السلام عليكم يا احلي اخوات في احلي منتدي
عندي مشكله صغيره ويارب تفيدوني بتجاربكم ومعلوماتكم
طبعا معظمكم عارف معاناتي مع بنوته لولو وقله وزنها وطبعا الحمد لله تم الفطام بفضل الله وبدءت تاكل الحمد لله رب العالمين
وزنها 8 كيلو وعندها سنه و3 شهور
بس دلوقتي انا حيرانه في نوعيه الاكل اللي ممكن تزود من وزنها مش عارفه اديها ايه علشان وزنها يزيد وخايفه اديها حاجات تكون تقيله عليها
ياريت تفيدوني
انا حاليا يومها بيكون
فطار بسكويت باللبن
وتاكل معنا في الغداء معلقتين 3 ارز مع اي نوع خضار وقطع صغيره فراخ
وممكن المغرب اكمل لها وبليل بيكون غالبا ارز بااللبن لانها بتحبه او زبادي بس نادرا علشان هي مش بتميل له اوي
ايه رايكم ممكن اديها ايه يزود الوزن ربنا يخليكم بس انا مش عايزه افراط ولا تفريط انا بما اني عامله رجيم وجوزي حابب الاكل بطريقه صحيه
دهون قليله في اكلي
انا عايره ولادي كمان يزيد وزنهم بس مش عايزه اكلهم اكل غير صحي وكمان لينه معهم يعني مش عايزه ازود دهون مش عايزه اكل جاهز ولا مشروبات غازيه
معرفش معادله صعبه عايزهم وزنهم يزيد من غير من ياكلوا اكل مش صحي
ياريت تفيدوني بالذات للينه بس انا مش عايزه الخبط في الاكل وبعد كده اندم يعني دائما مع الولاد بنظم لهم اكلهم وبقنن لهم الاكل لو حسيت انهم طالبوا اكل وهم لسه واكلين برفض علشان ما يتعودش
معرفش انا صح ولا غلط ياريت المساعده
نسيت اقول ان لينه بتحب تاكل الفواكه الطازجه خاصه الموز والطماطم الخيار مش عارفه كده اكلها كفايه في اليوم ولا ازود ايه كمان
اللبن تقريبا نص كوب بالفطار مع البسكويت
ولسان العصفور بتحبه كمان اكتر من الخضروات والارز
رد مع الاستدلال
الروابط المفضلة