اللي تحب فعل الخير تساعدني بأفكارها وبسرعه

[تلوله]

السلام عليكم
انا محتاره ياناس في بيتي المشكله اثاثي كله غالي ولكن مو عارفه انسق البيت نبدا من المجلس عندي مجلسين الاول كنب امريكي اصفر ومعاه طقم اشتريته من عالم الروائع فيه ثلاث طاولات جبسيه على شكل زهر دوار الشمس وفوقها زجاج ومعاها زي المكتبه من الاطراف عامودين جبس بها هذه الازهار ويوصل بين العمودي رفين زجاج ايش ممكن احط على هذي الرفين من اكسسوارات كمان الطاولات تضايقني لانها كبير وثقيله يعني لوجاني ضيف صعب اسحبها قريب منه وانا مو حابه انها تكون طاولات سيرفس فكرت احطها على جنب لانه احجامها متدرجه واخليها زي المنظر بس ايش احط عليهااا؟؟وكيف تنسيق الكنب عندي كنبه 3مقاعد و2مقاعد و1ملكي و1 ملكي كمان المجلس الثاني زوجي يبغاه ارضي عندكم افكار لجلسات تراثيه
ثانيا غرفة نومي آه آه آه جايبتلي اكتئاب والله لونها بني محروق حابه اغير لونها وجبت نجار قلي لا يمكن يامدام دي لونها غامق ماينفعش طب ايش اسوي؟؟؟ نفسي اخليها خشبي اللي يجي على وردي او بلون خسشب السنديان الفاتح ومن غير لمعه ايش الطريقه وانا انفذها لاني خليت النجار يجدد نفس لونها فعمل العجب فيها كان لونها مطفي ودهنها ورنيش لماع وما خليته يكمل طردته من الصدمه فصارت نص لماع ونص مطفي ايش الحل ارجوكم والله اني بطلت انام فيها كمان ممكن تعطوني لون موكيت مناسب لها وستائر ايش اشكالها والوانها لانه الغرفه فيها شباكين واحد يمين بنص الجداروالثاني يسار على طرف الجدار جوا الغرفه انا الان حاطه عليه الدولاب لانه كبير بعرض الجدار والسرير بالوجه اول ماتفتحي الغرفه وعندي شوفنير وبيرو( دولاب الادراج المرتفع) و2 كومودينو كمان ايش احط لون مفرش للسرير واي اضافات او لوحات.. ظهر السرير عالي شوي وبه عامودين يستندو على الجدار وانا نفسي احط الستاره الي فوق السرير ممكن سااااااعدوني نفسي احس انها غرفة وحدة متزوجه ابغى جوها رومنسي كيف؟؟؟؟؟؟؟
اما باقي البيت في الحلقه القادمه بإذن الله بعد ما اشوف افكاركم ولو في وحده متخصصه بالديكور ممكن اراسلها ياريت اكون ممنونه لها وشكرا استناكم لا تطنشون ردو في هاليومين عندي مناسبه بعد اسبوعين والناس على هن جايين ..

[كل الحلا كله]

هلا اختي تلوله ما حبيت اقرأ موضوعك وما ارد عليك

الطاولات الي تقولي عليها ثقيله وكبيرة ممكن تحطيها في الزاويهوتحطي عليها الابجورات وبعض التحف الصغيرة
اذا كان حجمها يناسب ..اما بالنسبه لغرفه النوم ممكن تحطي مفرش مناسب للون الغرفه بيغيرالشكل كثير
والله يكون في عونك ........

[behappy]

في البداية لو امكن ترسلي لنا مخطط و لو بالرسام لشكل منزلك وتوزيعات غرفه ومساحاتها

لنستطيع مساعدتك بشكل مناسب وكبير

ولكني ساحاول ان اطرح بعض الافكار من خلال سطورك

عندي مجلسين الاول كنب امريكي اصفر ومعاه طقم اشتريته من عالم الروائع فيه ثلاث طاولات جبسيه على شكل زهر دوار الشمس وفوقها زجاج ومعاها زي المكتبه من الاطراف عامودين جبس بها هذه الازهار ويوصل بين العمودي رفين زجاج ايش ممكن احط على هذي الرفين من اكسسوارات

طالما التيمة الرئيسية عندك هي دوار الشمس كزهرة متواجده في اكثر الطاولات والاعمدة لما لا تجعليها محور ارتكازك في الديكور بالوانها وشكلها

