** وصفات متميزة ** أفكار مختلفه لتزين التورتات من مطبخ ya my

[ya my]

السلام عليكم ورحمة الله وبركاته


بسم الله توكلت على الله


طريقه الكيكه الأسفنجيه


المقادير

7 او 8 بيضات حسب حجم البيض يفضل يكون بدرجه حراره الغرفه - فانيليا - 1 كوب سكر بودره
1 كوب دقيق - 1 ملعقه صغيره بيكنج باودر


الطريقه

اول شئ جهزى الفرن والقالب قبل ما تشتغلى
تخفقي البيض والفانيليا والسكر بودره حتي يصبحوا كالمارنج
شايفه البيض فى القاع ازاى
















واصبح كده بعد الخفق





تضيفي الدقيق المنخول مع البيكنج بودر شويه وتقلبى بهدوء شديد بمعلقه خشب علشان الهواء اللي انت دخليه مع الخفق ما يخرجش تاني لغايه الدقيق ما يختفى وبعدين تضيفي شويه تانين وتقلبي وهكذا لغايه المقدار ما يخلص ويفضل نقسمها على ثلاث صوانى

(ممكن تصبيها فى صنيه وحده وتقسيما بعد ا تستوى لكن عشان تبقى الطبقات متساويه يفضل قسمها على ثلاث صوانى)


ملحوظه

اذا هبطت الكيك منك اول مره مكمن تضيفى ملعقه صغيره بيكنج بودر أخرى وده عن تجربه شخصيه ومع الوقت والتدريب حتلاقيها سهله خااالص





تضعيها على الرف الاوسط 350 درجه فهرنهيت و 180 درجه مئويه يعنى حراره متوسطه

حوالى ثلث ساعه وبعدين تسيبيها تبرد خالص قبل ما تزينها




حبيت أضيف بعض النكهات لعجينه الكيك اكيد معظمكم يعرفها لكن حبيت اضيفها للبنوتات اللى لسه فى اول المشوار

نكهه البرتقال

اضيفى ملعقه صغيره بشر برتقال

نكهه الليمون

اضيفى ملعقه صغيره بشر ليمون

ملحوظه

جميع الاضافات السابقه تكون فى الاول خالص بمعنى إنك تضيفها مع البيض والسكر والفانيليا

نكهه الشيكولاته

شيلي ربع كوب طحين واضيفي مكانه ربع كوب شيكولاته بودره وتنخلها مع الطحين والبيكنج بودر

نكهه القهوه

شيلي ملعقه كبيره طحين واضيفي مكانه ملعقه كبيره سكافيه بودره مع الطحين والبيكنج بودر




وده بعد ما اضفنا االطحين والبيكنج بودر والنسكافيه





يتبع

[ya my]

الحشوات

1- ممكن تحشيها بأى نوع مربى عندك

2 - او نحشيها بالكاسترد وطريقتى فى الكاسترد هى

2 كوب حليب
2ملعقه كبيره ( طعام ) بودره كاسترد
بيضه
سكر للتحليه




الطريقه

نضع كوب ونصف من الحليب والسكر على النار




نضيف بودره الكاسترد والبيضه على باقى الحليب البارد ونقلبهم جيدا








بعدالحليب مايغلى نضيف خليط الكاسترد والبيض والحلي للحليب المغلى ونسيبه على نار هاديه لحد ما ينضج مع التقليب
نصبه فى قالب زجاج ونتركه ليبرد





بعد ما يبرد نخفقه بمضرب البيض أو الخلاط





وبكده يكون جاهز لحشوه الكيك






3 - المهبيه

مقاديرها

2 كوب حليب
2 ملعقه كبيره نشا
سكر للتحليه
فانيليا
طريقتها مثل الكاسترد
ممكن تعمليها بأى نكهه تحبيها

شيكولاته (بإضافه شيكولاته بودره للحليب )

قهوه ( بإضافه نسكافيه للحليب )

مشمش (تعمليها بعصير قمر الدين بدلا من الحليب )

4 - او نحشيها بالكريمه المستخدمه فى التزيين


يتبع

[ya my]

أنواع الكريمه المستخدمه فى التزين


الكريم شانتيه

مميزاته انه افضل طعم
عيوبه الأشكال اللى يمكن الشكيل بيه محدوده

له انواع مختلفه

أولها البودره فى منها المعروف وهو الموجود فى اى سوبر ماركت وطريقته موجوه على العلبه
ومنها البودره الخام و ده من غير سكرو تشتريه من محلات الجمله

النوع الثانى من الكريم شانتيه وهو الكريمه اللبانى وطريقته هى

2 كوب كريمه لبانى
ربع كوب سكر بودره او حسب ما تحبى
فانيليا

تخفقيهم كلهم بمضرب البيض لغايه ما يجمد بس انتبهى لأنك لوخفقيه اكثر من اللازم حيصبح ذبد

النوع الثالث كريمه سائله عليها كل الإضافات تخفقيه وبس وده كل ما خفقتيه اكثر كل ما كان اجمد واحلى بس مش عارفه اذا كان عندكم فى الدول العربيه ولالأ

