مدارس...مدارس ..مدارس..الجزء الرابع عشر*** (الترم الثانى 2010)

[نهى احمد 111]

جزاكى الله خيرا ام جورى على الرد
ووفقنا الله لما فيه الخير

[sadina]

اهلا كوكي ونوجا. وكل البنات.انا لسه مش عارفة ادخلها ايه...حكايه الكلمات ده غريبة شوية وحتبقى صعبة خصوصا انهم لسه ما خلصوا كل الحروف لما نشوف حيعملوها ازاي...

[الابراج]

ام زينة طيب انتي مقلتيش رايك ايه في حضانة جني دان لما شوفتيها

[muslium]

شكرا اختى مسلمة على هذا الرد الرائع وان شاء الله هنفذه

العفو حبيبتى انا فى الخدمه

[حبيبتى زينة]

ابراج ..... بصى هيا ام فريدة معانا فى المنتدى كانت شكرت فيها ... انتى اول ماتدخلى الحضانة فى الريسبشن ممكن تحسي انها مهرجلة شوية ... بس انا لما دخلت جوة لقيتها منظمة يعنى لكل سن كلاس لوحده ونظيفة
ودخلت الكلاسات وفى كل واحد كان فى 2 تيتشر مع ان عدد الولاد كان قليل يعنى مابيزيدوش عن 10 .. وفى جاردن حلوة فيها لعب كيتر (كمان اكتر من اللى فى اندر 5 ) وفى اوده تانية كمان للعب والحمامات نظيفة والمطبخ كمان ...
وفى كلاس السن الكبير اللى ما بين 3 و4 كان فى مدرسة القرآن وكانت بتحكى للولاد قصة والولاد كانو مشدودين جدا لدرجة انهم محسوش بينا لما دخلنا

وعرفت ان الاكل كان بيبقى فى مكان واحد لكل الكلاسات بس بعد موضوع الانفلونزا بقى كل سن بياكل فى الكلاس بتاعه

بصى انا نويت ان شاء الله اودى بنتى من اول 3 .. لمدة 3 شهور بس علشان تبقى جاهزة لانترفيو المدراس فى شهر 6 .. وهما كانو قالولى ان قبل اى انترفيو باسبوع ابلغهم علشان تيتشر الكلاس تقعد مع زينة وتأكد على الحاجات اللى ممكن تقابلها فى الانترفيو


انت عندك ولد ولا بنت ؟؟وسنةكام ؟؟؟

نسيت اقول للجميع .... الحضانةعاملة زى معرض صغير للمدارس فى شهر مارس

[dodo_09]

بنات المصرية.. ازيكم وحشنى اوى..كوكى سادو نوجا نوشا تافى ..عاملين ايه فى الترم التانى

[sadina]

اهلا يا دودو عاملة ايه؟؟ وحشتيني...كنت عاوزة اسألك هي بنتك كانت بتاخد السنة اللي فاتت كلمات انجليش؟؟ وكنت انت بتعلميها الكلمات او هم اللي بيدربوها عليهم في المدرسة؟؟ انا اقصد كلمات انجليش كتابة وقراءة هم بدأوا معانا كلمات من 3 حروف...
تافي فين مش باينة؟؟؟

مسلمة ربنا يبارك لك المجهود الرائع...

[الابراج]

حبيبتي زينة
انا عندي يارا هتم ي اكتوبر الي جاي ان شاء الله 3 سنين و3 شهور فانا كنت بفكر هوديها بيبي كلاس بس بصراحة حسيت انها صغيرة جدا اني اوديها كل يوم المدرسة فحسيت انهى احسن اوديها حضانة نضيفة 3 ايام في الاسبوع يعني ممكن اوديها او اقعدها بمزاجي مش ادفع 7 وله 8 الالف جنيه وبعد كده مودهاش غير كام شهر

[zodi]

يا حماعة ممكن حد يفيدنى اعرف ازاى ان المدرسة كويسة ولا؟ وابة المعدل الكويس لمنهج الkg علشان اقدر اعرف لما اسال المدرسة؟

[أم جورى]

السلام عليكن

نوشا وسادو ونوجا ودودو ومسلمة واودى وكوكى والاعضاء الجداد منورين التيرم التانى يارب يكون خير ان شاء الله

مسلمة يا قمر انا هتأكد من موضوع الفصل علشان بنوتى بتقول انه كله على بعضه

الفرنش مرتين فى الاسبوع

الكتاب كل اللى مكتوب a masterclass macmillan english language book أنا فحصت كويس والله

دودو مدرسة الهدى اللى فى اكتوبر كويسة جدا وأنا كنت اتكلمت عنها قبل كدة