أخواتى .. السلام عليكم ورحمة الله وبركاته ..
فجأة حسيت أن التفاصيل الصغيرة كتيرة جدا فى البيت .. خصوصا اللى ماليها مكان ..
فكرت كتير .. قلت حأشترى صناديق أو سلات للتفاصيل الصغيرة ..
بعدين قلت ليه ما أنفذ فكرة أستغل بيها أشياء مهملة فى البيت ..
وبعدين جبت كرتون الماء العين أو الواحة .. لأنهم بأستمرار موجودين عندى .. وأحضرت ورق تغليف ذاتى اللزق وغلفتهم من الخارج والداخل
وحطيت بيهم تفاصيل كتير مالها لازمة وأخدت كتير .. مثلا كتب مالها أستخدام ولا مكان فى المكتبة عندى .. ومع ذلك عايزة أحتفظ بيها ....
وكرتون للكتالوجات واوراق الضمان للأجهزة اللى أشترتها ومش محتاجة أنها تكون قصادى طول الوقت ومع ذللك لازم مكان ليها
وحاجات كتير جدا .. زى أدوات الخياطة بس حطيتها فى كرتون صغير
حسبت مع نفسى كده .. لو كنت اشتريت سلال لكل التفاصيل دى كانت جمعت مبلغ ..غير أنى ماكنتش حسيت بانى مبسوطة من أنى شغلت وقتى
مش عارفة يمكن فكرة مش تعجبكم بس أنا أنبسطت بيها
الروابط المفضلة