اكشن .. حدث .. موقف .. فاجعه .. مفااجأه .. ضحك .. بكا .. اللي تبوون

[المغتربه..]

هلا بنااااااااااااااااات ... وش اخباركم يالغالين ..

في ببالي سالفه من اول ودي اكتبها ..

وش رايكم كل وحده تقوول وشو اقوى حدث صاار بحياتها ..

مفرح .. محزن .. مضحك .. اي شي .. بس انه يكون .. ااااكشن يعني .. وماتنسااااه ابد ..

طيب ؟

ان شالله تكون عجبتكم السالفه ..

انا بابدا ..




بعد ماتزوجت .. رحت امريكا من ثاني اسبووع .. .. ومامداني اقعد شهر الا حملت ..


يعني زواج + غربه + حمل = وااااااااااااااااااااااااااااااااااااااااااااااااا اااااااااه ..


بس الحمدلله ..

كملت 8 شهور وجينا بنرجع للسعوديه عشان اوولد عند امي .

وصلت السعوديه الخميس .. طيب .. خميس .. جمعه .. سبت .. احد .. اثنين ..


الثلاثـــــــــــــاااء وهذا هو اليوم !!!!


كان لي يومين بالتاسع .. رحت انا وزوجي بعد صلاة الفجر ,, ناخذ عمره .. كانت عمره سهله والحرم كان فاضي

لان العالم كلهت دواام ودراسه

خلصنا والحمدلله .


وحنا راجعين بالطريق .. الخط السريع .. سرعه 120 ..

فرملت السياره اللي قداامنا فجأه !!


جا زوجي يبغى يتفادا التصادم .. مال بالسياره يمين .. جينا نبي نطيح بالتراااب من الميله .. رجع ماال يساار

حاست السيااره و .. انقلبت .. .. ما اعرف كم قلبه .. لكن اللي اعرفه .. اني بعد ماحسيت بالميلان..


قمت اصرخ واقول : لااااااااااا لااااااااا البيبي .. البيبي . البيبي .. !!!

ورفعت رجولي بكل قوتي ولميتها على بطني

عشان لا يجي للبيبي .. شي .. !


وبعد ما انقلبت السياره وخلصت ..


لقيت نفسي طاايحه بمكان رجولي .. ورجولي معكفه .. وحالتها حااااااااله ..


زوجي ماشالله ماجاه شي ,, كان رابط الحزام .. وانا ماكنت رابطه ..

ساقي اليمن انكسر كسر مضاااعف وطلعت العضمه على برا وتقطع اللحم برجلي ..وانعدمت مره وحده ..

ساقي اليسار انكسر بعد كسر مضااعف .. واتقطع اللحم

فخذي اليمين .. انكسر ببدايته .. ونهايته .. كسرين ..

نقلوني بالاسعاف على المستشفى .. ( الحرس الوطني بجده )


شيكوا على البيبي .. الحمد لله سليم .. ونقلوني على طول غرفة العمليات طلعوا البيبي .. وبدوا يشتغلون برجولي ..

جلست بغرفة العمليات من الساعه 11 الظهر الى الساعه 9 بالليل

وبعدها نقلوني العناية المركزة جلست فيها ثلاث أيام ..

بعدين نقلوني لغرفة خاصة بالمستشفى جلست فيها منومه .. 3 شهور .. سويت خلال هالفترة 13 عمليه ..


مرت علي أياااااااااااااااام .. كنت اشوف الموت باليوم عشراات المرات .. عمري كله مر بلحظه قدامي !!

كانت أمي بعد قلبي مرافقة معاي طوال هالفترة .. تشيل رجولي بنفسها للدكاترة عشان يعالجوها .. هي تلبسني وهي تغيرلي
وفوق ذا كله هي مهتمة بولدي لأني رفضت أحد ياخذه وأصريت يبقى معاي بالمستشفى

بذيك الفترة حسيت اني رجعت طفلة صغيييييييرة جمب أمي .. وحسيت فعلا بشعور الأطفال المتعلقين بأمهاتهم

الحمدلله على كل حال ..


جلست على الكرسي المتحرك .. 6 شهوور .. وبالعكااز .. سنتين ..

