هتخاوي ابنك امتى؟

[سلمى من مصر]

السلام عليكم يا امهات انا كنت عايزة اسألكم خصوصا اللى عندها اكتر من بيبى تفتكروا امتى تفكري تجيبى لابنك او بنتك اخ اواخت يعنى لما الاولانى يدخل المدرسه ولا لما يكمل سنه ولا امتى بالظبط تفكري ف الحمل مره تانيه طبعا كله بامر الله بس انا قصدى الوقت اللى بتاخديه عشان ترتاحى والبيبي الاول يشبع دلع مستنيه ردودكم و تجربتكم عشان نستفيد كلنا ان شاء الله

[ام حزم]

والله انا كنت ناويه احمل بعد سنتين من حملي الاول لكن قدر الله وحملت وبنتي عندها 4 شهور الحمد لله وكنت زعلانه شويه في الاول لكن بعد كده لما شفت بنتي كلما رئت طفل تفرح وتلاغي فرحت اني حملت علشان تلعب مع اختها ولا اخوها وربنا يرزقنا جميعا الزريه الصالحه

[* نور هدى *]

هو برغبتي أنا ليكمل ابني الأول سنتين
والأمر كله بيد الله

[سونه سعيد]

انا عاوزه احمل لما ان شاء الله انس يدخل الروضه

عشان انا ولدت قيصريه الاول وبعدين حملت حوالى وهو عنده

سنه وتعبت خالص والجرح تعبنى فبصراحه مش عاوزه اعملهاالوقتى

وطبعا كله بقدر الله

تقبلى تحياتى

[azmiralda000]

سؤال صعب جدااااااااااا
انى ابنى عنده سنتين و لغاية دلوقتى مش قادرة حتى افكر فى فكرة الحمل تانى

طبعا جوزى و كل اللى حواليا بيقولولى يالا هاتى تانى
بس اللى ايده فى الميه مش زى اللى ايده فى النار
و خاصة انى فى غربة و لوحدى و ما حدش بيساعدنى و لا بيشيل عنى اى حاجة
مافيش راحة و لا حتى نص ساعة
مافيش حد من اهلى جنبى عشان اسيب ياسين عنده شوية مثلا لغاية ما اخلص اللى فى ايدى

بس انا بصراحة مش هقدر اجيب تانى الا لما ان شاء الله اطمن على ياسين و يتكلم و يقلع البامبرز
و ربنا يقدم اللى فيه الخير

[semba155]

اناحملت وابنى عنده 7شهور

[ommammar]

والله بعد اول حمل الواحد كان متشجع وحملت وابني عنده سنة وكان الفرق بينهم اقل من سنتين بشوية بس صراحة شوفت العجب وتعبت جدا وما ارتحت غير لما تقريبا كمل ريان سنتين قلة نوم واجهاد وطبعا في غربة زي ما الاخت بتقول وولادة قيصري ولوحدي معايا ربنا طبعا صراحة كانت علقة محترمة من الاستاذ الصغير من اول الحمل والولادة اللي قلبت قيصري وطبعا تعب ما بعد الولادة بس الان صار له 3 سنوات وشوية وصراحة اشتقت للاطفال تاني ونفسي في بنوتة جميلة ربنا يرزقنا والمسلمين جميعا وانا حاليا وقفت المانع ولسه ربنا ما اردش وعموما وقت لما ربنا يإذن حيكون الفرق اكثر من اربع سنوات وربنا ييسر يعني باذن الله يكون ريان كمان دخل حضانة وابقي فاضية شوية للجديد لان وجود اكثر من طفل في سن متقارب مجهد جدا للام ولا ترتاحي الا لما يكبروا شوية

[سلمى من مصر]

يعنى انتوا معايا ان لازم البيبى الاول يدخل المدرسة ولا كده وقت كتير مستنيه مشاركتكم

[*شجوون الليل*]

بالنسبه ليه انا بنتى عندها سنه وسبع شهور ومش عارفه اخد القرار انىاجيب لها اخ او اخت كان نفسي استريحشويه خصوصا انى والده قيصري بس الحاجه الوحيده اللى قلقانى انى حكمل تلاتين سنه قريب يعنى السن مش فى صالحى ومحتاره اوى خايفه اكون بدلع والله ساعدونى فى اتخاذ القرار

[ملك المالكى]

سلمى لا لما يدخل المدرسة كتيييير اوى الفرق القليل متعب للام اه بس بصراحة ولادك هيبقو اصحاب وقريبين من بعض جدااا


ام ياسين لا هاتى وياسين هيتكلم زى ما قلتلك لما يجيى البيبى الجديد اكتر حاجة تشجع الاطفال على الكلام الاطفال اللى زيهم


شجون الليل اتكلى على الله وانشاءالله ربنا يرزقك الحمل طالما فطمتيها خلاص


بالنسبة لى انا بقى انا طبعا اكيد بدون شك مش بستعمل مانع لو حصلت معجزة وربنا اراد فى اى وقت انشاءالله دلوقت هفرح جدااااااااااااا طبعا

بس امتى ناوية افكر فى اعادة التجربة بصراحة مش عارفة
كل ما افتكر الابر اللى خدتها بخااااااااااف بس اول ما توتة تتفطم انشاءالله هفكر بجديه
سواء فطتها على سنتين او قبل كدة