"عروسات المستقبل تعالوا اقولكم".. جزء ( 9 )

[هنودة هنانيدو]

طيب هنود انا عاوزة اعرف معلش حاجه واستحمليني انا اشتريت مرهم بيتادين اللي قولتيلي عليه وكارباميد بس في مشكله مرهم بيتاديم دا انا فتحته لقيت لون نبيتي ازاي غامق كدا ولما استخدمه يفتح المنطقه دا ممكن كدا يزبوغها مع تكرار الاستخدام بليز ردي عليا علشان اعرف استخدمه ولا لا وممكن يكون انا اصلا اشتريته غلط ولا ايه اما بقي كارباميد استخدمه مرة واحدة قبل النوم علي ضهري ؟؟؟؟؟؟ مع العلم ان ضهري فيه حبوب ؟؟؟؟؟؟ بليز قوليلي

بصى يا جيسى كارباميد يتحط ايوة مرة او مرتين فى اليوم مفيش مشكلة
بيتادين لونه فعلا نبيتى غامق وده اللون ملهوش علاقة باى حاجة وحتلاقيه تقيل وده عادى هو تركيبته كدا لانه مطهر من فطريات وبكتريا عادى استخدميه

[هنودة هنانيدو]

هنودة شلونج حبيبتي شخبارج شو مختفية
حابة اسالج الله يساعدك علينا
اني قريت موضوعك بالاجزاء السابقة عن منتجات البشرة وايه اللي لازم يبقى معانا تقريبا اللي قلتي عليه عندي بس هي بس خربطة ومااعرف استخدمهم هل بصورة مستمرة مع العلم اني لسه مخطوبة
ولفت انتباهي موضوع الاخت princess sarah اني محتاجة تقوليلي استعمل من المنتجات اللي قالت عليها ايه (بشرتي عادية) لان الاسياء اللي ثقالت عليها موجودة باوساقنا انا خايفة تقوليلي على شي ويطلع ماموجود او سعره غالي وعلى راي سارة لسه مامعيش مرتب

حتلاقى فوق ياروز فى الرد اللى فاتت منتجات البشرة العادية اللى مجربها وكويسة واسعارها كويسة وحتلاقيها موجودة عندك

[هنودة هنانيدو]

ازيك ياهنوودة ازيكم يابنات كلكم ما شاء الله يهنودة الجزء الجديد جميل جدا الف مبروك عقبال الميه يارب ربنا يجعله في ميزان حسناتك انا بصراحة كنت بستخدم المنظف كلين للتقشير ومكتوب عليه يومي فهل ينفع كمنظف عادي وتونر بستخدم مياه ورد بس اما كريم النهار والليل والعين فهل فيه انواع كويسة معينة للبشرة الدهنية يعني اذاي اعرف ان بشرتي ارتاحت لنوع معين زي ما قلتي في الاول وجزاكي الله خيرا

ازيك يا قمراية ..
غسول تقشير مش حلو يبقى يومى لان البشرة الطبيعى بتاعها يتعملها تقشير مرة فى الاسبوع اما يومى حتى لو كان بسيط بيبقى بردو كتير على البشرة
حاولى تجيبى غسول عادى مش مقشر

كريم الليل والنهار حلوين من اوبتمالس للبشرة الدهنية من اوريفليم وكمان غسول بتاعها حلو اوى
كريم العين احلى ماركتين لوريال وكلينيك وبعدهم اولاى توتال افكتس

[هنودة هنانيدو]

