✿*وصفة متميزة*✿زى ما فى كيك بايظ ***,,,فى كمان بسكوت بايت,,,***شوفوا عملت ايه

[برنسس لك1]

يا مية اهلا وسهلا بالحبايب كلهم
والحمد لله زى ما قدرت اتصرف بكيكتى البايظه وحولتها لحاجه افضل فى الرابط ده
http://www.lakii.com/vb/showthread.php?t=537593

قدرت اتصرف فى البسكوت
مين فينا ما بيتبقاش عنده بواقى بسكوت او بتيفور
او بتيجى مره الوصفه بتبوظ
او بيعمل كوكيز للولاد والولاد بتسيبها فى أرابيزهوتكونى مستحرمه الوقفه والكلفه وتفضلى تتحايلى عليهم يمين وشمال وهم ولا هنا

المهم ده حصل معايا وانا لا اقبل الهزيمه ابدا
فجيت فى الخباثه وعملته بطريقه

المكونات

2/3 كوب بسكوت بودره
2/3 كوب شوفان وممكن تبدليها بالبسكوت
2 م ك زبده
1/4 كيلو شوكولاته مبشوره
3/4 كوب قشطه
1 صفار بيضه
اى نوع زواق ممكن فارماسيل شوكو او ملونه او جوز هند

الطريقه
لو البسكوت طرى مع مرور الوقت
ممكن تديله تحميصه فى الفرن لدقائق
وتضربيه فى الكبه مع الشوفان ليصيروا بودره
ونضع القشطه على النار الى ان تغلى وترفع من على النار ويضاف اليها الزبده وصفار البيض ويقلبوا جيدا واضيف والشوكولاته المبشوره مع التقليب والبسكوت المبشور واقلبه تانى
واكور ها وامررها فى الفارماسيل وتوضع فى الثلاجه لمده 30 د
وممكن اى بسكوت عادى زى الفيرى

وده صورة البسكوت المبشور

وده شكلها بعد ما انتهى

البسكوت القديم قعد عندى شهر
وبعد تغير الشكل والطعم وجعلته اكثر قيمه غذائه ومن غير ما يعرفوا والله ما بات لتانى يوم
واى خدمه يا نواعم
اللى عايز اى حيله من الحيل انا جاهزه

[l!Nda]

تسلمي على الفكرة حلوة

[برنسس لك1]

تسلمي على الفكرة حلوة

ميرسى حبيبه

[نور تقية]

ما شاء الله ....فكرتك جميلة و موفرة ...ما اكتر البسكوت اللى عندى و مش يتاكل ...

باذن الله هنفذها ...ربنا يبارك فيك و يجازيكى كل خير اللهم اميين

[RANDA 1959]

[- بنت الأحرار -]

رائعة
ماشاء الله عليكِ ربنا يحميكِ يارب
بالفعل راااااااائعة ولذيذة جدااااااااااااااا

[برنسس لك1]

ما شاء الله ....فكرتك جميلة و موفرة ...ما اكتر البسكوت اللى عندى و مش يتاكل ...

باذن الله هنفذها ...ربنا يبارك فيك و يجازيكى كل خير اللهم اميين

نور الله يخليكى ليا وما يحرمنى من دعواتك ابدا
وميرسى حبيبتى

[برنسس لك1]

ميرسى لمرورك حبيبتى

[برنسس لك1]

رائعة
ماشاء الله عليكِ ربنا يحميكِ يارب
بالفعل راااااااائعة ولذيذة جدااااااااااااااا

الله يخليكى بنت الاحرار
كلك ذوق حبيبتى
بس لو اعرف الكسره اللى تحت الكلمات بتجبيها منين
يا سلاااام ابعتلك علبه كوكيز معدله

[nateer]

بارك الله فيكى على الافكار الحلوه لانه عندى بسكويت عملته من فتره وكان طعمه حلو بس ما جانى هش يابس شويه والمشكله انى عملت منه كميه كبيره ومش هاين عليا ارميه فعجبتنى فكرتك وانشاء الله اجربها واستفيد منها.