مشاوى العيد تنطلق من مطبخ نور الهدى الى الهواء الطلق تفضلن طريقتى وتتبيلتى

[noorelhoda]

ا

أخواتى الغاليات أيام قليله ويهل علينا عيد الأضحى المبارك وكل بلد له طقوسه وعاداته
بين الاهل نجتمع على ذبح الاضحيه بعد الصلاه وفطارنا يكون اما على كبده الاضحيه واما على الفته
وفى الغذاء
نعد العده ونجهز لحوم الأضحيه وننطلق فى الهواء الطلق ونحضر احلى مشاوى
وسأصحبكن فى جوله تبدأ من مطبخى وتنتهى على احد الشواطئ حيث الهواء ونسيم البحر والاجواء الرائعه

بدايه وبحكم اننى مغتربه فطبعا الرحله بتكون مع الاصدقاء واولادهم

فهيا يا غاليات تعالوا معى لمطبخى المتواضع لتجهيز اللحوم والدجاج والسلطات والتتبيلات
طبعا اللحم السائد بيكون اللحم الأحمر والخاص بالأضحيه ولكن لا مانع من وجود لحوم بيضاء كالدجاج لان هناك من يفضلها عن اللحوم
نبدأ بالدجاج ومقادير تتبلتى المفضله

المقادير
دجاج اى عدد (انا استخدمت دجاجتين)
التتبيله
كوب كبير روب (زبادى)
3 ملاعق كبيره مسطرده(خردل)
2 ملعقه نعناع ناشف
2معقه ثوم مفروم
ملح فلفل كمون

الطريقه

نحضر الدجاج ونقطعه انا افضل تقطيع الدجاجه 8 قطع هكذا

وفى علبه بلاستيكيه محكمه الغلق نضع مقادير التتبيله

معا ونقلبها جيدا ونضع قطع الدجاج هكذا ونتركها تتشرب التتبيله

ونغلق العلبه

ثانيا اللحوم

بالنسبه لى فأنا أفضل الريش وايضا لحم الكتف بعد سلخه والتخلص من العظم

المقادير
زى ماذكرت نوع اللحم وطبعا ده اختيارى
اسياخ خشبيه
قطع طماطم وفلفل اخضر
التتبيله عباره عن
بصل مبشور صغيرا
ملح
فلفل
سماق
2 حبه طماطم مبشوره
الطريقه
ده طبق الريش

وبالنسبه للكتف بحاول ان انتزع العظم منه هكذا

وطبعا يقطع اللحم وبالنسبه للعظم بحتفظ به لعمل شوربه بعد ذلك

نجهز التتبيله فى طبق او علبه

ننقع اللحم فى التتبيله

وبعدها نضعه فى الاسياخ الخشبيه هكذاا

اما الكفته

فللكيلو الواحد المفروم نضع 2 بصله متوسطه مفرومه
حزمه بقدونس
وتوابل عربيه

ونجهز السلطات
انا بفضل سلطه خضرا وايضا بابا غنوج وسلطه الحمص ان شاء الله انزلهم فى قسم المقبلات

هنا كل شئ جاهز تقريبا ولا ننسى الأيس بوكس وده مهم علشان المشروبات

والان نشد الرحال وننطلق فى الهواء الطلق حيث المتعه والجمال

ووجهتى فى كل عيد على اعتبار انى مغتربه ولا اقضيه فى بلدى الحبيبه مصر فتكون فى مدينه جميله بديعه انا شخصيا بحبها جدا حيث جمال الطبيعه والدفء
انها
مدينه خورفكان
هنا فى الطريق حيث الجبال الشامخه

وهنا

النخيل الرائع بهامته وشموخه

وهنا احتضان الجبال للنخيل

وهنا البحر بروعته وجماله وهدوئه

طبعا مهمه الشوى متروكه لزوجى ونا بنشغل غالبا بنور بنتى
وهنا لحقت اخر قطع وصورتها
الحمد لله انى عرفت اصورهم لانى فعلا بكون مشغوله لاقصى حد فسامحونى لان باقى صور الشوى غير متواجده

اتمنى ان يكون موضوعى البسيط افادكن ياغاليات

وكل عيد وأمه المسلمين بخير
اللهم أنصر المسلمين وبارك لهم وأرزقهم الجنه ونعيمها
اللهم امين

[حبيبة قلب امها]

ماشاء الله
ايه الجمال ده والنخيل ده والاجواء دى والريحه الحلوه دى
تسلم الايادى يارب
واتمنى دايما ليكى الاوقات الحلوه

[ghada00]

وااااااااااااااااااااااو

بجد بجد تسلم ايدك المشويات معشوقة الجماهير كلهم

و التتبيلة و التجهيز روعة بيدلوا على ست بيت درجة اولى

تسلم ايدك حبيبتى و كل عام وانت و اهل بيتك في احسن حال يا رب

[حنان(البحرين)]

[اليـــآسمين]

وااااااو
ماااشاء الله عليكي
تسلم ايدك

[أم العلاء 2]

ما شاء الله .. لا قوة إلا بالله
ما شاء الله عليكي حبيبة قلبي يا أم نور
الإبداع و التميز ليس بغريب عليكي يا قمر
إيه بس الروائح و الجمال ده كله
جزاكي الله خيرا أنك أشركتينا معاكي في هذه الرحلة الجميلة و التي إجتمع فيها كل شيئ جميل .. الخضرة .. البحر .. الجبل و الأكل الحسن
وصفات قمة في الروعة و شكلها يفتح النفس و يسيل لها اللعاب
تسلم إيديكي و تسلمي و يعطيكي العافية يا رب
و كل عام و أنتم بخير

[أم إيناس3]

بسم الله ماشا الله وكل عام وانتى بخير

[ناني2007]

يسلمو ايديك اخت نور ابدعتي

[amal250]

الله يعطيكى الف عافية ياام نور
وتسلمى على التحضيرات الرائعة والجميلة
ووصفات وتتبيلات متميزة فعلا
جزيتى الخير كلة
واحلى شئ انك تحبى المكان اللى موجودة فية
وتقدرى ان تجعلى الفرحة الدائمة فية
ربى يزيدك من نعيمة اللهم امين يارب العالمين
والف هنا وعافية على قلوبكم يارب

[ام مهند2009]

ما شالله عليكي يا اخت نور الهدى التتبيله رائعه انا كمان طلعت الجمعه وشويت وصورت المشاوي وطريقة التتبيله الاذواق وحده يسلموووووووووووووووووووووو