ازيكم يا احلى بنات فى المنتدى وانتى يا هنوده يا قمر كل سنه وانتى طيبه يا رب وبجد انتى المره اللى فاتت نصحتينى انى لازم اكون واثقه من نفسى قدام خطيبى بس هو لسا منزلش اجازه ما علينا احنا طبعا بنقعد نتكلم فى التليفون وكده خطيب وانا واحدبن بعض عن حب والحمد لله ارتباطنا بس عندى احساس او خايفه من تجربه الجواز نفسها فى انى مثلا مكنش زى ما هو متوقعنى او رسمنى فى خياله طبعا انتى فاهمه فى اى امور بالضبظ انا الحمد لله بحب اهتم بنفسى ونظافتى بس خايفه يكون رسملى شى تانى ومش يلاقيه فيا بعد الجواز بحاول اعمل واشوف واطبق حاجات كتير عشان بجد نفسى اسعده زى ما هو خلانى اسعد انسانه فى الدنيا يوم ما حبنى وحبيته ازاى اتغلب على احساسى ده وسورى انا بعتبرك اختى لانى مليش اخوات وحبيت ادردش معاكى

ازيك يارونى كل سنة وانتى طيبة
بصى حبيبى خليكى واثقة ان جوزك مادول بيحبك ومرتاح معاكى حيبقى شايفك قمر
اى بنت طبيعى بتبقى خايفة انها متطلعش بنفس الخيال اللى رسمه جوزها او خطيبها وتفضل قلقانة وتبد ثقتها بردو تانى تهتز
موضوع ابسط من كدا انتى مادول مهمتمية بنفسك حتلاقى ان جمالك بيزيد ولو فى اى مشاكل عادية زى لون كختلف وحاجات ديه بتظبطيها من دلوقتى
وعامة يارونى الرجل بطبيعته مش بيدقق فى تفاصيل يعنى معظم المتزوجين تلاقى زوجة تقول جوزى مش مركز معايا فى لون ركبة ولا كدا يعنى هو بيبيص بشكل عام على المنظر يعنى جسمك ناعم مفيش شعر لابسة حلو هو ده الصورة اللى بيتخيلها اما تفاصيل الدقيقة لا ولا حتلاقيه واخد باله من حاجة

انتى مش محتاجة غير كدا جسم ناعم ونظيف ولبس حلو لايق عليكى وبرفيوم رقيق انتهى كدا اى قلق منك وتوتر كمان اللى بيحب بيبقى شايف حبيته ارق واجمل واحدة بلاش تضيعى فرحتكم وسعادتك بالقلق والتوتر خليكى واثقة جدا فى نفسك وادعى ربنا يخليكى اجمل واحدة فى عيونه وانك عايزة تسعديه وتفرحيه ربنا بنيتك الحلوة ديه حيخليكى اجمل من حور العين فى عيونه

متقلقيش انتى بس اتعاملى عادى وبلاش تفكرى كتير فى كلام ده

[هنودة هنانيدو]

السلام عليكم ازيكم يا بنات وكل سنة وانتم طيببن
مبروك يا هنودا علي الجزء التاسع عقبال ال900 ان شاء الله
كان ليا سؤال عندك يا هنودا او لو حد من البنات يعرف عشان انا عارفه انك مجلكيش حب شباب فممكن متكونيش استخدمتي نيتروجينا لحب الشباب
عايزة اعرف كويسة ولا لأ ؟ ولو كويسة اجيب منها ايه غسول ولا ايه ؟

ازيك يا يارا ياقمر ..
الاسف انا مش عارفة اذا كانت منتجات نتروجينا لحب الشباب حلوة ولا
ان شاء الله يكون حد جربها ويقولك واعملى بردو سيرش عليها على جوجل وشوفى اراء البنات

[هنودة هنانيدو]

انا مبسوطة جدا من مواضيعك كلها هنودة وعايزة اسئلك حابة اسئلة انا متزوجة وعندي حبوب بشعة في بشرتي وكبيرة وحمرا والاقيها ساعات بتخرج من السائل من داخلها بس بتسيب طبعا اثر غمقان باخد اقراص ولوشن لبشرتي وبحط كريمات كتير الدكتور وصفها ليا بس عاوزة اسئلك علي نظام لتنظيف البشرة انظف بشرتي كام مرة في الاسبوع لاني بشرتي دهنية جدا جدا وعلي الانف عندي بثور سودا والمشكلة اني باستخدم الادوية وببقي كويسة واول مبطلها بيروح اي حاجة وترجع ريمة لعادتها القديمة مش عارفة انا زهقت خلاص من وشي وعايزة احط ميك اب ومش بعرف احط انا جبت منتجات غالية اسمها اوباجي وجابت نتيجة هايلة جدا بس غالية جدا تنصحني باية:



