اذا انكسرت كاسة يقال: انكسر الشر
* اذا مر حدا فوق الطفل ما بقا يطول ( انو اذا طفل صغير مسطح ما بصير حدا يمر من فوقوا ليش لان ما بعود بيطول الولد بيطلع قصير؟؟!!! و متل ما بقول المتل فشخة حية ولا فشخة بنية)
* قص الاظافر بالليل مو منيح (لا تسألو ليش ما بعرف ولا حدا بيعرف بس مو منيح و خلص )
* مراششة الميه فراق (ما بصير حدا يرش رفيقو بالمي لان بعدين بيتفرقوا )
* للي بيفوت على بيت جديد بيفوت معه عرق اخضر و مقص و مصحف و يدخل بالرجل اليمين
* اذا اجت الكندرة فوق الكندرة يعني رايحين مشوار
* اذا زحف الولد او زقزقت العصافير معناها جاينا ضيوف
* اذا كان في خناقة بيقولوا اقلبوا الصرامي لتحمى الخناقة (شماتة ) الله لا يشمت حدا فينا
* اذا رفت عيني اليمين بيكون جاينا خبر طريف
*اذا رفت عيني الشمال بيكون جاينا خبر مو منيح
* اذا حكني حاجبي معناها بدنا نستقبل حدا جاي من السفر
* و ما بصير الحمام بالليل
*واذا شفت مقص مفتوح لازم فورا تسكرو ( لانو المقص الفاتح تمو بيعمل خناق ) وما بيصير نفتح ونسكر المقص كتير كمان بيعمل خناق
*وإذا عمل العصفور تحتو على الأواعي يعني جاييكون رزقة
*و دلق القهوة رزقة
*و شرب المي بعد القهوة قلة زوء
*إذا حكني كفي اليمين معناها بدي أقبض مصاري يا عين عم اول بتضل بتحكني ايدي اليمن هههههههه
*و إذا حكني كفي اليسار معناها بدي أدفع مصاري
*و كمان في اعتقاد انو اذا البنت اول ما خلقت وطوطوها ( يعني دهنوها بدم وطواط ) ما بيعود بيطلعلها شعر بجسمها أبداً
*و كمان يلي حامل بصبي بتتباشع :
*و ببنت بتحلا:
*و كمان إذا حدا صبلك شاي او قهوة وملى الفنجان كتير بكون قلبوه مليان منك واذا صبها ناقصة هدا دليل على انو هالشخص ناقص
*واذا عندك ضيف اتقيل دم وبدك يروح من عندك على السريع شك دبووس او عدة دبابيس بأيد المقشة
*واذا خايف من عين اتصيبك جيب ورقة واكتب عليها اسم الشخص الي خايف من عينو وغزها بالدبوس وتقول من عين افلان و تنفخ
*والي بعد النجوم بيطلعلو تالولات بايدو
*يلي بيطلع أو بيسافر وما بدك منو يرجع أبداً بتكسير وراه جرة
أبو يامن
رد مع الاستدلال
كتبت بواسطة د. محمد
الروابط المفضلة