"عروسات المستقبل تعالوا اقولكم".. جزء ( 7 )

[princess_sarah]

متشكرين اوى يا احلى هنودة على نصايحك الجميله بجد

بس انا عندى مشكلة انى اغلب الوقت مش واثقه فى نفسى فى كل حاجه بحس انى اقل من البنات فى حاجات كتير مع ان اللى حوليا دايما بيحسسونى انى انسانه جميله ومرحه وبيحبونى جدا وكمان خطيبى بيحبنى جدا وانا كمان بس بحس دايما بالنقص وانه احسن منى بكتير وانى مش استاهله معرفش ليه الاحساس الغريب ده والله

بضيق اوى لان خطيبى بحكم شغله فى مدينه سياحية بيشوف بنات كتير وسياح وانتى عارفه بقا هو عمره ما حكالى عن حاجه تضياقنى بالعكس بيقولى مفيش غيرك فى حياتى وان اللى حوليا مش يفرقوا معايا فى حاجه بس برضو احساس النقص بيقتلنى مش عارفه اعمل ايه

انا اسفة يا نوده انى هارد عليها بس احنا كلنا فى انتظار ردك
رانيا..اهلا بيكى هنا معانا و لو عوزتى حاجة احنا اخواتك و ربنا يخلى لنا هنوده
انا زيك على طول حاسة انى اقل و مش حلوة و برضه خطيبى بيشتغل فى مكان سياحى بس انا عندى تجربة لما بافتح هنا المنتدى بالاقى مشاكل كتير و بنات بتشتكى من حاجات و باحمد ربنا انها مش فيا ساعتها باحس بشوية ثقة رغم انى شعرى بيجيبلى اكتئاب فانا عايزاكى تبصى حواليكى حتلاقى كل واحدة بتشتكى من حاجة و هتلاقى نفسك عندك حاجات كتير حلوة و كويسة و بعدين انتى لازم تكونى فى منتهى الثقة و انتى بتتعاملى مع خطيبك يعنى لازم دايما تحسسيه انك ملكة جمال الكون و احسن من اى بنت فى الدنيا و كل ده و انتى فى منتهى الثقة و بكلام دلع كأنك مغرورة( حتى لو انتى عارفة فى نفسك نقط الضعف اللى كلنا بنعانى منها) لازم معاه تكونى جميلة الجميلات
اكيد كتير سمعتى عن راجل اتجوز على مراته واحدة مش حلوة خالص بس السر انها بتكون واثقة فى نفسها زيادة و محسساه انها هيفا
ربنا يسعدك و نفرحك بيكى قريب احلى عروسة

[رانيا البحراوية]

تسليملى يا قمر على ردك وبجد انتى شخصية جميله وحسيت انك بتكلمى كاخت ليا بجد بما انى معنديش اخوات بنات انا حقيقى بشوف وبسمع عن بنات وبحمد ربنا على اللى انا فيه وكمان والله خطيبى عمره ما حسسنى انى اقل منه بالعكس دايما شايفنى حاجه جميله ونفسه يسعدنى اوى وانا كمان نفسى اسعده اوى اولا بثقتى فى نفسى عشان اقدر اثق فى اللى حوليا انا طبعا هستفيد من كلامك وربنا يجمعك بخطيبك على خير يا رب

[f-angel]

انا حبيت اسلم عليكو كلكم ...
واستمروا بقا يا بنات وانا متابعاكم انا دلوقتى بعمل الماسك بتاع هنودة لتفتيح تحت الابط بقالى 5 ايام لما اخلص المدة هقلكو عملت ايه

وربنا يحقق امنياتكم كلكم

[dodo412]

لالا ياسارة دا حلو جداااا والله بجد مش بتريق يابنتى فهمتينى غلط ياختى
هههههههههههههههههه

[هنودة هنانيدو]

