السلام عليكم
تونا بانيين بيت يديد والحين احنا بمرحلة اختيار الالوان
والصراحة وايد محتارة باختيارهم قلت بشاور خواتي بالمنتدى (ما خاب من استشار) واللي عندها خبرة أو اي شي
بالنسبة لي
اخترت اللون الفستقي حق مجلس الحريم(405*505) المجلس مسكر يعني مو مفتوح
البيج مع جدار حجر حق الصالة (جدار حجر مع تصميم مدفأة من جبس وبتكون اطار حق تلفزيون) انشالله فهمتوا الفكرة (بعد الصالة مسكرة بباب سحاب 6*5020)
لون غرفة النوم بيج وجدار واحد بيكون أحمر عنابي طبعا هذا الجدار فيه ستارة وبيكون خلف السرير((405*505)
أنا بعد مسوية ملحق غرفة صغيرة داخل غرفتي (205*5) وناوية أخليها حق بناتي الصغار 3 سنوات وسنة ونص وبعد أبا اقتراحاتكم باختيار الوان مع اني ناوية اصبغها وردي فاتح وغامق وبيكون في فاصل أو بوردر عرضي ( لا اتقولوا الغرفة وايد صغيرة هي ترى بس مؤقتة الين يكبرون وبعدين بطلعهم بالغرف برع وطبعا اوسع بس الحين بعدهم كتاكيت اصغار لازم يرقدون جريب حضن امهم
وطبعا باقي الوان البيت بيكون من درجات البيج لأني أحب الألوان الهادية مع بوردر جبس بيكون نفس لون الباب خشبي
الحين اشرايكم بذوقي وهل عندكم اي اقتراحات أو اضافات وشكرا
الروابط المفضلة