السلام عليكم ورحمة الله وبركاته

شلونكم ياحبيباتي وش أخبااركم ..
تخيلوا أنكم أمهاات !!
أنا عن نفسي ماراح أتخيل لأني أصلا ( أم )
بس رح أتخيل وياكم إن عندنا بنات كباااااار !!

يعني بنات حلوات بسن المراهقه !

شلون راح نتعامل معاهم ؟

أولا : من ناحية الجوال
.. هل في يوم لو ربي رزقك ببنت حلوه وكبرت وصارت بسن المراهقه يعني من 14 ل 20 أو لييين ماتتزوجح .. من غير تحديد عمر .. هل راح تسلمينها جوال بإيدها ؟؟ يكون لها ملكها ؟؟؟

أنا قلكم رايي :
مستحيييييييل !!

إي نعم .. مستحيل أسلّـم بنتي جوال بإيدها وملكها .. لو تفرفر قدامي ! السالفه مو سالفة ثقه ولاّ غير ثقه ..

لا .. الشيطان شاااطر .. والدنيا تخووووف !! والبلاوي كل مالها تكثر .. والزمان الجاي بعد بيكون أصعب .. وكل شي ينذر بالخطر .. وأنا أحب بنتي وأخاف عليها ..
>>>> وحده مصدقه إن عندها بنت !! ههههههههههههههههه

وإن كان على سالفة ضروري ولا مو ضروري ..
الضروري هذا رح يكون معدوود .. وهالمرات المعدودة .. ممكن أعطيها جوالي ولا جوال أبوها ..
ووقت مايخلص هالضروري يرجع الجوال !

أنا هذا رايي بالنسبه للجوال ..


::


الشي الثاني : الانترنت :
نفس الشي مع بنتك .. هل راح تخلين بغرفتها كامبيوتر وانترنت !!
ولاّ تخلينها تقعد على الانترنت ساعات وساعات وإنتي مو داريه وش تسوي !!
كل مافي السالفه إنك واثقه فيها وبس !

أقلكم رايي :
مستحييييييل أخلي انترنت بغرفة بنتي ..
(( بتقولون الله يعين بناتك بتعقدينهم ))

بقـول : ماعلينا .. لا انشالله مو متعقدين لأني بعـوّضهم .. وبعد شوي بقلكم شلون بعوضهم ..

المهم إني ماراح أخلي انترنت بالغرفه .. ممكن كامبيوتر .. إيه .. تحوس فيه وتخبط فيه الليل والنهار ..
أنا صراحه كان عندي كامبيوتر بغرفتي .. كنت أستفيييييييد مررررره منه ومن البرامج
وكنت أعشق الوورد أحوس فيه وأكتب وأطبع ..

أما الانترنت .. رح يكون موجود أكيد ببيتي لأني أنا وزوجي نحتاجه .. وراح يكون بالصاله ..
قدام الرايح والجاي والمار والقاعد وأمام عيون الجميييع ..

تقولي مو مرتاحه .. منزعجه ..
أقلها : عساك ماقعدتي .. قومي أجل لا تشغلين الخط !

برضه لنفس الأسباب :
الانترنت بحير عمييق .. لا والله محيط .. وإحنا كالسفن فيه .. وأنا ما أضمن بنتي تجيد التجديف بالمحيط !! ..
وحتى لو كانت فنانه تجديف .. ماأضمن الأمواج القوية ولاّ العواصف البحرية

هذي الأشياء ما يقدر عليها أكبر قااائد سفن!!
وياما بالانترنت .. أمواااج وعواصف شرية مخيفة !!!

ووالله أخاف على بنتي تظيع مني ..
(( قلتلكم وحده مصدقه ))



::



الشي الثالث : الصديقات
هل ستسمحين لبنتك تروح وتجي مع صديقاتها زي ماتبي !!

نتوقف شوي عند هذي النقطه :
أنا عن نفسي عندي صنفين من الصديقات من أولى ابتدائي ..
وأمهاتنا تعرفوا على بعض من أيام التسجيل في المدرسه ..وآبائنا نفس الشي جمعت بينهم الأيام وتعارفوا ..

صديقاتي ذولا بس .. هم اللي كانوا أهلي يسمحونلي أروحلهم دااايم .. وكانوا أحيانا يوافقون نطلع سوا شرط إذا كانت فيه أم مرافقتنا بالطلعه ..

أما صديقات الصنف الثاني : جمعت بيننا ظروف ومواقف ..
أنا لا أُنكر إن أهلي كذلك كانوا يسمحولي بالذهاب اليهم .. ولكن ليس بكثره مثل صديقات الطفوله !!

وأنا لما أقول كثره أقصد اسبوعيا ..!!!!!

والحمدلله ربي حمانا وحفظنا من أي مكروه وبلاوي

أما أنا وش بسوي مع بنتي ..
رح آخذ من اللي كانوا يسوونه أهلي معي مع الصنفين من الصديقات ..
يعني رح آخذ من الصنف الأول : إنها ماتروح إلا لصديقات أنا أعرف أمهاتهم زييييين وأهلهم وبيئتهم وتصرفاتهم ودينهم وأخلاقهم وووووووو الخ

ومن الصنف الثاني : إنها تزورهم لكن مو بكثره !!

ودي أعوّد بنتي تركد بالبيت .. لاتسير زي أمها مصفوقه .. ما أقدر أقعد أسبوع على بعضه بالبيت إلا أمرض !!
وأعصب وشوي وأنتحر .. (( مبالغه ترا ))

غير على إني أبيها تحس بطعم الطلعه وتستانس ..
والله أنا كثر ما أطلع صرت أمل يسرعه وأطفش

وأبيها بعد تحت عيني ومعي وتتعـوّد إنها تطلع مع أمّها أكثر شي ..

هــــــذا رايــــــــــي ..

::


نجي لكيـف أعوّضها :

أولا : من ناحية اللبس
تلبس إلّي تبي وبأي مكان .. إيه .. أنا ما أشوف إن فيها شي .. لو وش تبي تلبس .. أهم شي مايخاف شرع الله !
أنا أمي كانت ماتخلينا نشري لبس لين نحلل الّي عندنا ..
أنا لا والله بخليها تلبس وتجدد وتكشخ وتجخ قدام الكل زي ماتبي .. أبي الكل يمدح لبسها ويتأمل كشختها وجمالها

ثانيـا : المكياج
أنا أشوف إنه عادي .. يعني بنتي عمرها 14 سنه تحط مكياج
.. عـــــــــادي ..
أنا ماراح أناديها وأحطلها ..
لا بس لو هي اشتهت .. ماعندي أي مااانع .. مادام مافيه شي يخالف شرع الله ولا يأثر على أخلاقها ودينها .. خلّيها تتعـوّد على الزين من صغـرها .. ومليـان مكياجات خاصة بالأطفال الحين ولبشرتهم

ثالثـا : الصديقات
بخليها تعزم صديقاتها بالبيت .. تسوي حفلات بالبيت .. وبالعكس يمكن أزبطلها البيت أحسن من إن لو بيجيني ناس لي أنا !!
وبجبلها كيكه من أحسن محل وأبسطها بالّي تبي يوم الحفله !
وأفتحلها أجمل صالون بالبيت تستقبل فيه صديقاتها ..

يعني شغلات زي كذا .. بس أكون داريه عنها وأمام نظري!!


هذه هي أراائــــــي ... ويالله هاتوا آراااائكــــــــم ..
خلونا نتناقش يمكن يكون كلامي فيه شي غلط .. وأستفيد منكم

::


أمي يانبض قلبي ,, أبي ياتاج رأسي ,, زوجي ياسندي وفخري