سومه .. ميرسى خالص ياحبيبتى ليكى

نودى الحقينى اختك وقعت ولا حد سمى عليهااااااااااااااااااااا

الايام دى والله بقيت من اول ما بقوم م النوم لغاية ما بنام مش فاضيه حتى اغسل وشى
ومش فاضيه اعمل اى ماسكات ولا اى حاجه
وشى دايما دبلان .. وخصوصا ان جالى دور برد جامد جدا اليومين اللى كنت غايباهم عنكوا ف المنتدى هنا
والله كنت نايمه ومش بتحرك م السرير خالث مالث
ولسه يادوب بدأت امبارح كدا اقوم م السرير والنهارده اهو لان معتش وقت خالص
والله انا قاعده دلوقتى عشان اكلمك ومفضيه نفسى بالعافيه ( وبرضو مش فاضيه اوى ) حاليا بكلمك وانا برتب هدومى وبحطها ف الشنط انا و ماما

متلخبطه وحالتى اندر زيرو خالص


انصحينى عشان خاطرى يانودى ( عقبال ما ربنا يجمعك مع زوجك على خير ياااااارب انتى وكل البنوتات وانا كمان م انا كمان متجوزه مع ايقاف التنفيذ من 6 شهوووووووووووووور ياناس )




مش عارفه حاسه انى يا اما طولت عليكى
يا اما
علشانى بشتغل وانا بكلمك اخدت وقت كتير ف الكتابه

اعمل اييييييييييييييييييييييه قبل ما اتجنن ويجرالى حاجه. وساعتها هقول حقى ف رقبتك يا نودى ههههه

سولتير العروسة الجميلة اهدى يا بنوتة ياخوفى على عقلك ههههههه
انتى طبيعية متخفيش كل العرايس مش بتلاقى وقت تقوم من مكانها
بس عشان ماطولش عليكى بنصايح كتير واوجع دماغك
حلك انك تهتمى بنفسك قبل ما تنامى حتقولى برجع تعبانة
اعملى ماسكات وكل حاجة وانتى على السرير
انا كنت بعمل كدا قبل كتب كتاب بتاعى كنت بلف كتير اوى
انتى قبل ما تنامى حطى ماسك لوشك وحطى رجلك فى ماء دافية كل ده وانتى قاعدة على سريرك وربع ساعة قومى معلش اغسلى وشك وحطى سكرب على ايدك ورجلك
وارجعى على سريرك ويكون جنبك كريم مرطب حطى على وشك وايدك ورجلك وركبتك وكوعك
حتاخدى دقيقيتين مش اكتر وانتى نايمة على السرير حطى كريمك ونامى

ومرة الصبح قبل ما تنزلى حطى ماسك لشعرك واغسليه ولفيه وانزلى
وباقى الايام كل ما تاخدى شاور رطبى جسمك بعده بزيت اللوز المر

كدا ياقمر يبقى انتى عالطول جسمك ناعم وبشرة وجهك وايدك ورجلك ناعمة

وخلى مرة واحدة فى الاسبوع انزلى بعد الظهر وقومى الصبح اعملى حمام بخار لوشك وسكرب او حمام مغربى لجسمك وحتلاقى فى جزء اللى فات طرق التقشير والليتك موجود فى اول صفحة هنا واعملى ماسك لشعرك كله فى ساعة مع بعض وبقية الايام النظام اللى فوق

[هنودة هنانيدو]

هنوودة أزيك وحشتينى موت انتى وكل البنات وخصوصا سموحة و lonely girl شكرا على
سؤالكم
والففففف مبروك على الجزء السابع يا هنوودتى وعقبال المليون
انا بقى تعبت الفترة اللى فاتت دى جاامد وكل حاجة باظت من ناحيه شعرى
وبشرتى والتمارين كل ادمر كل انكسر ههههههههههه
أدعيلى بقى أبدأ من تانى يمكن اعرف ارجع زى الاأول

ملوكتى وحشتينى اوى
الف سلامة عليكى انتى كويسة دلوقتى ؟؟.
ه متخفيش مفيش حاجة اتكسرت شدى حيلك وارجعى يالالا

[هنودة هنانيدو]

اشكرك علي اهتمامك ياهنودة اسمي رناوعمري 24 سنة متجوزة وعندي بنتين وولد...جوزي سافر مكة 3سنين جابلي لبس كتير وشيك ومنتجات عناية بالجسم وميكب. لكن كنت بوزعهاعلي اخواتي واقاريبي لأني مش عارفةبتستخدم امتي ولية؟ ولماجوزى استقر هنابقيت محتارة حاسة اني تقليدية وروتينية قوي وسني كبير.. فقررت اتغير1-اهتم بنفسي شوية 2-بجوزي3-باولادي.ساعدوني بأول خطوة.اشتري اية لجسمي وشعري وبشرتي ارجو اسم ماركات لأني خيبة وأسفة علي تعبك معاياوانشاء الله هاعمل يوم اهتم فية بنفسى زي ماقولتي قبل كدة.أشكرك علي كل حاجة.لااله الا الله..

