*وصفه مبتكره*الطعمية (الفلافل)..الاسبوع المصرى
بسم الله الرحمن الرحيم
اللهم صل على محمد وعلى آله وصحبه أجمعين
السلام عليكم ورحمة الله وبركاته
النهاردة هاقدم لكم الفلافل المصرية بالفول المدشوش لان فيه فلافل تانية مش مصرية بالحمص
المقادير:
فول مدشوش(مقشر ومكسر انصاف) منقوع من الليل للصباح(12 ساعة)
كرات منظف
بصل اخضر وراس ثوم مقشر
قليل من الخضرة المشكلة (كزبرة-بقدونس)
ويمكن الاستغناء عنها لانها تجعل الفلافل لونها غامق مش فاتحة زى بتاعة السوق لكن انا اضعها لفوائدها ومش مهم اللون الغامق لان الطعم زى ماهو جميل
الطريقة:
* نخلط الكل ويفرم مرتين او ثلاثة حتى ينعم فى الكبة او الفودبروسيسور او المفرمة وهنا انا استخدمت المفرمة
* هنا بعد اول مرة فرمته
* وهنا بعد ثانى عملية فرم للتنعيم
* وعبأته فى اكياس وأحفظه فى الفريزر
** عند القلى اضيف قليل من الكربوناتو والملح والفلفل الاسود والكمون المطحون والكزبرة الجافة المطحونة واخفقها جيدا بالشوكة واشكلها اقراص واقليها فى زيت غزير ساخن
* ويمكن اضافة بيضة للخليط قبل القلى وخفقها معه
* ويمكن تقليبها فى سمسم قبل القلى
* ويمكن حشو الطعمية بخلطة شطة حرااااااااااااااااااقة
اتفضلوا بالهنا والشفا
* نقدمها مع بطاطس مقلية او مهروسة وباذنجان مقلى وسلطة خضرا او شرائح طماطم وخيار ومخلل وزيتون امممممممممممممم
واحيانا بدل القلى باعمل طريقة اخف وهى انى اضيف للعجينة طماطم مبشورة وملعقتين زيت وملعقة بيكنج بودر وبيضتين وافردها فى صينية مدهونة واضعها فى الفرن حتى تحمر واقطعها مربعات واحشيها فى السندويتشات نفس الطعم واخف والذ
مرة تانية ان شاء الله اعمل الصينية واصورها لكم
واتمنى تعجبكم طريقتى
رد مع الاستدلال
نحط الكرات. 
الروابط المفضلة