اية غسول بشرة حلو اعمل تنظيف بخار لبشرتي ولا هيزود المسامات ياريت لوعندك حلول تساعدني يبقي كتر خيرك وشكرا كتير لموضوعك المتالق انتني تستحقي جائزة في مجهودك الرائع
اسفة للاطالة

مازنة ياقمر ازيك كل سنة وانتى بالف خير ومنورنا ياقمرايه
منتجات اوباجى فعلا جامدة جدا بس غالية بس بتجيب نتايج حلوة

بصى ياقمراية بلاش تعملى سكرب عشان الحبوب لانه حيزودها
حمام بخار ايوة اعمليه لانه حينظف المسام وبعدها تعملى ماسكات للبشرة الدهنية حتلاقى فى لينكات ماسكات من نانيس سليم للبشرة الدهنية

اى كريم تستخدميه او صن بلوك او ميكب يبقى اويل فرى يعنى خالى من الزيت
الغسول طبعا حاجات حلوة كتير يعنى عندك من كلينيك لانه طبى ومن نتروجينا ومن اوبتمالس اوريفليم

بلاش بردة تاكلى حاحات اللى بتزود الحبوب والافرازات زى شيكولاته واللب والسودانى وكاكاو

[هنودة هنانيدو]

ايه الجمال ده
موضوعك رائع ياهنوده بجد واستفدت منه كتير

ميرسى يا بسبوسة على كلامك الجميل ياقمر

مبروك ليكى يا هنودة على الموضوع الجديد
ايه رايك يا قمر تفتحى موضوع ليوميات العناية للبشرة فى رمضان علشان نبقى عرايس على العيد؟
نفسى تحطى برنامج وان شاء الله التزم بيه بالحرف
ومبروك تانى يا قمر

ان شاء الله حاضر ياقمراية بس معلش الايام ديه مش حاعرف بس مشغولة شوية كتير

ثااااااااااااااااااااانكس

ميرسى يا جانا

جزاك الله خير يا هند ما ادري كيف اشكرك على هالنصايح لكن ابشرك ابي ادعيلك ربي يعطيك لين يرضيك وايد استفدنا من كلامك رمضان مبارك عليك يا رب

تسلمى يا ياسمينا على كلامك الجميل ربنا يخليكى ياقمر وعلى دعواتك

السلام عليكم ورمضان كريم على الجميع ان شاء الله مبروك الجزء الجديد هنوده ايه الجمال ده انتي حتى عامله للبنات روتين يومي كده مدلعتهم اوي مابقاش فيه حجه لاي وحده انها تكسل وانا اولهم لاني مبعملش ولا حاجه من اللي كاتباهم غير اني بغسل وشي بصابونة البابايا واحط موية ورد الله يعطيك العافيه يارب اختي رانيا البحراوية اسفه لتدخلي بس كلامك عجبني واعتقد ان احساسك وتفكيرك في اسعاد خطيبك كفايه الله يوفقك انتي وكل الاحبه انا بحب الحب وكل اللي بيحبو ونفسي احب واتحب بس عندنا صعبه اوي وتحياتي للجميع

امولة الامورة عاملة ايه ؟؟؟
ابداى يالالا ياقمراية تظبطى روتين اليومى وقولنا الاخبار