رنا ياقمر مبسوطة بجد انك معانا ومبسوطة اكتر انك عايزة تبقى احسن
وفرحى نفسك وجوزك واولادك ويارب تاخدى كل الثواب وتفرى مع اسرتك الجميلة

بصى ياقمر حاقولك على حاجات اللى تستخدميها لبشرتك وتكون مفيدة وسريعة

نبتدى بالوجة
1 -محتاجة سكرب ممكن تعمليه فى البيت ملح + ليمون
2- محتاجة غسول لبشرتك عشان التراب والحر والنزول وكدا عندك غسول نيفيا بالميلك اختارى حسب نوع بشرتك يعنى عندك غسول نيفيا بالميلك للبشرة العادية او مختلطة او جافة شوفى نوع بشرتك وهاتى اللى يناسبك منه
وسعره 37 ج
3- هاتى ماء ورد ديه كل يوم تمسحى بيها وشك ورقبتك بتشد البشرة ولو فى مسام واسعة تقفلها وتخلى وشك نضر .. تلاقى نوع اسمه ياسمينا حلو 7 ج او اى نوع
4 - كريم مرطب لبشرتك او كريم ليل عندك من اولاى بس الاصلى حتلاقيه فى العزبى او صيدلية كبيرة او من اوريفليم مجموعة اوبتمالس او نيفيا شوفى بردو نوع بشرتك وهاتى كريم ليل تحطيه قبل ما تنامى عشان بيغذى البشرة وبيبقى مفعوله وانتى نايمة حلو تصحى بيبقى بشرة نضرة

نيجى لايدك ورجلك
1 - هاتى كريم مرطب للايد والرجل والكوع والركب احسن كريم جليوسليد عشان بينعم جدا وبيرطب كمان لو حطتى عليه عصير ليمونة بيفتح حيعجبك ان شاء الله تحطى منه على ايدك وعلى ركبتك وكوعك ورجلك

نيجى لجسمك
1 - ممكن تعملى اى وصفة للتقشير الجسم حتلاقيها فى اللينكات فى اول صفحة فى جزء 7 اختارى اللى يعجبك منهم ةاعمليه

2 - بعد كل ما تاخدى شاور رطبى يا رنا جسمك كدا حتلاقى جسمك عالطول ناعم لانك بتعملى تقشير وكمان بعد كل دش ترطبى البشرة مع التكرار بتلاقى جسمك ناغم جدا لان كتر الاستحمام ومن غير ترطيب البشرة بتبقى جافة

ممكن تجيبى زيت اللوز المر حتلاقيه عند العطار تحفة للجسم
او لوشن من نيفيا بالاملاح المعدنية وفياتمين e واختارى على نوع بشرتك
او اى لوشن من اوريفليم حلوين للجسم وفى كريم اسه ميلك اند هانى من اوريفليم مغذى للبشرة
او لوشن جرجنز بالمسك حتلاقيه بردو عند العزبى
او اويل بيبى جونسون باكاموميل والافندر بينعم الجسم ويدى نعومة وريحة حلوة
لوشن

بالنسبة شاور جيل من نفس ماركات اللى فاتت حتلاقى كتير يعنى ممكن تجيبى شاور جيل ومعه لوشن من نفس الماركة ونفس الريحة

بالنسبة لشعرك
الشامبو ممكن اقولك انواع كتير بس انتى لازم تكونى جربتى حاجة عجبتك لان الشعر بيختلف يعنى انتى شوفى بتحبى شامبو ايه ومناسب معاكى واستخدميه