بالنسبه للمكتبة ذات الارفف الزجاجية من الممكن وضع اكسسوارات مثل هذه

علبة اكسيسوارات وتزين بنفس الزهرة ان امكن

مجموعه من الشموع متدرجة الاحجام اما بشكل هذه الزهرة او بالوان متوافقه

زجاجات عطور ملونه كديكور

كاسات ملونه

بروايز صور

كمان الطاولات تضايقني لانها كبير وثقيله يعني لوجاني ضيف صعب اسحبها قريب منه وانا مو حابه انها تكون طاولات سيرفس فكرت احطها على جنب لانه احجامها متدرجه واخليها زي المنظر بس ايش احط عليهااا؟؟وكيف

طالما انها متدرجة تستطيعي ترك واحده من الطاولات وتكون الكبيرة في وسط المجلس

والمجموعه الباقية تضعيها كما قلتي متدرجة في الزاوية

بالنسبه للي في الوسط ممكن تضعي عليها مفرش دائري صغير مطرز بالخيوط الذهبيه

وتضعي عليها مجموعه من الاواني والاكسيسوارات الذهبي والفضي

[behappy]

فكرت احطها على جنب لانه احجامها متدرجه واخليها زي المنظر بس ايش احط عليهااا

من الممكن ان تضعي على الحائط المرتكنة عليه الطاولات لوحة جدارية كبيرة طوليه

او تابستري ...او لوحات متصلة ومتدرجة وهذا سيضفي على المكان لمسة رائعه











او ديكور من الفيرفورجية



تستطيعي تزيين الطاولة الاولى ب

جرار متدرجة




او اباجورة انيقه تعكس اضاءتها على اللوحة التى تعلوها

عليهااا؟؟وكيف تنسيق الكنب عندي كنبه 3مقاعد و2مقاعد و1ملكي و1 ملكي كمان المجلس

لازم نعرف مخطط الغرفه ومساحتها

المجلس الثاني زوجي يبغاه ارضي عندكم افكار لجلسات تراثيه

تابعي هذا ارابط ان شاء الله تجدي مبتغاكي

!!!= !!! ّّّّالمجالس العربيه ...و رؤية جديده متطورة !!!= !!!


...................

غرفة نومي آه آه آه جايبتلي اكتئاب والله لونها بني محروق حابه اغير لونها وجبت نجار قلي لا يمكن يامدام دي لونها غامق ماينفعش طب ايش اسوي؟؟؟ نفسي اخليها خشبي اللي يجي على وردي او بلون خسشب السنديان الفاتح ومن غير لمعه ايش الطريقه وانا انفذها لاني خليت النجار يجدد نفس لونها فعمل العجب فيها كان لونها مطفي ودهنها ورنيش لماع وما خليته يكمل طردته من الصدمه فصارت نص لماع ونص مطفي ايش الحل ارجوكم

لقد اخطأت اختي خطأ فادح في حق غرفتك

فاللون البني المحروق لون رائع لو احسنت اختيار الدهان ولون الارضية و الاكسيسوارات وكذلك الاضاءه

انصحك ان تعيدي لونها مطفي من جديد ...و تخبرينا بلون دهان غرفة النوم ؟؟

واليكي بعض الديكورات الخاصة بغرفة باللون البني المحروق

تستطيعي وضع موكيت باللون البصلي الغامق مع دهان باللون البصلي الفاتح




لو الدهان بيج تستطيعي وضع موكيت بني خشبي او اخضر فاااتح

الغرفه فيها شباكين واحد يمين بنص الجداروالثاني يسار على طرف الجدار جوا الغرفه انا الان حاطه عليه الدولاب لانه كبير بعرض الجدار والسرير بالوجه اول ماتفتحي الغرفه وعندي شوفنير وبيرو( دولاب الادراج المرتفع) و2 كومودينو كمان ايش احط لون مفرش للسرير واي اضافات او لوحات.. ظهر السرير عالي شوي وبه عامودين يستندو على الجدار وانا نفسي احط الستاره الي فوق السرير ممكن سااااااعدوني نفسي احس انها غرفة وحدة متزوجه ابغى جوها رومنسي كيف؟؟؟؟؟؟؟

وضع السرير في مواجهة الباب خطأ ...لو تستطيعي ارسال ايضا مخطط للغرفة حتى نستطيع الاستمرار في الافكار

[تلوله]

السلام عليكم اشكركم على الرد السريع ولا يدل الى على اهتمامكم وسارسل رسم للغرف المطوبه عن قريب بإذن الله

[nhnh]

فى انتظارك غاليتى
وماشاء الافكار التى قدمتها الغاليه مها رائعه جدا
اتمنى لك الاستفاده

[79nana]

ماشااااااااء الله اخواتي افادوك كتيييييير

بس ياربت اتصوري الاتات والبيت عشان يعطوك تصور واضح يفيدك
وانا عجبتني فكرة دوار الشمس كتيييييييييير
اما غرفة النوم البني لو تضيفي اكسسوارت فستقي او عسلييييييي اقول تطلع دافئة وحلوة كتير
تحياتي