دى صورته




كريمه الذبده

مميزاتها تقدري تشكلى بيها اشكال كتيره وحلوه لتماسك قوامها

المقادير

2 كوب ذبده لينه ( فى حراره الغرفه )
3 كوب سكر بودره
فانيليا
ربع كوب حليب
نصف كوب حليب بودره (اختيارى )

أو

2 كوب ذبده
3 كوب سكر بودره
فانيليا
ربع كوب كريمه الخفق


الطريقه

نخفق الذبده جيد جدا


نضيف السكر(والحليب البودره اذا استخدمتيه ) ونخفه على سرعه منخفضه فى الأول وبعدين نزودها ونخفقها تانى كويس لغايه لونها ما يفتح

وفى الأخر نضيف الحليب او الكريمه ونخفقهم حوالى 5 دقائق تانين
وبكده تكون جاهزه للاستخدام


ملحوظه

لو عايزه الكريم شانيه متماسك يبقى الأفضل تستخدمى الكريمه البودره وقللى نسبه السائل يعنى لو كان الباكو محتاج على ما اذكر فنجان قهوه صغير ضيفى نصف بس او ثلاث ارباع يعنى لما توصلي للكثافه اللى انت عايزاها

فكره أخرى

أنا أحيانا بغلف الكيك بالكريم شانتيه وبعدين اعمل الوردات بكريمه الذبده لتماسكها

طريقه أخرى لكريمه الذبده

الطريقه انا بفضلها عن الآخرين

المقادير

1كوب ذبده لينه ( فى حراره الغرفه )
كوب شحم نباتى
2 كوب سكر بودره
فانيليا
ربع كوب حليب
نصف كوب حليب بودره





دى صوره غلاف الشحم النباتى





الطريقه

نخفق الذبده و الشحم النباتى جيد جدا








نضيف السكروالحليب البودره والفانيليا ونخفه على سرعه منخفضه فى الأول وبعدين نزودها ونخفقها تانى كويس لغايه لونها ما يفتح








وفى الأخر نضيف الحليب او الكريمه شويه شويه ونخفقهم حوالى 5 دقائق تانين
وبكده تكون جاهزه للاستخدام





ملحوظه لازم تسخدمى كريمه الذبد بعد عملها مباشره واذا اضطريتى ووضعتيها فى الثلاجه لابد من اخراجها بوقت كافى قبل العمل بها


الألوان


انا باستخدم ألوان الطعام السائله





نضيف بضع نقاط





نقلبها كويس





وبالنسبه للون البنى انا بستخدم الكاكاو البودره واقلبها كويس





ودى الألوان اللى انا عملتها






يتبع

[ya my]

مرحله التزين

تجيبي طبق مسطح للكيك ولو مش موجود عندك ممكن تجيبي اي كرتونه وقطعيها على شكل القالب اللى عندك وبعدين غطيها بورق الفويل وهاتي طبق تانى اقلبيه وحطى الكرتونه فوقه زى ما انت شايفه




حطى شويه كريمه لتثبيت الكيك على الطبق





حطي اول طبقه من الكيك وادهنيها بالعصير








وبعدين الكريمه





او الكريمه والكاسترد او المربى او اى شئ آخرحتحشى الكيكه بيه زي ما انت شايفه عشان الحشو ما تطلعش بره وتخرب شكل الكيك





وبعدين كيك وهكذا لحد ما تخلص طبقات الكيك وبعدين حطى طبقه خفيفه من الكريمه علشان لو فى فتافيت صغيره تلصق فيها وسيبيها فى الثلاجه شويه













خرجيها من الثلاجه وحطى الكريمه وسويها من فوق والجوانب بالسكين وكل شويه اغسلى السكين بماء ساخن وانتريها بس علشان تدي للكيك نعومه ولمعان











وبكده الكيك تكون جاهزه لأى شكل تحبى تعمليه

اطارات مختلفه لتزين الكيك

فى ا لاول نجيب القمع الخاص بالتزين ونجهزها بالشكل ده








وبعدين ممكن تعملى وردات صغيره وصفيهم بجوار بعض بأى جزء من الجزاء دى




او نعمل شكل الصدف بنفس الأجزاء اللى فاتتبإنك تضغطى على الكيس جامد وبعدين تسحبيه بخفه وكررى الموضوع ده لغايه ما تخلصى كل الكيك










يتبع

[ya my]

اوتعملى رقم ٤ تحت بعضه

اوعلامه استفهام تحت بعضها

او علامات استفهام عكس بعضهم يعنى تخلى احده وجهها يمين والتانيه شمال





طريقه عمل الوردات

نضع الجزء الخاص بالوردات فى كيس التزين








ونجعله بشكل عامودى




نضغط على الكيس عشان يخرج لنا شكل الورده





وبالجزء الخاص بالكتابه ( او بطرف السكين نضع نقاط صغيره صفراء فى المنتصف








وبالجزء الخاص بالكتابه نرسم بالون الاخضر باقى الورده
(انا عملتها باللون الصفر عشان اوريكم فقط)






