تجمع امهات التوائم ولكافة الاعمار

[ام حبيبة الله]

اكل امبارح

الافطار
لا شئ(قبل مايروحو الحضانة)

الغداء
شوربة خضار+ارز معمر+دجاج(طبعا ده بيبقى على مراحل)

العشاء
زبادي

بين الوجبات
فلفل احمر-كيوي-شوكلاتة-تفاح


رايحين ان شاء الله عند اهلي لانهم وصلو من العمرة الحمدلله والاولاد جننوني من وقت ماعرفو انهم وصلوا عايزين نروح العباسية عايزين نروح العباسية هههه

[shreef2020]

ازيكم يا امهات

ام عبودى
حمدلله على سلامة رحيق ربنا يطمنها على اولادها وينوروا بيتها
ام حبيبة
حمدلله على سلامة اهلك عمرة مقبولة ان شاء الله
جوزى كمان سافر من شوية مع صاحبه يعملوا عمرة ربنا ييسر لهم السفر والعمرة كان نفسى اسافر انا كمان بس هما مسافرين صد رد ان شاء الله
فقلنا نخليها مرة تانية نقعد هناك يومين
والف هنا حلا صبا عليكم
انا بقه ما بقتش اعمل حاجات حلوة وبشترى بسيط قوى عشان ولادى وجوزى والله صعبانين عليا حاجات كتير ما بقتش اشتريها عشان ما اكلش منها بس اهى مصلحة لهم برده تقليل الحلويات

صبا
يارب يا صبا مش لازم مانيكان بس انزل للستينات انا دلوقتى 78 ونص
الحمد لله بنزل بس ببطء

ام حسن
الف سلامة لولادك

حسنا
لالالالالا ايه ده بقه
انا النهاردة برده خربت شوية كل شوية اكل حاجة مع ولادى
ووزنى حاليا 78 ونص يارب انزل كمان وكمان وكمان

ام التربلز
مستنينك يا جمييييييييييييل

اللى عايزة تراجع او تحفظ انا حفظت سورة الانسان وهبدأ المرسلات

[shreef2020]

اولادى مشاغبين قوى بالحضانة ولازم زن جامد من اول ما ندخل من بابها ولاصقين بيه مش عارفة اعمل ايه وبقالى يومين بنزل بدرى عشان الحق الازكار والرقية بيعملوها يوميا للاطفال حتى لما لحقتها هما ما رضيوا يندمجوا ولما بطلعهم على الفصل بهرب منهم وبيبكوا خاصة عبدالرحمن اكتر والدموع ايه بيغرق وشه بطلع جرى واقفل الباب واقعد اسمع من وراه الحمد لله بيسكتوا على طول اول مااخرج بس بضايق انهم نكدوا على نفسهم
ومدرسة التخاطب بتطلع تأخدهم وقبل ما تطلع بتعدى عليا عشان استخبى منهم عشان لو لمحونى بس بيتمردوا لكن من غيرى كويسين معاها وبتشكر فيهم وبيدخلوا الكانتين ( المقصف) على بالهم انه بتاع اهلهم وياخدوا اللى يعجبهم ويخرجوا من غير ما يدفعوا حاجة وفتحوا حساب هناك ههههه ولما نبهت على الدادة ما تعطيهم كتير جم يأخدوا شنطتى اقولهم عايزين ايه يقولوا فلووووووووووووس
ولو حد ضرب واحد فيهم الاتنين بيدخلوا عليه التانى يقول للى ضرب اخوه لالالالا بودى او مانا لالالالالا NO عيب
وعبدالله ملخبط باسمه واسم جده لو سألتيه اسمك ايه يقولك عبدالله احمد وعشان بقوله قول لبابا بالتليفون جدو عبدالله اتلخبط بابا بيقوله اسمك ايه قاله جدو احمد ههههههه

[shreef2020]

ما بلحق اكتب جدول الاكل

اليوم
فطار
حليب وشابورة ( الصبح بدرى صاحيين بميعاد الحضانة )
وبعدين اكلو توست وجبنة شيدر
الغدا
سمك ورز وسلطة
العشا
توست وحلاوة
بين الوجبات عصير برتقال وبسكويت وشيكولاته وتفاح وموزة(عبدالرحمن)وبرقوقة(عبدالله)

[hasna1976]

ام العبدين

لخبطة شوي سماح بس كنت نفسك الاسبوع الماضي وزني مش راضي ينزل عن 72 و يأست
و كنت داخلة احكيلك بطلت هههههههههههه
رحت اتوزنت لقيته صار 71.9 و لا البلاش ههههههههه المهم شفت شي ثاني

و انت ما شاء الله شطورة هاي شفتي السبعينات عقبال الستينات انا و اياكي يا رب

و اولادك حركاتهم و حكيهم بيضحك هههههههههه

انا وصلت لمرحلة انه بناتي بس احطهن عند الست بيحكولي باي ماما و بيسكروا الباب بوجهي شفتي الهنا ههههههههههههه

