"عروسات المستقبل تعالوا اقولكم".. جزء ( 10 )

[ملوكة 12]

ربنا يتمملكـ بخير يانـورا ..

ويسعدكـ ياحبيبتي ببيتك وبزوجك وبحياتك كلها

وتبقى أجمل عروسه يارب .. ويجملك في عين زوجك أكتر وأكتر ويحببه فيكي

وإنت كمان إدعيلي تقريبا هنكون مع بعض ف نفس الوقت بإذن الله ع شهر 12..

مع إن جواز الشتاء دا ممل وخنقه .. بس الظروف بقى لما تحكم

قوليلي يعني أنا شلغل بالي الموضوع دا ..

أنا مثلا هكون ف الهوني مون ولابسه جوانتي وأيس كاب ولكلوك

ولا هنعمل إيه يانورا .. ياترى فكرتي ف النقطه دي ؟؟

هههههههههههههه
ازيك يا مسك نورتى المنتدى والله بدمك الخفيف
ال جوانتى ال متنسيش بردو كام بلطو وكوفيه هينفعوكى كتير
هههههههههههه انا بهزر طبعا يا رب تكونى احلى عروسة وتعيشى
احلى حياة مع زوجك ونورتى الموضوع

[ملوكة 12]

ازيك يا هنوودة انتى واخواتى كلهم...
يا رب يكون الكل بخير وفى قمة السعادة
شكرا على الرد يا هنودة وليا طلب تانى استحمل الطمع بقى
عايزة نوع كريم شعر كويس ممكن يا قمر
عارفة يا هنوود انتى بقى ليكى جماهير كتير يعنى ممكن تدخلى الانتخابات
بعد كده ولو مش عجبك نطفشلك امينه شلبايه وكملى انتى بدلها
هى هتيجى فين جنب القمر بتاعنا فكرى ولو عجبتك انا هسيب شغل واجى
اشتغل الصبى بتاعك ايه رايك بقى ؟؟؟ هو انا اطول

[مسكـ الخـتامــ]

دا نوركـ ياملوكه .. ربنا يخليكي ياقلبي

والله يابنتي عندكـ حق تقولي أكتر من كدا ..

ماهو محدش بردو يتجوز في عز الشتا والمطر شهر 12

انا كان نفسي نأجل للصيف .. بس هو مش راضي و بقالنا سنتين مخطوبين

خلاص احلا عقاب لخطيبو (( كوفيه وأيس كاب ولكلوك وشويه بلاطي وبجامات كستور .. أنا كدا بقى وهو الي مصمم ع الشتا )) هههههههههــ

ميرسي ياقمر على الترحيب ..

وأنا في إنتظار الحبيبه هنودة

[noran_87]

ههههههههههههههههههههههههههههههههههه
هو كمان ماسك علي الشتا
وانا ايزه الصيف
يشرررررررررررررررب بقي
هههههههههههههههههههه
بقلك حبيبتي هي ظروف السفر كده
هو علشان مسافر فالميعاد الي مناسبه في النزول في الشتا
والي ربنا رايده هو الي هيكون
مسككككككك الختام مبروووووووك

[سونيا سيتا]

ربنا يبارك فيكِ حبيبتي هند... إن شاء ربي هواظب على التمارين وأداوم عليها كل يوم عشان أطلع بنتائج بإذن الله....

تاني شئ يا هند كنت عايزاكِ تكلميني فيه اللي هو الإهتمام بالنفس وقت البريود...

بجد انا محتاجه نصايحك اعمل ايه... يعني مثلا فيه بنات لما يجيلها البريود تقعد كده مفيش اهتمام بنفسها من ناحية أنها في وقت البريود مش بتاخد شاور فريحة العرق بقه تظهر غير كده ريحتها نفسها برده في وقت البريود.. يعني اقصد ريحة المنطقه اللي تحت...

فقوليلي برنامج روتيني كده علي مده الخمس أيام مثلا بتوع البريود...ناخد شاور امتى وهل ينفع مثلا نضع ريحه في المكان ده عشان الروايح... يعني قوليلي نصايح في وقت البريود أهتم بنفسي ازاي عشان جوزي لا يشم مني إلا أطيب ريحه..

منتظره ردك حبيبتي..