لو شعرك حلو مع الزيوت ممكن تعملى حمام زيت من اللوز الحلو والسمسم والخروع وزيت الزيتون وتسخنى شوية يكون دافى وتحطى على شعرك وعلى فروة الراس اهم حاجة وتلفى شعرك بفوطة شخنة ولمدة ساعتين واغسلى شعرك

او زيت دابر املا بعد ما تغسلى شعرك حطيه عادى على الشعر

لو شعرك بيناسبه كريمات هاتى حمام كريم بوناويل بجنين القمح حلو جدا

بعد ما تغسلى شعرك ممكن تحطى كريم عندك حاجات تقيلة بتبقى مغذية للشعر زى بالمرز او جولديز او حاجة خفيفة تتحط على الشعر ومناسبة للصيف سيروم زى زيروفريز او كريستال

لو فى حاجة تانية اسالى ياقمر تحت امرك احنا هنا اصحابك

[هنودة هنانيدو]

يا خبر ابيض غيبت يومين ارجع الاقيكم بداتوا الجزء السابع
انا بقيت عاملة زى التلميذ الخايب اللى المدرسة سابقة فى المنهج وهو لسة فى الدرس الاول
يلا ما علينامن دى المهم ان انتوا وحشنى جدا وخصوصا نودى بجد وحشانى جدا جدا لولا الظروف القاسية اللى هلت عليا فجأة لكنت فضلت متابعة معاكم دايما وادينى بحاول
والف مبروك على الجزء الجديد وربنا يزيد ويبارك

نورا انتى بقيتى تلميذة متاخرة هههههههههه
انتى منورة ياقمر عالطول ومعلش احنا نستنا لما تيجى وتلحقى المنهج
عالطول ادخلى طمنينيا عليكى

[هنودة هنانيدو]

صباح الخير يابنانيت اخباركم ايه نفراية نفراااية
ازيك ياهندوة شوفتى سلام خصوصى اهوو من ابو 75 قرش
ههههههههههههههه
اما بعد::: بصى انا كنت عاوزة اعرف انتى جربتى شفرة فينوس ولا لسه
لانك قولتى هتجربى انا بقالى سنتين بعمل من برة بالسويت وجوا بالشفرة
وساعات براون كمان لو ممكن تقوليلى شعرى دايما هايش رغم انه فتلته ناعمة وزهقققت
نصه اللى تحت ناعم اوى واللى فوق هايش بحس ان انا ام راسين لان شكلين مختلفين
فكرت اعمل حنة فرد مش علشان افرده بس سمعت انه الشعر مش بيكون هايش بعدها
ناس قالت حلوة واستخدمتها كتير وناس قالت مضرة والكيراتين احسن
بس الكيراتين فى القاهرة واسعاره عالية اوى دبرنى ياوزييير

ميرسى يادودو على سلام مخصوص
انا جربت فينوس بس مش عجبتنى الشعر بيطلع خشن وبسرعة بس تنفع من جوا يعنى مش بتحسى بشعر حشن او كدا اما المنطقة الامامية لا وحشة عليها

بالنسبة فرد الحنة هو فى منه انواع يعنى بنت خالى عملت نوع بعد 6 شهور شعرها بقى بيقع وضعيف ومش حلو
وفى بنت صاحبتى عملت نوع بس كان 400 ج طلع حلو ومحصلش حاجة لشعرها

الكيراتين بيتدى من 1500 على حسب شعرك وطوله وحجمه بس لازم يبقى الاصلى البرازيلى مش لبنانى لان اللبنانى مادة الفورماهيلد عالية فيه وده غلط

[هنودة هنانيدو]

صباح الخير يا بناتيت ازيكم كلكم
سولتير يا قمر اهدى شوية و ان شاء الله هتبقى احلى عروسة فى الدنيا
احم احم ...انا باكلمكم دلوقتى و انا حاطة ماسك المايونيز على شعرى و مغطية بالبونيه البلاستيك( شايفة الشطارة يا مس هنوده)
و ان شاء الله اقولكم النتيجة بس ادعلولى يتصلح حال شعرى
ازيك يا doda ربنا يحلى لك شعرك انتى و كل البنات

انتى يا ساسو شطورة خالص مبسوطة منك كتير
انتى بجد عسولة جدا