اولا ازيكو كلكو اكيد كل واحده داست على اللينك بتاعي تبقى تمام و زي العسل كمان انا بقى النهارده مجنونه مووووت عشان انا اكيد اكيد مبسوطه لسه قايسه وزني و خسيت 8 كيلو في 10 ايام و ده بجد مش فتي اولا انا كان وزني 106 من شهر و نص و لحد 10 ايام فاتو كنت 98 كيلو النهارده بقيت 90 كيلووووووووووووووووووووووووووو
زغرتولي المهم اللي عاوزه تعمل زيي او تكمل دايت معايا لحد ال60 اللي هو هدفي انا اهلا بيها
انا اسمي ساره عندي 23 سنه وزني 90 كيلو معلش يا جماعه بقولها كتييير فرحانه بيها عقبال ال8 الجاييين ان شاء الله قريب
انا عملت دايت ال5 كيلو في 5 ايام و بعدها دايت بيخسس 7 كيلو في 7 ايام بس عملت اول 5 ايام فيه بس اللي عاوزا الدايت تقولي اكتبهولها و عشان تكونو عارفين اي دايت بيتعمل هينجح اكيد بعوامل معينه هي من وجهه نظري:
1.اول شيء و اهم شيء انتي من جواكي قولي لنفسك كتيييييييييييييييييير طول اليوم انا لازم اخس انا عاوزه اخس عشاني اولاو بعدها عشان اي حد.
2.تفهمي طبيعه جسمك يعني مش عاوزه ابقى كدابه و اقول اني ملخبطتس و ماشيه حرفيا الضعف ده طبيعه في البني ادم موجود بس لما تيجي تلخبطي مترصيش الاكل و تقعدي لازم يكون عندك ضمير يأنبك على اقل حاجه ده غير انتي مثلا اكلتي حاجه معينه لازم تعرفي سعراتها الحراريه ايه و في نفس اليوم او اللي بعده بالكتييير تمشي ازيد من السعرات اللي انتي كلتها و خففي من اكل اليوم التاني مش هتزيدي بس ده مش معناه اننا نفضل نعك هتعكي هتطولي في مده التخسيس بتاعتك و اكيد كل واحده فينا عاوزه توصل لشكل معين في وقت مش طويل عشان زهقت من الشكل اللي هي فيه.
3.الرياضه المشي المشي المشي ارخص و صدقوني احسن طريقه للخسيه انا لعبت جيم كتييير زمان لما كنت ارفع الجيم لما بتبطليه و خصوصا احنا الشرقييين الجيم مش روتين يومي في حياتنا الدهون اللي انتي قللتها بترجع تاني في نفس الاماكن بس بزياده و خصوصا جزء الارداف اما المشي اكتر حاجه بتخسس الجزء السفلي ده غير انه بيحرك 150 عضله في جسم الانسان و بيرفع من المعنويات و بيزود الثقه في النفس بس طبعا انا بتكلم عن المشي السريع و لو وزنك عالي و بتتكسفي امشي في مكان ناس كتييير بيمشو فيه هتحسي بتحدي ده غير لو لقيتي نظره من حد مش عجباكي اعرفي ان انتي قويه عشان قادره تواجهيه و بعد كام شهر هيبوصلك و يقول جوه دماغه ايه ده هي ازاي بقت كده هتعجبك النظره التانيه فسيبك من الاولى.
4.دي مهمه اوي التشجيع حد يكون معاكي بشكل مستمر و تتكلمي معاه براحتك عن اكلك و رياضتك و اللي لخبطتي فيه و لحظات احباطك و فرحتك و طبعا في موضوع الجسم البنات بتتكسف فاحسن حل لينا المنتدى انا بجد مكنتش هعرف اخس اللي انا خسيته من غير البنات اللي انا اتعرفت عليهم هنا (شيمو-ايمي-نوفا-ياسمين)و مش عاوزه اكون ناسيه حد بس ميرسي ليكو كلكو انا و انا لوحدي خسيت 8 كيلو في شهر و انا معاكو خسيت 8 كيلو في 10 ايام ميرسي يا بنااااااااااااااااااااااااااااااات
الدايت بتاعي الجديد بيخسس 10 كيلو في 10 ايام و بصو اكيد اكيد مش بيكونو 10 بالظبط حسب كل جسم يعني بس حتى لو نصهم حلو جدا احنا هننهب
مستنيه ردودكو و اللي عاوز يشترك معايا انا و اصحابي لحد الوزن المثالي ليه احنا في الخدمه
كتبت بواسطة srs.com
الروابط المفضلة