مرت على السالفه ,, سنتين و5 شهوور ..

لازالت لعاني للحين ببعض الاالاااام .... ما اقدر امشي مسااافاات طوويييله .. وزي كذا


لكني الحمد لله احسن من اووول بكثييييييييييييير ..




هذا اكبر ااكشن بحياتي .. طبعا طبعا .. مستحيييييييييل انساه .. لان اثاره اشوفها قدامي كل يوم ..

اتمنى انه تكون مواقفكم اهون بكثير مني .

اخيرا ,, ادعولي واللي يسلمكم ان ربي يتتم عافيتي بسرعه ..



ويالله هاتوا اللي عندكم..

[waooma100]

ياعمري ماجوره على اللي شفتيه بصراحه ضيقتي صدري عليك

[waooma100]

السلام عليكم ورحمة الله وبركاته
راح ابعد الحزن اللي سمعتوه من المغتربه واضحكم

اول مابديت اتعلم لبس العبايه ^^^^
كانت امي لسى والده بالمستشفى ومسويه حرمه وقتها

رحت مع البابا ازورها وطلعنا بالاصنصير وكان معانا كذا شخص

والوالده كانت بالدور 3
السستر طلعة بالدور الاول فطلعت معها فسحبني الوالد ورجال طلع بالدور الثاني وطلعت معه وسحبني الوالد
بعد ماوصلنا جو اولاد خالتي وقلت بروح السياره قالى كبرت فنزلت بالمخازن والله لايوريك فطلعني واحد سعودي والله لايوريك

[فرولاية جده]

ياحياتي المغتربه هذا كله حصل لك لكن الحمد لله على كل حال والحمد لله على سلامتك
وما تشوفي شر


اما انا صار لي اكشن يوم 14/3/2004واحنا اللحين في شهر 10/2004

يعني اللحين كملت 7 شهور

والاكشن الي حصل لي قريب من اكشن المغتربه لكن اهون شوي




الي حصل كنت رايحه الجامعه في ذاك اليوم وكانت محاضرتي تبدأ 6 المغرب وكانت Eوالاستاذه ما ماكنت فاهمه على شرحها فقلت بقدم المحاضره على الساعه 2ونص الظهر
المهم ركبت السياره وانا بالخط السريع وفجأه السياره الي قدامنا تفرمل والسواق فرمل بس للاسف السياره الي ورا ورانا هي الي ما وقفت وصدمت فينا يعني صرنا 4 سيارات وحده قدامنا و2 ورانا والاخريره هي الي صدمت


المهم انا ماحسيت بنفسي غير وانا جمب السواق لان سيارتنا بريفيا اذا تعرفوها فهي مفتوحه من النص

ما عرفت ايش اسوي الجوال كان على عبي"فخضي"
المهم طار قدام وطبعا انا ما كنت رابطه الحزام عشان كذا طرت
المهم ادور على الجوال وانا مزنوقه وما ادري عن نفسي ادق على بابي ما يرد في اجتماع
قلت مافي الامامي المسكينه افجعها
واتصل على جوالها وترد اختي المسكينه
قمت اقولها سويت حادث وعيوني انفقعت
قامت تصرخ فيني تقول اتكلمي عدل
قلت لها والله هذا الي صار وين بابي مايرد

طبعا سارت حاله في البيت مامي صارت تتصل على مكتب بابي وتحط اي تحويله عشان يرد عليها اي احد ويحاول يبلغ بابي


لا والمضحك انا ماماي كانت في المطبخ مسويه سمكتين كبيره


المهم
دقت على عمي عبال ما يلاقون بابي

وانا في اسياره اصرخ لهم واقول لهم جيبو لي اسعاف انا عيني مفقوعه


يوم جا الاسعاف قلت بنتظر بابي ولا عمي ما اركب معاكم لوحدي "وكنت انا والسواق والشغاله
جاء الدكتور الي في الاسعاف يوقلي افتحي عينك شايفنتي صح
اقوله ايه يقول يصير عينك ما انفعت اقله الا