[ايمان مونى]

ضحكتونى يابنات على جواز الشتا
تصدقو برده خطيبى عمال يقوللى احنا هنتجوز فى الشتا وانا اقولله لا فى الصيف هما بيحبو الشتا اوى
يلا فى الصيف فى الشتا المهم ان كل واحدة ربنا يجمعها بزوجها بسرعة و يعيشو متهنيين وسعداء يا رب
وربنا يتمم لمسك ونورا على خير يارب بس ماتنسوش تعزمونا ولا عاوزين تاكلو علينا الجاتوه

نورا حبيبتى بالنسبة لموضوع الارداف انا كنت جايبة رابط عن تمارين حلوة اوى للجسم كله بصراحة انا مابقتنعش بالوصفات والخلطات اللى تحطيها على جسمك يتشد
هو مافيش غير التمارين والرياضة ودى عن تجربة خطيرة وبتشد الجسم جربيها وواظبى عليها طول عمرك هتخليكى طول عمرك رشيقة

[مسكـ الخـتامــ]

ربنا يباركـ فيكم يابنوتات .. نــورا وإيمــان

فعلا الظروف بتحكم يانورا .. ربنا يتمملك بخير ياقلبي

وعقبالك قريب ياإيمان بس صممي ع موقفك وابعدي عن الشتا



هي هنودة فين .. ؟؟ يارب تكون بخير .. ؟؟

وفي اسئله كتير محتاجاها ضرووري

[مسكـ الخـتامــ]

سونيا سيتا .. إزيك حبيبتي منوره المنتدى

بالنسبة للتمارين فعلا استمري هتلاقي نتائج تعجبك بإذن الله

وبالنسبة لموضوع الإهتمام بالنفس وقت البريود دا مهم اوي .. وكلنا نفسنا زوجنا يكون مبسوط الأيام دي ..

بصي حبيت ارد عليكي معلش وهنودة لما تيجي اكيد هتفيدك أكتر

نــودا كانت اتكلمت ف الموضوع دا قبل كدا في الجزء الثالث

وقالت نصائح زي العسل زيها ::

خدي رابط الموضوع واقرأيه وقوليلي رأيك

http://lakii.com/vb/showthread.php?t=556146&page=15

[هنودة هنانيدو]

مبروك نودي على الجزء العاشر ومبروك على لمتنا ثاني مع بعض الله العالم معزتك عننا قد ايه
سلامـــــــــــــــــي ياعسل

روز حبيبتى وحشتينى انتى كمان والله وكل البنوتات غاليين جدا عليا مع اننا مشوفناش بعض بس بحبكم كلكم جدا ونفسى اشوفكم

إزيكم يا أحلا بنات ....

أختكم جديده على الموضوع وجديده على المنتدى

لكن قريت الروابط ال9 اللي فاتوا تقريبا حفظتهم .. وكان نفسي اشاركـ معاكم

هنــودة طبعا شكر ليكي من قلبي حبيبتي

وأنا متابعه معاكم من الأن .....

مبرووكـ علينا الجزء العاشر

أختكم مسكـ

مسك اهلا بيكى ياعروسة ومنورة معانا ويارب تكونى مبسوطة معانا

[هنودة هنانيدو]

بجد يا هنوده ربنا يجزاكى كل خير

انا سجلت فى المنتدى عشان خاطرك وعشان الموضوع

واخيرا بقى مسموحلى ارد عشان اشكرك على كل نصايحك الحلوة

ربنا يجعلها فى ميزان حسناتك

وبجد انا قرأت اكل الاجزاء اللى فاتت وعملت كل المواضيع فى فايل عندى

وبدأت اعمل الروتين اليومى

بس انا عندى مشكله فى زياده منطقه البطن انا جسمى كله كويس الا المنطقه دى

وانا كسوله جدا فى مواضيع التمارين وكمان مش بخرج كتير

وبجد ميرسى جدا على كل حاجة انتى بتقوليها هنا

هوبى منورة ياقمراية وانا مبسوطة انك اشتركتى وبقيتى معانا خليكى عالطول منورنا

منطقة البطن مشكلة كل البنات لان طبيعة اجسامنا تخلى الدهون تتراكم فى منطقة البطن والاراداف

بس بجد يا قمر نصيحة اتخلصى منها لانها لما بتزيد بتاخد وقت اطول عشان تروح انا مكنش عندى بطن وطبعا بسبب القعدة فى الشغل واكل غلط طللع عندى بطن زى ما انتى بتقولى كدا جسم بيبقى كله حلو ماعدا البطن

ابداى اعملى تمارين او روحى جيم او امشى بس التزمى بيها انا معاكى وبشجعك اهو يالالا شدى حيلك