تجربتى مع الميزوثيرابى

[نايس1]

اريد ان اسالك هل بطنك راحت ولم يعد فيها اي ترهل؟ يعني مشدوده تماما؟
وهل انتي تعرضتي للحمل والولاده من قبل؟ لانهما يسببان ترهل كبير من الصعب انه يروح؟

[چيهان أبو الغيط]

اختى العزيزة الراجية عفو ربها شكرا يا اختى على اهتمامك وتعليقك على موضوعىالذى نقلت فيه تجربتى الشخصية فقط ولم افرضها على احد واحب ان انقل لك رايى اولا انا لم انزل 15 كيلو من البطن فقط بل كانت من وزنى الكلى اما البطن فقد نزلت من الحقن مع الريجيم ثانيا انا لم اقصد فى كلامى تليف الكبد بل تليف منطقة الحقن على فكرة انا طبيبة تحاليل وما قلته ان مع حقن جرعات كبيرة جدا تذاب كمية كبيرة من الدهون قد لا يستطيع الكبد فى بعض الناس تصريفها وبالتالى يحدث تراكم وعلى الطبيب الامين الماهر ان يختارالحالة التى يحقنها وبالنسبة لتليف منطقة الحقن فقد سمعت هذا الكلام وخفت منه وعندما رجعت الى american journal of mesotherapy علمت ان هذا التليف لا يحدث الا مع حقن اكثر من 2سم من المادة فى نقطة واحدة وعلى مرات متكررة ولذلك اكدت على اخواتى الا يعملن ذلك الا على يد طبيب وليس اخصائى علاج طبيعى وبالنسبة لقولك طبيبة تغذية فانا لم استخدم هذا المصطلح بل قلت انى اخترت طبيبة لا تتبع الا الريجيم الصحى وعلى فكرة انا ذهبت لعيادة معهد التغذية وبدات معهم الريجيم ثم اكملت فى العيادة الخاصة نظرا للزحام الشديد هناك بعد ان ذقت الامرين مع اخصائيى العلاج الطبيعىفى المرات السابقة ولاحظت الفرق الشاسع بين الطبيب عندما تتبعين معه الريجيم واخصائى العلاج الطبيعى الذى لم يدرس الطب كالطبيب واعذرينى فقد تمررت من عدد كبير منهم وسؤالى لك ان لم يكن الاطباء الذين بعد دراستهم للطب وتدربهم وعملهم فى معهد التغذية متخصصون فى التغذية والتخسيس فمن يكون اذن واذا لم يمارس الحقن طبيب فهل يمارسه من لم يدخل كلية الطب اصلا وبالنسبة لردود الاخ الدكتور محمد فهى ممتازة ولا تختلف عما قلته فهو يحذر مثلى من دجالين التخسيس وعدم الانقياد وراء اى شىء الا بعد البحث والقراءة عنه واللجوء للمتخصصين الذين اصبحوا قلة نادرة فى وطنى مصر للاسف واخيرا تحياتى لك ولكل اخواتى

السلام عليكم ورحمه الله وبركاته
كده لم نختلف
انتى فاهمه ما اقصد بس الكثيرات تختلط عليهم الامور
انا قلت تخصصى كتغذيه لا اعرف احقن ولا حتى ابره عضل مش ميزوثيرابى
وفعلا هذا ما اقصد التغذيه كتخصص تحتاج دراسه مستقله وتدريب منفصل عن الطب
ومين قال ان اخصائى العلاج الطبيعى يصف غذاء اذا كان غير مصرح له لا بوصف علاج دوائى ولا علاج حركى يبقى ليه يستسهل الغذاء والله فى بعض الاحيان يكون ضرره كالدواء تماما

وليكى حق الادعياء فى كل التخصصات زادوا حمانا الله واياكم

وخلاص عرفنا انك دكتوره تحاليل يبقى كسبناكى معانا انتظرى اسئلتنا عن التحاليل

[Um-Mustafa]

شكرا ياسمينة مصرية علي مشاركتك تجربتك معانا ولو ممكن تكمللي جميلك و تشاركينا الرجيم اللي عملتيه يبقي كتر خيرك لاني شخصيا تعبت صحيا و نفسيا و جسمانيا من كتر الريجيمات الغير صحيه و شعري وقع و بشرتي باهته و دايما حاسه اني خملانه و كسلانه و ما فيش حيويه خالص