المهم يوم جيت اطلع السياره طلعت برجلي يعني الحمد لله ما احتجت سريرهم


يوم جو يودوني على المستشفى قال راح نوديك المخفر"اانا من الاسم انجنيت قلت ما راح انزل مخفركم وديني على التخصصي لان هذي المستشفى الي اتعالج فيها


بابي ذيك الساعه عرف وسوى اتصالاته الله يجزاها خير وخلاهم يودوني على التخصصي



يو رحت الحمد لله ماكانت الحاله خطيره جدا
بس وجهي من الناحيه اليمين كله منفخ من العين والانف والشفايف حاله ما يعلم فيها الارب العباد"لو تعرفون المذيعه السعوديه الي زوجها ضربها الي اسمها(رانيا الباز)"مثلها هي كل وجهها انا بس الجهه اليمنى


من يوم ما وصلت المستشفى من الساعه2 ونص الى الساعه 9بالليل وانا كله اشعاااااااااااااااااات


نمت بالمستشفى يومين وبعجين طلعت على البيت


بس الحمد لله كانت حاليت ماتسر بس والله اني حمت ربي انها جات على كذا

لانهم قالوا احتمال يكون في كسر تحت العين وتحاتجين عمليه نحط لك حديده تحت عينك تمنع سقوط عينك على تحت


تخيلوا ما كنت انام الليل ولا الصبح كله افكر لو تمدت وتطيح عيني



والله للان انا عندي الوهم هذا لو تشوفوا انا على مخدتين
ان اخواني طلعو دباب بري في الاجازه ما طلعت معاهم اخاف
لان الدكتوره قالت لي 6 شهور ما تنطي ولا تركبي اي شي خطر


بس الحمد لله ابشركم اني اللحين احسن من اول وبخير




ادري طولت عليكم
بس المغتربه الله يهديها فتحت لي جرحي الي ما التأم


لكن الحمد لله على كل حال


واشكرك اختي المغتربه على انك خليتيني اطلع لكم كل الي بقلبي مع اني ماكنت افكر اني بيوم اكتبه لكم عشان ما تقلقون علي









لحد يكرهني لاني طووووووووووووولت عليكم

[فرولاية جده]

بنات حبيت اقول لكم شي يضحك وينرفز في نفس الوقت

بعد ما عرفوا اهل امي وهم بالخبر طبعا وخالتي في الرياض
قام زوج خالتي يدق على السواق يقوله الحمد لله على السلامه
طبعا السواق ما صار فيه شي لانه كان رابط الحزام
اما الشغاله انقشت فقشه صغيره براسها

قام السواق يقوله "الحمد لله انكتب لنا عمر جديد"

السواق مصري
انا اول ما سمعت انه قال كذا مت على نفسي من اضحك


ويا بنات نصيحه مني كل وحده تركب السياره تربط الحزام
سوو مثلي قبل ما ينقفل بابا السياره انا اكون ربطت الحزام واوا ما ينشال المفتاح من السياره انا افك الحزام

صار عندي عقده
وازيدكم من الشعر بيت
صرت اراقب كل السيارات الي تمشي من جمبنا وقلبي يدق بقوه واخبط على فخض الي جمبي واقولهم راح يدخل فينا


ساروا يسموني المجنونه من كثر ما جننتهم



وسلامتكم

[^حزن الكون^]

يسلموو المغتربه علي الموضوع الحلوو كثير

وزعلتيني بقصتك انتي وفراوله وما تشووفو شررر والف سلامه عليكم حبيباتي

يالله انا بقولكم قصتي ماادري هي اضحك او تبكي بس سمعو وابي ردد عليها

حتا عاداتنا في الزاج قبل العرس يكون فيه حنا اوكي

لمي رحت لكوفيرا الله لا يسامحها والله جلستني ساعه تقولي ماتقدر تسوي تسريحه الي لمي تشوف شكل الفسان اشلون وفستنان كنت اطر عمتي تجيبه ولمي جت عمتي ومعها الفستان طلعت الكوفيرا ماتعرف تسوي شي رفعت شعري لفوق وحطت البكل الي انا جايبتهم معي وقالت لي هذه تسريحه لين فكروو المعازيم انه انا الي سويتها ولو تشوفو دفعت مبلغ وقدره وطلعت شينه مرره بس يالله عد هذا اليوم قلت بعوضها في العرس

