اعمل ايه مع اهل جوزى
السلام عليكم ورحمه الله وبركاته بنات انهارده مشكلتى جديده لاول مره هيحصل صدام مباشر بينى وبين اهل جوزى قبل كده كانت المشاكل كلها كانت بتبقى تلميحات او تلقيحات بالكلام او تفرقه فى المعامله ربنا يشهد انى كنت بتعامل معاهم بما يرضى الله المكان اللى بيقوم فيه اهل جوزى ابعد عننا بمسافه سفر حوالى ساعه كنا ساكنين فى بيت ملاصق لهم تماما وكاننا فى بيت واحد اسكن فى شقه انا مش مرتاحه لها نفسيا لاسباب كتيره وانا طبعا لم اتمكن من العمل هناك لانها تعتبر بلد غريبه على جوزى كان مطحون فى الشغل ومع ذلك لا يكفى حتى التزماتنا الاساسيه زى السكن والماكل فقط واحتياجات طفل رضيع من حوالى شهر ونص لقينا شغل لى ولزوجى فى بلد والدتى الى حدما هيبقى افضل ان شاء الله من التانى ومن الوقت ده شقتنا مهجورة مزرنهاش غير مرتين وطبعا اتملت تراب والعفش كله اتبدهل وطبعا نقوم اقامه كامله عند والدتى حتى حفاضات ابنى هى اللى بتجيبها لاننا طبعا لسه مقبضناش طبعا انا اتخنقت واكيد امى كمان معلش طولت عليكم المشكله الوقتى انى لقيت شقه افضل من بتاعتنا وبنفس الايجار وقريبه من شغلى انا وجوزى جه جوزى يفاتحهم فى موضوع اننا لازم ننقل رفضوا بشده وثارو علينا بحجه انها شقه لقطه مش هتتعوض ده كله بس عشان هى جنبهم ويعرفوا صاحبه البيت انا مخنوقه كتير عشان اصلا الشقه انا مش مرتاحه فيها وكمان انا بعيد عن حاجتى وعفشى وشقتى بالاضافه لاننا عبء على امى بالنسبه لراى جوزى مقتنع تماما اننا لازم ننقل بس مش عايز يزعل اهله اعمل ايه
رد مع الاستدلال
الروابط المفضلة