[ياسمينة مصرية]

انا تحت امرك يا اختى ام مصطفى ولكن مشكلة الريجيم الصحى انه لا يصلح الا لصاحبه فقط لانه بيكون على حسب وزنه وجنسه وعمره وحالته الصحية وشهيته وكانت الدكتورة تغير لى الريجيم كل اسبوع وانا على العموم كنت شرهة جدا فى الاكل فاذا كنت مثلى يا اختى شرهة فى الاكل فممكن ينفعك الافطار كوب بليلة +كوب لبن بالسكر الدايت+ملعقة مكسرات صغيرة مجروشة وجبة خفيفة 2 بيضة +ربع رغيف اسمر+سلطة+تفاحة الغداء كوب من الفريك المطهى نى فى نى+سلطة +خضار مطهى نى فى نى +سلطة زبادى بالثوم والخيار(كوب صغير خالى الدسم) +قطعة لحم او فراخ او سمك120 جم بعد الغداء بساعتين شاى بلبن +كوب وربع فراولة مقطعة العشاء 2 شريحة كبيرة لحم او فراخ +سلطة مضاف اليها حمص الشام حتى الشبع لاحظى اختى ان الريجيم مخصوص لى وكانت الدكتورة تغيره لى كل اسبوع حسب ما يطرا على حالتى من تغيرات لانى ما شفتش واحدة فى العيادة معاها ريجيم زى التانية جربيه اختى قد ينفعك وقد لا يكون يصلح لحالتك وربنا يوفقك وقلبى معاكى

[Um-Mustafa]

احتي ياسمينة مصرية متشكره جدا جدا جدا علي ردك و استجابتك السريعه انا احب جدا اروح للدكتوره واتابع معاها بس انا حاليا مش في مصر و ان شاء الله اروح لها فى الصيف ولو ممكن تديني العنوان يبقي كتر خيرك و لغاية مانزل اجازة ممكن استفيد من نوع الرجيم اللي معاك لان انا كمان مشكلتي اني باجوع كتير وما اقدرش اصبر و اكل علي طول بس عايزه اسالك هو الفريك و الحمص مش يعتبروا نشويات و يزيدوا الوزن مجرد سؤال لان دي فكرتي عنهم و جزاك الله خير

[ياسمينة مصرية]

اختى العزيزة ام مصطفى جربى الريجيم وباذن الله تخسى وارجوك قولى لى النتيجة وبالنسبة للريجيم وانواع الماكولات احنا اتفقنا اننا ناكل كل انواع الاكل ولكن بطريقة محسوبه وانا كنت كل ما نفسى تروح لاكلة كنت اقول للدكتورة وتقوللى اعمل ايه لانى لو اتحرمت مش حكمل ثانيا فيه ملحوظة انك تاكلى كل الانواع المكتوبه بس على قدر شهيتك لوشبعت قبل ما تخلصىالكمية خلاص مش حتخسرى حاجة جربيه وبالنسبة لاسم الدكتورة نانسى عبد السيد والعيادة اسمها سيفن سيكريتس 253 شارع الحجاز مصر الجديدة وربنا يوفقك

[sunshinewhy]

والله الموضوع حلو قوي جزاكم الله خير

[dr_ahmed_akl]

السلام عليكم ورحمة الله وبركاته
اشكرك يا اخت ياسمينه انك بتحاولي تفيدي الناس بتجربتك بس ليا تعليق علي شوية نقاط
اولا انا دكتور احمد بكالريوس علاج طبيعي جامعة القاهره
انتي اولا جرحتي فينا وقولتي اننا مش دكاترة وده طبعا مش مظبوط احنا دكاترة وده شيء معروف للجميع وباعتراف القصر العيني نفسه وقبل ما تنقلي حاجه عن لسان دكتورة حاقدة ابقي اتاكدي (يا ايها الذين امنوا ان جائكم فاسق بنبا فتبينو ان تصيبو قوما بجهالة فتصبحو علي ما فعلتم نادمين) صدق الله العظيم........ولو مش مصدقه انا ممكن احوال انزلك مثلا دفتر غيابي مكتوب عليه دفتر غياب اطباء ولا مكتوب عليه ايه بالظبط وكتوب جنب اسمي دكتور احمد ولا مكتوب حاجه تانيه.

