دبابيس للطرح من عجينه السيراميك (ورد-نجوم-فراشات)

[H.K]

شغلك كتير حلو أختي

الله يوفقك وينجحلك مشروع

[Rana363]

موضوع جميل جدا يالغاليه
افكار جميله وبسيطه

[tigercat]

هااااااااايل يا سما ذوقك حلو جدا احلى من اللي في السوق كمان انتي على فكره قريبه مني اوي انا في مصر في الجيزة ولسه واخده دورة في عمايل البراويز اللي بتتباع في المحلات دي عجينه البورسلين هابقى احطلك صورة منهم ممكن نشتغل مع بعض انا كمان لسه مسوقتش وشكلك ايدك واخده على عجينه السيراميك ومتقنه فيها ماشاء الله ممكن يتعمل كمان حاجات كتييييييييير اوي غير الدبابيس ممكن نشترك سوا ونسوق منتجاتنا ايه رايك ؟ انا كمان لسه ببتدي في المشروع ربنا يوفقك يارب ويرزقك بالحلال ان شاء الله

[نسيمة**]

تسلم ايدك

[samaa2007]

شكرا على التشجيع منكم كلكم

[samaa2007]

هااااااااايل يا سما ذوقك حلو جدا احلى من اللي في السوق كمان انتي على فكره قريبه مني اوي انا في مصر في الجيزة ولسه واخده دورة في عمايل البراويز اللي بتتباع في المحلات دي عجينه البورسلين هابقى احطلك صورة منهم ممكن نشتغل مع بعض انا كمان لسه مسوقتش وشكلك ايدك واخده على عجينه السيراميك ومتقنه فيها ماشاء الله ممكن يتعمل كمان حاجات كتييييييييير اوي غير الدبابيس ممكن نشترك سوا ونسوق منتجاتنا ايه رايك ؟ انا كمان لسه ببتدي في المشروع ربنا يوفقك يارب ويرزقك بالحلال ان شاء الله

اولا شكرا على كلامك الجميل ده
ياريت تورينى الصور دى وتعلمينى كمان لان انا اتعلمت من النت محدش علمنى حاجه
وايه وسيله الاتصال اللى ممكن اتصل بيها معاكى
وياريت نبتدى مع بعض المشروع ده

وكنت عايزه اعرف انتى منين من الجيزه

[فرح الزهور]

ماشاء الله شغل جميل

ممكن تشتركى معانا فى اتحاد الصناعات

وان شاء الله فيه تسويق ومعارض

وان شاء الله يكون خير

[samaa2007]

ماشاء الله شغل جميل

ممكن تشتركى معانا فى اتحاد الصناعات

وان شاء الله فيه تسويق ومعارض

وان شاء الله يكون خير

اوكيه بس انا عايزه اعرف معلومات عن الموضوع ده

[tigercat]

سماااا ازيك يا حبيبتي عامله ايه انا مش من الجيزة بالظبط انا في المنيل وهاقولك الحاجات دي بتتعمل ازاي عارفه من كتر اعجابي بالحاجات اللي عاملاها دي جبت امبارح مقادير عجينه السيراميك وعملتها بسسسس اتحرقت في الفرن الحاجات هههههههه فاشله انا المهم يا ستي لو عندك ايميل ضيفيني ايميلاتي اهي
angrycat_tigercat@yahoo.com
otabeda@hotmail.com
مش عارفه ممنوع كتابه الايميلات ولا ايه بس المهم ضيفيني ونتكلم ونشوف ويارب نشتغل سوا

وكمان اختنا فرح الزهور بتقول فيه معارض ياريت تقولنا تفاصيل

[tigercat]

سلام عليكم يا بنات دي عشانكم كلكم وخصوصا عشان سما انا لسه متعلمه الموضوع ده وطلع سهل وجميييل ومعمول منه حاجات كتير اوي بتشوفوها في السوق البراويز والساعات وممكن مرايات وحاجات كتير اوي

دي اسمها عجينة البورسلين دي غير عجينه السيراميك يا جماعه خاااااالص ودي اللي بيتعمل منها البراويز اللي بالشكل ده




أولا عشان نعمل برواز زي اللي احنا شايفينه ده محتاجين نعمل حاجه اسمها اسطمبه او قالب لشكل البرواز ده تمام ياعني زي ماسك يكون فيه تفاصيل البرواز ده كله وبيكون بالشكل ده



وطبعا هاقولكم بيتعملو ازاي واحده واحده