سؤال عن حروف المد والحروف الممدوده ياريت مدرسات اللغه العربيه بالذات يفيدونى

[smsmy]

السلام عليكم ورحمة الله
انا كنت فاكره نفسى من جهابزة اللغه العربيه لان دراجاتى لحد الكليه كانت ماشاء الله قريبه من النهائيه
ولكن صراحه النهارده اتهزت ثقتى دى والظاهر انى كنت واخده فى نفسى قلم على الفاضى وانى صفر على الشمال
مدرسة بنتى النهارده كانت بتشرحلها حروف المد
وسمعتها بتقولها حرف المد فى كلمة شارع ايه البت بثقه زى امها قالت الالف
قالتلها وفين الحرف الممدود برضه بثقه قالتلها الالف
قالتلها لا الحرف الممدود الشين
انا صراحه ثقتى اتهزت فى المدرسه مش فى نفسى ازاى حرف الشين ده يادوب عليه فتحه ولا مدناه ولاحاجه
عملت سيرش على الموضوع فى النت قبل مااناقشها وافضح جهلى لقيت الموضوع الظاهر كده فعلا
وفيه بيت شعر لتعليم الاطفال
بيقول
قبل المد يامحمود ياتى الحرف الممدود
ياجماعه ياريت حد يفيدنى اصدق مين مدرساتى على مر اعوام الدراسه ولا محمود
يعنى حرف المد غير الحرف الممدود؟؟؟؟؟؟؟؟؟؟؟؟؟
وياريت بشوية شرح لانى مخى صدا متخرجه بقالى 8 سنين

[≈ احـتِـوٍآءْ ≈]

الحرف الممدود فعلا حرف الشين حبيبتي

لكن حرف المد هوا الألف

وكلام مدرسة بنتك صح الصح


ومتزعليش نفسك أكيد غلطة مدرستك انتي فضلت مأثرة معاكي

وخلى بالك من الفرق

الحرف الممدود ش

حرف المد الألف

[$ شعاع الفجر $]

حروف المد هي :
الالف والواو والياء فقط

والحرف الممدود اللي يكون قبل حرف المد

وبالفعل الحرف الممدود هو حرف الشين وعليه فتحه لان حرف المد هو الالف

واذا كان حرف المد هو الالف لازم يكون على الحرف اللي قبله فتحه ( اللي هو الممدود )
واذا كان حرف المد هو الواو لازم يكون على الحرف اللي قبله ضمه (اللي هو الممدود)
واذا كان حرف المد هو الياء لازم يكون على الحرف اللي قبله كسره (اللي هو الحرف الممدود )

اذا وجد على احرف المد اي علامة تشكيل فلا يعتبر حرف مد

اتمنى تكوني فهمتي كتبت على عجل

وبالفعل احنا مادرسنا كذا عرفنا حروف المد وبس
وهالشي ماعرفته الا السنه اللي راح من ولدي لانه كان بصف اول واستاذه الله يجزاه خير كتب لهم ملخص في هالشي

[QuEeN]

غاليتي ...

كلام المعلمة صحيح 100%

فحروف المد هي ( الالف و الياء و الواو)

والحرف السابق لها هو الممدود...

[smsmy]

[QUOTE=عهد الأماني;9925481]

الحرف الممدود فعلا حرف الشين حبيبتي

لكن حرف المد هوا الألف

وكلام مدرسة بنتك صح الصح

ومتزعليش نفسك أكيد غلطة مدرستك انتي فضلت مأثرة معاكي

تسلمى ياعهد على التوضيح
مش متخيله ازاى واحد ممكن يتعلم معلومه خطا ويكبر ويتخرج من الجامعه وهى معاه
الغريب انى سالت كذا حد فى العيله تعليم عالى ماشاء الله وطلعو نفس خيبتى وسخرو من المدرسه وماتو من الضحك عليها

الحمد لله انى سالتكو الاول قبل مااناقش الدرسه كان شكلى هيبقى وحش اوى

[smsmy]

حروف المد هي :
الالف والواو والياء فقط

والحرف الممدود اللي يكون قبل حرف المد

وبالفعل الحرف الممدود هو حرف الشين وعليه فتحه لان حرف المد هو الالف

واذا كان حرف المد هو الالف لازم يكون على الحرف اللي قبله فتحه ( اللي هو الممدود )
واذا كان حرف المد هو الواو لازم يكون على الحرف اللي قبله ضمه (اللي هو الممدود)
واذا كان حرف المد هو الياء لازم يكون على الحرف اللي قبله كسره (اللي هو الحرف الممدود )

اذا وجد على احرف المد اي علامة تشكيل فلا يعتبر حرف مد

اتمنى تكوني فهمتي كتبت على عجل

وبالفعل احنا مادرسنا كذا عرفنا حروف المد وبس
وهالشي ماعرفته الا السنه اللي راح من ولدي لانه كان بصف اول واستاذه الله يجزاه خير كتب لهم ملخص في هالشي

جزاكى الله خيرا ياشعاع على الشرح الوافى وربنا يكتر من امثال المدرسين دول المتمكنين من موادهم

[smsmy]

جزاكى الله خيرا يااحلى كوين
نورتى الصفحه ياقمر
وكده الموضوع وضح

[smsmy]

كده الموضوع اصبح واضح جدا الحمد لله
وجزاهن الله خيرا كل البنات الللى ساعدونى
وياريت الاخت المشرفه تغلق الموضوع مشكورة علشان نتيح الفرصه لمواضيع اهم