و انا لسه بعمل حلويات لبيتي بس باكل كميات قليلة جدااااااااااا او حسب اذا طول اليوم ما كنت مخربطة باكل كل الصحن لحالي ههههههههه

[hasna1976]

نودي
ان شاء الله يجمعكم ع خير
و الغربة و الفراق عليهم اصعب منكم
اسألي مجرب

[hasna1976]

ام حبيبة
الحمدلله ع سلامة اهلك
و طاعة مقبولة ان شاء الله

طمنينا شو اخبار اختك

[shreef2020]

نووودى
ربنا يجمع شملكم دايما على خييييير
الغربة وحشة

[shreef2020]

حسنا
خلالالالاص سماح المرة دى
ولا يهمك المهم ان الوزن ينزل وخلاص
انا عشان بصحى بدرى وبكون نايمة وانا جعانة بقبت افطر قبل ماانزل بس حاجة خفيفة بقسماط شابورة وممكن اختلس قطعة جبنة رومى عشان بحبها قوى مع الشاى بحليب قليل الدسم وطبعا بسكر دايت وبالدار ممكن اشرب نسكافيه ولما برجع بكون جعانة باكل بسكوتة او واحدة توست لغاية الغدا بس الحمد لله ما بقتش اتعش ممكن تفاحة وزبادى قليل الدسم ولو هما جابوا اكل من برا ممكن اذوق حتة حتتين
دلوقتى اتغديت شورية خضار وفراخ بس حسيت ما شبعت اكلت بعدها بسكويت ويفر قطعتين لازم الطفاسة ودلوقتى ندمانة
وما شاء بناتك خلاص ما بيغلبوكى لما بتسبيهم عند الست
عبدالله ممكن يكون مندمج وناسينى بس بيفتكر لما اخوه يبكى
امبارح عبدالرحمن كل مااجى امشى يقولى ببى اخده على الحمام بيعمل كده عشان افضل معاه وكمان طلب من الدادة كل شوية عشان المدرسة تطلعه برا ويبص عليا موجودة ولا لآ والدادة كل شوية تيجى تقولى دخلته الحمام عملين ازعاج بالحضانة كلها
ربنا يستر ونكمل بيها هى بعيدة شوية علينا بس مبسوطة بيها بس هما مزودنها شوية يعنى شنط ولادى بيها ارنوب المدرسة بتستأذن منى تطمس العيون بمسدس الشمع وانا ما رضيت قلت لها ولادى هيبكوا وهتخربى الشنط انا هعملهم بالبيت وفعلا نزلت الاذن على العين بالخيط والابرة ولما شافتنى المديرة تانى يوم قالت لى جزاكى الله خيرا الصراحة انا مش مقتنع بكده وناقشت المديرة شوية ان هناك اكتر من رأى ولعب الاولاد مستثناة بس ما فيش فايدة وكمان عباياتى بيعلقوا عليها لبست اوسع عباية عندى وراحة جاية بيها وكمان انا مش بلبس نقاب بيقنعونى به وقلت لهم انا ما بلبس وجوزى موافق وبخرج كده تقول عشان بنحبك بنقولك كده حتى لما زهقت جوزى قالى اقعدى لو عايزة بس انا عايزة اواظب والمديرة تقولى هجبلك نقاب هدية بتغرينى يعنى ههههه وانا عارفة ان الكلام على النقاب كتير بس هو فضيلة وليس فريضة وانا مقتنعة بكده
بقالهم يومين الكلام عام مش ليه انا بس حاسة انه عشانى لان الكل هناك مغطى وشه طالبين من الكل اما عباية راس او خمار ونقاب وانا لا هلبس كده ولا كده وتقولى ما شاء الله عليكى حتى الحواجب مش بتعمليها ليه ما تغطى كمان
مش عارفة ايه اللى هعمله بس انا لما بدخل الدار بغطى بطرف الطرحة وشى وكمان وانا خارجة منه واول ما بطلع بالحجاب عادى

[shreef2020]

ما صدقت واتفتحت بالرغى اصلى عمالة افكر بالموضوع وكمان خايفة جوزى يحبطنى ويقولى اقعدى لان المشوار الصبح بيكون زحمة قوى عشان المدارس كتيرة هناك ويوم الاربعا اخدنا شفنا حضانة تانية برده بدار بس ما فيها تخاطب الصراحة الدار اللى بنروحها بحس انى بمصر من كتر المصريات هناك على فكرة جوزى بيودينا الصبح بس وبالرجوع بنرجع مع سائق جوزى اتفق معاه ولو انا قعدت ممكن الولاد يروحوا كمان مع السائق بس انا اللى هخسر الحفظ والتعليم رغم انه اريح لى طبعا لو انا قعدت وهما راحوا لحالهم ربنا يعين