اذيك يانودى عامله ايه
انا والله سجلت بس عشان اشكرك
وانا متابعه الاجزاء وبقرأ دالوقتى فى الجزء الرابع
د احنا مش بنات ولا ايه دا اخويابيهتم ببشرته اكترمنى ماسكات وكريمات شعر
المهم انى هبتدى اهتم بنفسى شويه عشان مش هينفع كدا
وربنا يجزيكى كل خير

مونى منورة باقمر معانا
ههههههههههه لخوكى احسن مننا يالالا شدى حيلك وخليكى اقوى منه

ازيكوا يا بنات ياقمرات وحشتونى كلكوا
والحمد لله على سلامة سموحه وساره ولونلى جيرل ايه الغيبه دى كلها
واهلا بالبنوتات الجداد

نوده العسوله فييييييييييييييين وحشانى ياقمر وكل سنه وانتى طيبه حبيبتى وكل البنات طيبين واللهم بلغنا رمضان جميعا يااااااااااااااااااارب

بينك حبيبى وحشتنيى كتييييييير كل سنة وانتى بالف خير ويارب يبقى رمضان خير عليكى

السلام عليكم
ازيكم يا بنات عاملين ايه
كل سنة وانتم طيبين والى الله اقرب ان شاء الله
وكل سنة هنودة حبيبتى بالف خير وتفضلى معانا وتمتعينا بمعلوماتك الجميلة
ربنا يكرمك حبيبتى
انا قلت بس اسلم عليكم واقولكم ربنا يعينكم على طاعته فى رمضان ويثبتكم ويفتح عليكم
واوعو تنسو تدعو لبعضكم فى رمضان لان وانتى بتدعى لاختك فى الله الملائكة بتقولك ولك بالمثل
فبالله عليكم تدعولى بالهداية والثبات وتدعو لكل المسلمين ولا تنسو ليلة القدر وفضلها
ودعاء اللهم انك عفو كريم تحب العفو فاعف عنا ودعاء اللهم اعتق رقابنا من النار
نقولهم كل يوم وكل ليلة ان شاء الله
كل سنة وانتم طيبين

ايمان الجميلة عاملة ايه
تسلمى حبيبى على سلامك وتشجعيك ودعواتك وكل سنة وانتى فرحانة وبخير

ازيكم يا قمرات عاملين ايه وحشتونى كتييييييييييير
كدا يا نودى هتقطعى عننا الميه والهوا وهتغيبى عنا اهىء اهىء هنصبر عليكى بس عشان ان شاء الله تكونى مشغولة فى حاجة خير وهندعيلك ان ربنا يصلحلك حالك انتى وكل البنات واكيد كلنا هنبقى مشغولين فى رمضان سبحان الله الوقت بيكون ضيق خالص بس نبقى ندخل عشان نطمن على بعض وادعولى ربنا يسهلى عشان انا راحه اجيب العفش بتاعى بعد بكرة ان شاء الله من دمياط

مبروووووووووووووووووووووووووك سموحة على العفش معلش حبيبى انا مقصرة معاكى جدا بس حاكلمك عشان اقولك كل سنة وانتى طيبة واطمن عليكى

[yara tera]

ميرسي يا هنوده اوي علي ردك يارب حد من البنات تكون عارفه وتقولي
بس ليا استفسار تاني
انا شفايفي لونها غامق من الحروف كده مش كلها مش عارفه من ايه تنصيحي بايه ؟
وكل سنة وانتي طيبة و جزاكي الله خيرا

[lonleygirl]

هنوده يا قمر بصى انا بقى مشغوله فى المزاكره امتحانات ماجيستير فا بشرتي ضايعه مش مهمتميه بيها خالص دلوقتى اعمل ايه يا نودي وكمان ممكن اعرف الغسول والتونر والكريم المناسب للبشره المركبه وكل سنه وانتي وكل البنات الحلويين بالف خير

[lonleygirl]

سموحه يا قمر الف الف مليون مبروك بجد مبسوطه ليكي اوى وربنا يوفقك فى مشوارك وتجيبي كل الى انتى عاوزاه يا قمر