عجينه فطاير ما تخمر ابدا ابدا اعجنيها وحشيها ودخليها الفرن

[lamya]

بنات هذه العجينة اخذتها من اخت ام سارة من منتدى عالم حواء

و خواتي صدقوني هذه العجينة اكثر من الرائع روووووووووعة بمعنى الكلمة و جربت معاها كذا انواع الفطاير و معجنات حلوة و بيتزا و تقريباً كل شيء و ضبطت معاي من اول مرة و احلى شيء في الموضوع ما تحتاج تخمير سوي و احشي و على طول بالفرن

و حبيت تستفيدون و اقول لأخت ام سارة شكراً من كل قلبي لانها ريحتني من تجربة كل مرة طريقة ساعات تضبط و ساعات لا


المقادير00
في خلاط الطماط (بيالة زيت+ثلاث ملاعق اكل حليب بودر+ثلاث ملاعق سكر+2 ملعقه خميره فوريه+واحد كاس طحين انا حطيت الطحين الكويتي لكن حسب المتوفر عندك+1ونص كاس ماء ويفضل دافى )
هذا كله في الخلاط يخلط منن 7 الى 10 دقائق وهنا السر يعني لازم من 7 دقايق وفوق مو اقل بعدين اذا خلط طلعيه من الخلط وحطي عليه 2 كاس طحين وعجنها حتى تتكون لك عجينة فطاير وعلطول احشيها ودخليها بالفرن
وهي تصلح للبيتزا والفطاير والخليه
جربوها وراح تدعون لي

جزاج الله الف خير


و فعلاً السر في دقايق الخلط

و اتمنى الكل يستفيد

[بنبونة]

السلام عليكم ورحمة الله وبركاته
تسلمى يا lamya باين عليها حلوة
لكن قولى لى العجينة فى الخلاط مش بتكون ثقيلة عليه
لإنى دائما أعجن بيدى أو فى عجان لكن الخلاط لم أجربه
و شكرا لك

[lamya]

وعليكم السلام ورحمة الله وبركاته

لا عزيزتي ما تكون ثقيلة اذا حطيتي المقادير مثل ما هو بالعكس تكون سائلة و لانج تخلطينها وايد بتكون حارة نوعاً ما

[lanloon]

يسلموا ايديكِ حبيبتي و احنا دائما بانتظارك مزيدك يا غاليه

[رائعة لكِ]

الف الف شكــــر ..

[لبلبة]

صحيح باين عليها سهلة مرة

تسلم يدك


تستاهل التجربة.