طريقه عمل الورده البلدى

يفضل عملها بكريمه الزبد ونعملها قبل البدئ بالتزيين بوقت كافى
اول شئ احنا حنحاج الاجزاء دي







نجيب الابره الخاصه بالورد ونضع عليها قليل من الكريمه





نضع قطعه من ورق الزبده ونعمل هرم من الكريمه








نعمل ثلث لفه فى كل مره (الجزءالرفيع يكون بالأعلى )




نكمل بالشكل ده لغايه ما يكمل شكل الورده ونشيل ورقه الذبده بحرص ونضعها فى طبق ونضع الطبق فى الفريزرعشان تعرفى تضعيها على التورته كويس لما تجمد





ممكن نسبها كده وممكن نعمل حواليها ورق شجر بالجزء ده





وبكده أكون غطيت كل الا ساسيات والله أعلم


يتبع

[ya my]

كيكه الشطرنج

احنا حنحاج 4 طبقات من الكيك 2 ابيض و 2 شيكولاته
فى الاول نجيب كرتونه فاضيه ونظيفه يعنى كرتونه كورن فليكس ولا حاجه ونعمل منها ثلاث دوائر او اكثر على حسب حجم الكيك اللى عندك




نضع اول دائره على الكيك ونقطعها بالسكين على شكل الدائره





نكمل باقى الدوائر مثل الاولى ونكرر العمليه دى مع باقى طبقات الكيك
و بكده حيكون عندنا حلقات من الكيك





نجيب اول حلقه ولتكن لونها ابيض وندهن جوانبها الداخليه بالكريمه كماده لاصقه للحلقات (معذره نسيت اصور اول طبقه وابتديت بالطبقه الثانيه )





نجيب الحلقه الاصغر وتكون مختلفه اللون من اللى قبلها وندهنها بالكريمه من الداخل





نكرر العمليه دى لغايه ما نخلص الطبقه الاولى نضع طبقه خفيفه من الكريمه





نعمل الطبقه اللى فوقها خلف خلاف يعنى نبتدى المره دى بالحلقه البنى ونكمل بالنظام ده لغايه ما نخلص الاربع طبقات





لو فى حلقه انقطعت منك مش مشكله ضعيها عاى والحميها بالكريمه )





لما نخلص الاربع طبقات نغلف الكيك عادى خالص زى ما قلنا قبل كده
ونزينها بالطريقه اللى نحبها
انا هنا عملت وردات على طرف الكيك وعملت خطوط طوليه على الجوانب وده اساس اى تورته وفى النصف ارسمى او اكتبى اللى انت عايزاه وانا هنا رسمت ارنب اللى طلبوه ولادى





وبعدين جبت مبشورجوزالهند و أضفت عليه نقطتين لون اخضر وفركتهم كويس ووضعتهم حوالين الارنب كأنه عشب





ودى صورتها من الداخل









يتبع

[ya my]

كيكه القهوه

نعمل كيكه بالقهوه زي ما قلنا قبل كده
ونجيب كريمه الخفق ونضيف السكر وملعقه من النسكافيه

او ممكن تعملى كريمه الذبده بالقهوه بإضافه ملعقه من النسكافيه مع السكر عند عملها









نتبع الخطواط الاساسيه فى تزيين الكيك اللى فى اول الملف وتزينيها باى فكره تعجبك








يتبع

[ya my]

تورته سله الورد

بعد ما نجهز الكيكه ونغلفها بالكريمه وعلي فكره هى مش محتاجه طبقه كبيره من الكريمه لأن شكل السله والورد حيغطى كل شئ





والكريمه المستخدمه هنا هى كريمه الذبد لأنها سهله وثابته فى التشكيل
فى الأول نرسم خط طولى وبعدين خطوط عرضيه ويكون بينهم مسافه معقوله





نعمل خط طولى آخر








وبعدين خطوط عرضيه تملأ الفراغات





وتكملى بالشكل ده لحد ما تخلصى الكيك








نعمل برواز بالشكل اللى تحبيه
وبعدين تعملى وردات بالكريمه









يتبع

[ya my]

سله البيض

الخطواط الأساسيه مثل باقى التورتات
وخطواط السله مثل سله الورد













وبعدين نجيب جوز الهند ونضع عليه بضع قطرات من الون الأخضرونقلبه كويس





نضعه على وجه الكيك





نجيب شيكولاته على شكل البيض ونضعه فى المنتصف









يتبع

[ya my]

التورته الرخاميه

التورته دى يا دوب كلمتيييييييين وبس

نجيب اى كريمه تحبيها ونضيف لها كاكاو بودره عشان تبقى بالشيكولاته

نذوب قطعه شيكولاته خام مع قليل من الحليب
نغلف الكيك بالكريمه ونضع الشكولاته فى اى كيس بلاستيك ونقطع طرفه ونعمل خطوط على وجه الكيك




نمسح الكيك بظهر الملعقه بشكل عشوائى لغايه ما تعطينا الشكل المطلوب









يتبع