الأمهات الجدد : تعالوا يالا نتجمع هنا_ تم دمج الموضوعين_

[حبيبه تيتو]

ممكن تقبولنى صديقه جديده
انا بنوتى عندها شهر الله يحميها

[betalnile]

ممكن تقبولنى صديقه جديده
انا بنوتى عندها شهر الله يحميها

يا مرحب فيك
أكيد نقبل من غير سؤال و ربنا يحفظ لك بنوتك ويجعلها من الصالحات

[مصرية بالكويت]

يا مهات بصراحة انا م اسبوع حاسة اني ام فاشلة جدااا عندي اخطاء كتير و هارفها و مش عارفة ابدأ منين و احساس ده جيبالي اكتئاب
اولا : موضوع الرضاعة " عندي زي ما انتم عارفين بنتين توأم " طبعها برضع كده و كده ف واحدة كبرت دكاغها و استسلهت ببرونة طبعا و بقي مستحيل ترضع مني مهما عملت و عملت كل حاجة معها مفيش فايدة0
ثانيا: وواحدة منهم زن متواصل ليل و نهار و الله مش ببالغ و لاني ببيت اهلي و هم كبار ف سن بضطر ازعق و مرة ضربتها ع البامبرز لانهم مدايقن من زنها " هم عمرهم 4 شهور و نص تقريبا"
و طبعا بعدها اقعد اعيط فترة0
ثالثا: شغل البيت بيأخدني منهم و مش عارفة انظم لهم و لا حياتهم و متي الاعبهم و لا احدد مواعيد نومهم " مشاء الله تبارك الرحمن قريت موضوع ملك عن نوم توتة ربنا يبارك فيها لقيت انه صعب اعمل كده لو سيبتها تعيط نص ساعة متهيألي حيديقوا مني مرة عملت كده اجرب بس كان صبح صوتها بقي مبحوح فضل كده يومين
حاسة بتقصير نحيتهم جدااااا و يا ريت تساعدوني

[Mera]

ممكن تقبولنى صديقه جديده
انا بنوتى عندها شهر الله يحميها

أهلا بيكى حبيبة تيتو أخت معانا
ونورتى المنتدى

[ملك المالكى]

حبيبة تيتو اهلا بيكى حبيبتى ربنا يبارك لك فى بنتك


مصرية بالكويت

حبيبتى انتى مش ام فاشلة ولا حاجة ربنا يعينك التوائم صعبين
اولا بالنسبة لموضوع الرضاعه كلها شهر وتبداى معاهم الاكل العادى وهيسهل عليكى كتير جدا
وممكن لو صعب عليكى ترضعى الاتنين ابدئى معاهم ببسكوت فى مية " بسكوت التسنين " او الرز بتاع الاطفال السيريلاك رز مثلا الدكتور قاللى ان دول امان ومش بيعملو اى حساسيات وممكن تبداى بيهم قبل الشهر السادس لما ياكلو هتلاقيهم بيشبعو ومش بيبكو كتير وبينامو وقت اطول
وبالتالى عندك وقت لشغل البيت اكتر
البت الزنانة دى بقى هاتيهالى هههههههههه بصى اتفقى مع اهلك انك هتعملى النظام ده معاها ويستحملو بس يومين لحد ما تهدى وتبطل زن وفهميهم ان لما يستحملو يومين احسن من لما تفضل كدة زن على طول
وحطى خطة زى ما قلت تاكليها كويس وترضعيها وتفرشى حاجة ع الارض بالنهار وتسيبها عليها تعيط مهما تعيط ولا تسالى ومتشيليهاش ومتخليش حد يشيلها هتلاقيها تعبت ونامت
مرة فى مرة هتعرف ان العياط مش بيجيب نتيجة وهتسكت وبعدين حكايه صوتها مبحوح دى مش حاجة
انا قريت ساعات ممكن اطفال يتشنجو من كتر العياط وبيقولو برضه لو عملو كدة سيبيهم
هى بصراحة فترة صعبه انا مش هقولك انها تجربة سهلة انا حتى الان ساعات بحس قلبى بيوجعنى وصوت عياطها لسه فى ودانى بس بصراحة هتلاقى النتايج هااااااااااااااااااايلة

[ملك المالكى]

مصرية بالكويت
قبل ما تفكرى تزعقى او تضربى ا فكرى هما هيستقبلو فعلك ازاى
هما طبعا مش فاهمين يعنى ايه ضرب او عقاب وبالتالى مش هتكسبى حاجة اضربى اى حاجة تانية جنبك او سيبيها وروحى مكان تانى لحد ما اعصابك تهدى

[Mera]

أختى مصريه بالكويت
هونى على نفسك وبلاش اكتئاب عشان الدنيا ما تتعقدش هى المشكله بس انك عند أهلك ومكسوفه منهم حاسه انك بتتعبيهم معلش هى فترة وهتعدى وبعدين التؤام لازم يكون حد معاكى عشان يساعدك
بالنسبه لشغل البيت أنا كمان كان عندى نفس المشكله عشان بنتى مش بتنيمنى بالليل وبنام انا وهى طول النهار ويادوب بصحى قبل زوجى ما يجى من الشغل بحاجه بسيطه أعمل الأكل وأنا بجرى
والموضوع ده كان عامل لى اكتئاب بس الحمد لله ابتديت من الأسبوع اللى أحنا فيه ده قسمت الحاجات اللى أنا عايزه اعملها على الأسبوع وماشيه على الجدول وحاسه أن نفسيتى اتحسنت
قسمى الدنيا هتلاقى الحاجات بسيطه ان شاء الله ومتجهديش نفسك عشان صحتك وعشان بناتك
ومعلش طولت عليكى
اه ونسيت اقولك حاجه كمان عملت تخيل للشهر شغل البيت هيكون ازاى واى سؤال عن الخطه أنا فى الخدمه وربنا معاكى يا حبيبتى

[Mera]

ملوكه يا حبيتى فعلا عمام بنتى الاتنين بيض وجدها لابوها
بالنسبه للصور أنا معنديش مشكله هدعبس واشوف بتتعمل ازاى

[shams el7ob]

الله يخليلكم أولادكم كلكم
ويحميهم

مصريه في الكويت
طولي بالك
بس إنت شوي تحكمي بنفسك
وبمشاعرك
زي ماحكيت
ملك

[shams el7ob]

إبني صاير يغلبني بالأكل والشرب
بحس بيكون جوعان بس مو عارف يرضع او ماله نفس




وبالنسبه للتسنسن
كيف بيكون شكل اللثه قبل مايطلعوا الأسنان؟؟؟؟؟؟؟؟؟؟؟؟؟؟؟؟؟