخدوا science فى اولى,تانية,تالتة ابتدائى ولا لأ.....أصل منهج الوزارة بيبدأ من رابعه لكن المصرية بيدوا منهج مبسط من أولى ابتدائى عشان ما يبقاش الموضوع جامد عليهم فى رابعه.....و دى نقطه مهمه أوىىىىىىىىىىىىىىىىىىىىىىى

[merehan]

ايوة ان شاء اللة حروح اوكى نتقابل طبعا دة من دواعى سرورى بس حنعرف بعض ازاى واسال بالمرة على ال scince

[bent masr]

ايوة ان شاء اللة حروح اوكى نتقابل طبعا دة من دواعى سرورى بس حنعرف بعض ازاى واسال بالمرة على ال scince

ربنا يكرمك يا مريهان...
ممكن نتفق على مكان معين نتقابل عنده.....
أناغالباً ان شاء الله هاروح بس لسه مش أكيد 100 %...هتأكد و أقولك يا قمر

[kouky5]

شكرا لكي bent masr ...الله يوفقك وتختاري المدرسة المناسبة لابنك

[مليكة القلب]

السلام عليكم
انا حبيت ادخل و اشارك معاكم في الموضوع اذا سمحتمولي
انا بنتي في مدرسه نور للغات في kg2السنه ديه
هي دخلت هناك علي الترم التاني في kg1 مستوا البنت كان كويس جدا بالنسبه للمدرسه اللي كانت فيها

المشكله اللي عايزة اخد نصيحتكم فيها

انا لما بدات اذاكر لقيتها مش بتستوعب بشكل سريع الشرح لما يكون بالانجليزي
فيا تري دة عادي و لا المفروض اعمل ايه مع اني مكنتش حاسه كدة السنه اللي فاتت

[om alY2005]

السلام عليكم جميعا
اولا انا عايزة اشكركم واقدملكم شديد احترامى ليكم جميعا على الموضوع الجميل دا
ثانى جاحة انا محتاجة نصيحتكم ورايكم
انا مقيمة حاليا فى السعودية وان شاء الله هرجع مصر فى شهر مارس عشان اقدم لابنى علي فى مدرسة فى مصر هو عنده دلوقتى 3 سنين ونص
وانا ساكنة فى هضبة الاهرام وطبعا عايزة المدرسة تكون قريبة منى
على العلم انى مش عايزة مدرسة امريكان لان النظام دا اثبت فشلة فى السعودية
وبالنسبة للمصارف يعنى فى الحدود من 8000 الى 10000 بالباص والكتب .....الخ
معلش اعزرونى على الاطالة بس فعلا انا معرفش حد فى مصر ممكن يساعدنى فى الموضوع دا
وشكرا

[merehan]

اهلا بيكى ام على انا تجربتى مش كتيرة فى المدارس وخصوصا الهرم انا بصراحة ما جربتش غير رويال اكاديمى وهى بصراحة ممتازة كلغة وانشطة واهتمام بالاطفال دى فى طريق المريوطية وفى مدارس تانية اسمع عنخا بس بصراحة معرفش عنها حاجة فى الاورمان وبلوم اسمع انها ممتازة بردة وعلوى والواحة دى فى حدودى لما كنت ساكنة فى الهرم بصراحة معرفش حاجة فى الهرم تانى لكن عندك فى ففيصل وعلى طريق الهرم والمنصورية مدارس كتير اوى ارجو انى كون قدرت افيدك شوية ورينا يوفقك بس نصيحة حاولى التقديم لابنك برى لانهم بيبداو من شهر 3