اناولدومني بنت وابغى حل

**freeway12go** · 11-10-2006, 10:01 PM

بصراحه انا مادري وش الي دخلني في قسم الحريم لكن يمكن في اشياء مشتركه المهم الزبده حنا الشباب مشهورين بوضع الجل عالشعر والي مع الزمن يخلي الشعر يخف ويبدا الواحد يصلع بصراحه انا مليت من استخدام الكثير من الماركات الرجاليه الي مالها فايده ابغى علاج طبيعي يثبت الشعر ويقويه ويخليه كثيف بعيد عن الماركات الي مافي فايده منها الا وجع الراس ارجو الرد وشكرا ومو معنا اني ولد ماحد يرد علي بلييييييييييييييييييييييييييييييييز انا جاد في سؤالي وشكرا

**نورا1980** · 11-10-2006, 10:02 PM

اخى الفاضل

عليك باستخدام الحنا

وحمام الزيت

**wella3000** · 11-10-2006, 10:25 PM

اهلا بيك اخ عزيز ابحث بالمنتدى عن وصفه عملوها عن الجيل طبيعيه وربنا ميحرمك من شعرك

وليك كل التحيه

**صاحبة القلادة** · 11-10-2006, 10:31 PM

السلام عليكم

مثبت طبيعي جدا للشعر و الله
و ما فيه ريحة و لا شي
و لا يضر بالشعر

هو

أبيض البيض

افصل الابيض على الاصفر - لأن الاصفر هو اللي ريحته مو حلوة - حط شوي على ايدك بعدما تبلل شعرك و سوي مثل الجل

**رافعه حاجبها** · 12-10-2006, 01:27 AM

انا عضوه جديده ابغى الترحيب اولا
ثانيا البيض احس فيه ريحه يادمعه ياعمري
ثالثا وياليت تقوم تجربه الحين يالله اش مستني
الليمون تعصر شوية ليمون في ايدك وتحط على الشهر وتمشط عادي وبس

**SPRAY** · 12-10-2006, 01:37 AM

في الكثيراء تجيبها من عند العطار وتنقعها في الماء قليل إلى أن تذوب جيدا وبعدين حطها زي الجل في الشعر
تراها تكثر الجعر وتسوي ممتاز

**روز العالي** · 12-10-2006, 04:40 AM

اخوي خل منك كل الخرابيط احسن حل هو السدر اخذ ملعقه سدر وصب عليها كوب ماي ونقعها لين يرتفه الماي فوق والسدر تحت مثل القهوه التركيه واخد الماي الصافي اللي فوق وامسح به الشعر هذا جل طبيعي ويمنع التساقط ويكثر الشعر والرسول صلى الله عليه وسلم وصا فيه وقال لو انت الانسان يحط السدر في يده اربعين يوم كان نبت شعر في كف يده من الداخل ومن ناحية تثبيت الشعر تراه رهيب وعن تجربه

**freeway12go** · 13-10-2006, 04:16 AM

والله شكر لكل الموجودين بس بصراحه انا صرت مادري ارد على مين ولا على مين اتمنى لو في احد متخصص يجاوبني وياخذ الموضوع بجديه لاني ومع اني ماخذ كلامكم ياخوان بمنتهى الجديه بس بصراحه احس انه شعري بعد الليمون والبيض صار صحن سلطة فواكه او مخفوق بيض علشان كذا ابي علاج وحيد نافع بعد مشيئة الله اود سؤال الاخت ام لمى عن الكثيراء ماهو هذا وشكرا لكم جميعا

**سوسو العسولة** · 13-10-2006, 01:43 PM

اخي العزيز
الخل بعد الانتهاء من الاستحمام يقوي الشعر وم بخليه انو يتساقط
والله مجربة
وزيت الزيتون فيه منافع كتيرة بعد الحمام ادهن شوية وشوف الفرق
ون شاء الله بتنفعك

**razy** · 19-10-2006, 09:03 AM

هههههههههههه

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: اناولدومني بنت وابغى حل

أدوات الموضوع

العرض