وحجزت في اغلي صالون واحلي صالون

بس

بس الي ماله حظ لا يتعب ولا يشقي

طلعت اليوم ذاك كله عروسات ممره ادي الي اني انطر علي الدور الي اجا دوري بس بعد شنو بعد ما مر ساعه علي عرسي يعني انا كانت القاعه من الساعه 6 م الي 8جت الساعه 6:30م وانا بعدني مو جاهزه لا مكياج ولا شعر
وجا المعازيم والعرس بدا والعروس مو موجوده والجوالات ترن وتقولي تعالي يالله مافي وقت وابوي بصيح وامي تبكي وانا ابكي اقولها يالله سوي شعري تقولي في قبلك علي الموعد لين جا دوري ومافي تسريحه غطيتها في الطرحه والمكياج يمكن طلع عدل اشوي ورحت علي القاعه بعد مامرت ساعه علي عرسي ونص في الطريق بين بيتنا والقاعه والصالون يعني راح اليوم وانا ماحضرت عرسي ههههههه

لكن قولت لا والف لا رح اسوي حفله وافرح عليها غير عرسي واعمل احلي مكياج والبس احلي فستان لكن بعد العرس يعني مباركه لمي يجو الناس يباركو للعروس
بس

لكن اي مباركه اخو زوجي عمل حادث في السياره ودخلوه الانعاش وجلس فيه شهرر وطارت فرحتي وبدل ما الناس يجو يباركولي يجو يقولو ن حمد لله علي السلامه ومادري اذا قالو وجهي مو زين عليهم انا ما سمعت لكن اكيد قالو وجلس احمد ربي انه تشافا وقام

و طارت فرحتي المباركه في حادث اخو زوجي

قولت لا والف لا بعوضها لمي ارد من السفر من شهر العسل

وفعلا سافرت بعد كم شهر من عرسي ورديت لاعمل احلي حفله واسوي احلي تسريحا
بس
بس ابوي جالته جلطه في يوم وصلولي وجلس شهر في المستشفي بين عمليات وانعاش لين الحمد لله قام

وبعديها مافكرت اسوي حفلات لانيتشائمت من فرحاتي وغير كذا تغربت واتهي المناسبات عندي

ويقولون في المثل الي ماله حظ لا يسعي ولا يشقي

ها شونو رايكم صحيح اني طلع زوجي ماشالله عليه ربي يحميه من كل سوووءو صارلي مده متزوجه وللحين زعلانه علي عرسي

وان شالله مااكون طولت عليكم

[المغتربه..]

الحمدلله على سلامتك فوفو ..

وانا معك بعد اقووول.. اربطوا الحزااااااااااااااااااااااام يابناااات .... ولاتخلون اللي يسوقبكم يسرع

الله يحميكم من كل شر ..

حزن الكون يالغاليه .. والله ضحكتيني ..

بس يالله معوضه يااارب .. .. وان شالله الافرااح كثير .. يارب تستانسين ..

حتى لو تعوضينها بعرس بنتك ..

[فرولاية جده]

يا حياتي الله يهنيك ويعوضك انشاء الله خير

بصراحه لا تعليق فيه المضحك وفيه المحزن وفي المبكي وفيه جميع الانواع
فيه الوناسه وفيه كل شي ممكن تتوقعيه
لكن اتمنى لك انك تعوضينها وتفرحي بعيالك

هن جد عشان كذا اسمك "حزن الكون " ولا انا مزودتها


الله يسامحك حبيبتي المغتربه بدأتي تقلبي المواجع علينا بس مومشكله عشان الواحد يطلع الي في نفسه

جزيتي كل الخير

[المغتربه..]

ياعمري يافوفو .. يالله معليش .. فضفضي .. حنا مالنا اللا بعض

الله لايجيب الشر لاي احد منا ..

[فرولاية جده]

آمين يارب


بنات تدرون ايش قالي الدكتور

قالي شفتي لو مارحتي الجامعه ما كان صار الي صار
تدرونوانا بحالتي هذيك

رديت عليه قلت له الحمد لله على كل حال
بس ايش قهرني كان ودي اضربه اسوي فيه اي شي