ثانيا : هيا قالتلك اننا خرجين معهد العلاج الطبيعي .... طبعا دي تاني كدبه بتدل علي حقدها لاننا كليه العلاج الطبيعي.

ثالتا: انا كنت اشتغلت فتره مع طبيب بشري وكان رافض تماما الميزو ثيرابي عشان السبب اللي انتي قولتيه وليا زمايلي خدو دورات الميزو ثيرابي وبيستعملوها في التخسيس.

رابعا: معظم دكاترة البشري بيشتعملو طرق العلاج الطبيعي في التخسيس من سلندر لكريمات طحالب لاجهزة رياضية.

خامسا: دورات التخسيس بناخدها اصلا عند نفس الدكاترة امال احنا بنشتغل ازاي في التخسيس مش بشهادة موثقه من وزارة الصحه ...

سادسا واخيرا قبل ما تظلمي حد ياريت تتاكدي من كلامك وشكرا

وردي للاخت الراجية عفو ربها.........
بتقولي اخصائي العلاج الطبيعي مش مصرح ليه بوصف علاج دوائي وده صحيح مع ان ده في مصر بس مع العلم ان اخصائي العلاج الطبيعي اللي بيسافر امريكا بدون شهادة معادلة ..... وبتقول مش مصرح له بوصف علاج حركي مش عارف جبتي الكلام ده منين لا من حق اخصائي العلاج الطبيعي انه يقيم الحاله و يعمل بروجرام العلاج وينفذه (اللي مش عارف اجبله نص القانون المصري ورقمه) ولو عندك قانون يمنع اخصائي العلاج الطبيعي من وصف برنامج غذائي هاتيه .. بتتكلمي كان ده مش في صميم دراستنا (لاحول ولا قوة الا بالله)

[چيهان أبو الغيط]

وردي للاخت الراجية عفو ربها.........
بتقولي اخصائي العلاج الطبيعي مش مصرح ليه بوصف علاج دوائي وده صحيح مع ان ده في مصر بس مع العلم ان اخصائي العلاج الطبيعي اللي بيسافر امريكا بدون شهادة معادلة ..... وبتقول مش مصرح له بوصف علاج حركي مش عارف جبتي الكلام ده منين لا من حق اخصائي العلاج الطبيعي انه يقيم الحاله و يعمل بروجرام العلاج وينفذه (اللي مش عارف اجبله نص القانون المصري ورقمه) ولو عندك قانون يمنع اخصائي العلاج الطبيعي من وصف برنامج غذائي هاتيه .. بتتكلمي كان ده مش في صميم دراستنا (لاحول ولا قوة الا بالله)

السلام عليكم ورحمه الله وبركاته

اخى فى الله

انا لم اعيب فى اطباء العلاج الطبيعى بالعكس الاخت قالت معهد ذكرت لها انها كليه ومنذ زمن ولكن كما تفضلت يجب ان يحترم كل تخصص

واذا كان دراستكم للتغذيه كما درسناها نحن يكون من حق اطباء العلاج الطبيعى وصف الغذاء
وانا على يقين ان التغذيه تخصص منفصل عن اى تخصص اخر لانه تخصصى
وستجد المقررات الدراسيه فى هذا الموضوع
تخصصي التغذية تخصص ولا أروع

التغذيه ليست ماده او اثنين انها تخصص ندرسه على مدار اربع سنوات ولا ينقص هذا من قدر باقى التخصصات التى نحترمها ونقدرها بالعكس

وانا لا اتكلم عن قوانين لانى لا أعرفها اتكلم عن تخصص ودراسه

ومن خلال عملى فى مستشفى كبير فى مصر كان هذا هو المتبع التشخيص من دكتور العلاج الطبيعى خريج كليه الطب والعلاج من اخصائى العلاج الطبيعى خريج كليه العلاج الطبيعى والتنفيذ من ممرضه العلاج الطبيعى
ولست من اخترع هذا النظام نعم حيث كنت اعمل غير مصرح له بوصف علاج حركى ممكن الامر يختلف من مكان لاخر

وكذلك الحال بالنسبه للبرامج الغذائيه العلاجيه من يقرر الحاله طبيا هو الطبيب المعالج ومن ثم يحدد توجه العلاج
والتطبيق لترجمته كنظام غذائى يكون لاخصائيه التغذيه دون ان ينتقص من تخصصى فى شىء

[shanona]

شكرا على الموضوع
بس ممكن اسألك على عنوان معهد التغذية