السلام عليكم ورحمة الله وبركاته

اخبـــاركم بنااات .. جــاي ببالي ابي كل وحده تحكي شلون كان اللقــاء بينها وبين اهلهاا يوم رجعت من السفر !

انا توني مابعد رحت وانشالله بروح بعد 4 شهوور الله يعديها بسرررعه

بس بحكيكم على اللقااء اللي كان يوم ارجع من امريكا بعد ما تزوجت ورحت وانا عروسه وجيتهم بعد 9 شهوور وهذي كانت اول سنه غربه ...

اوووووووكي

الجيـه كانت مفـاجأة !! محد يدري الا ابوي واختي الكبيره ! ويوم وصلت المطار العصر جاني ابوي وسلم علي هنـاك ولأن اهل زوجي طلعولنا المطار استحيت صراحه وقالي ابوي خلاص روحي معاهم وانا اجي ااخذك المغرب !

ورحت وجا ابوي اخذني المغرب وحنـا بالطريق لبيت اهلي قلبي يدق بقوووووووه . ااه اخيرا بشوفك يمه ياحبيبتي .. وبشوف خواتي ...

شلت هم امي تنفجع وتتعب ! قلت لابوي وش ريك تكلمها تقولها اني انا بالطريق !
دق ابوي عليها وقالها جهزي العصير والعشا معاي ضيف !

قالت امي اي ضيف الله يهديك .. توك تقولي الحين .. تعبانه انا ومالي خلق ..

قالها ابوي حتى لو كانا لضيف هو بنتك ............ !!

وياعمري اسمع صيااحهاا من ورا السمااعه ! وكنا وصلنا لعند الباب ..

واحلى شي ان اختي الكبيره كانت تصور امي بالكاميرا وهي تكلم ابوي من غير ماتدري عشان توريني رد فعلها

اااااااااااااه ودخلت .. اخواني الصغاار كانوا بالحوش نطوا علي اثنينهم .. تخيلوا كل الاثنين شايلتهم اناا !

وخواتي عند البــاب مدري اسلم على مين ولا احظن مين ...
وخروا انتم ما ابيكم وينها وينها امي ..

ودخلت من عند الباب .. وشفتهاا !!
يا نظر عيني انتي يا يمه

ركضت ونطيت عليها بغيت اطيح انا وهي واسمعي صيااحنا اللي وصل عند الجيراان وكل شوي امي توخر تطالع بوجهي وترجع تحظني بعدين توخر تطالع وتمسك بطني وترجع تحظني .. لاني جيتهم وانا بالشهر الثامن ..

وتخيلوا اختي الكبيره طول الوقت الكاميرا بايدها تصور الاحدااث ... تحظني وتصورني ..
ههههههههههههه

ياحياتي والله كان يوم راائع اذكر اني ماقمت من جمب امي ابد .. حتى النووم نمت جمبها بالغرفه وطردناا ابوي عند اخواني



ههههههه

يالله يــارب انك تعجل بيوم اللقااااء واشوفك ياغلاتي يايمه

يالله اللي بعــدي