الأعشاب___5___ و الشعر ملف حكيم زمانه بالعلم و التجربة

[hakeemo]

السلام عليكم :
أتمنى أن الأخوات و الأخوة فى المنتدى يكونو مستفيدين من الموضوع و لو فى اى اقتراح اتمنى تضيفوه و تتفضلو بيه ...وللعلم يا جماعة هذا الملف لم يسبقه ملف مثله فى تصنيفه و تجريبه ...و الحمد لله . و اتمنى تكون المشاركات و الأسئله على نطاق أوسع حتى تعم الفائدة ..بالنسبه لبعض الأخوات اللاتى سألن عن ورش العمل ..والله يا جماعة انا مش فى المملكة و لا الامارات ..واحنا هنا بنعمل ورش عمل فعلا وان كانت صغيرة علشان اقبال الناس على تعلم العلم الصحيح للاعشاب مازال ضعيفا ..بنحاول نعمل ورشه عمل فى الكويت او الامارات مع خبيرة الاروماثيرابى الاخت الفاضلة دينا الجارم..اتمنى نصل لصيغه ..
مازلنا فى القسم الثالث و هى الأعشاب التى تزيد من كثافة الشعر و تمنع سقوطة عن طريق تحفيز البصيله ..وكانت اخت سالت سؤال جميل ..وماذا يعنى تحفيز البصيله ..علشان تفهمى حضرتك لازم تشوفى الصور دى ...معلش بتعمق شويه بس لازم الاخوات يكون عندهم خلفيه طبيه خفيفه عن اللى بيستعملوه
http://biology.clc.uc.edu/fankhauser...040labeled.JPG
اللى فات صورة واقعيه بصى و شوفى الهير فوليكل عليها سهم و مكتوب hair follicle

دى صورة كروكى هتلاقى سبحان الله الشعرة بيغذيها ارترى ((شريان)) و عصب وفين ((وريد)) دى بتغذى البصيله اللى قلنا عليه ...وظيفه العشبة تزويد الدم الوارد للبصيله ويمكن لاحظتو فى الصورة الاولى ازاى بتموت البصيله ...دى و ظيفه كل المركبات سواء كانت عشبية او كيماوية ..منع البصيله من الوفاه..طبعا لسه متكلمناش عن العشبة ..عشبة اليوم من اشهر و اجمل و اغنى الاعشاب بالفوايد و هيه عشبة الزعتر ....قريت امبارح احدث علاج لمنع تساقط الشعر تحت التصنيع بعد التجارب السريرة يحتوى على خلاصة الزعتر او الزيت الاساسى للزعتر ...طبعا الحمد لله من زمان و انا بدخل الزعتر فى منتجاتى ...و احسن و اقوى و اهم علاجات القشرة و الفروة الدهنية هيه خلاصة الزعتر ...يكفى ان اقول ان الثيمول وهيه المادة الفعالة فى الزعتر اقوى من الفينول بحوالى عشر مرات و دى حاجة ممتازة ..بس خلو بالكم بدون كل مشاكل الفينول ....يعنى هيطهر فروة راسك و يحفز بصيلتك لانه بيزود توارد الدم جدا ...ويعالج القشرة و كمان الاكزيما الدهنية فى الفروة ....غايه فى الجمال ......
**هنستخدمه كالعادة داخليا و خارجيا ....داخليا كمشروب او كبسولات الزعتر و خارجيا دهان للفروة مع تركه فترة و التدليك او لوشن مركز او شامبو مركز ....ارجوكى خلى بالك من الغش ...واحنا هنا بفضل الله بنعمل الخلاصة و اللوشن و الشامبو ...وعاوزكم تتعلمو ازاى تحضرو حاجاتكم فى البيت .....نستخدمه يوميا مرة و احدة ......طبعا فوايد الزعتر عاوزة محاضرة كامله بس انا طولت ...وشكرا بس هديلكم صورته كاخر حاجة علشان تتعلمو تشوفو العشب و متتغشوش

واسف جدا على الاطاله...ودمتم سالمين

لا احلل نقل الموضوع دون ذكر كاتب الموضوع والمصدر

[ام نووور]

جزاك الله خير انا بشتري الزعتر كثير بس كنت دايم اجيبه من العطار وكان طعمه مقبول
وبعدين فتح عندنا محل الصناعات الوطنيه بتجي من عدة دول عربيه وكان فيه عطار بيبيع منتجات
سوريه جايبها من سوريه منها الزعتر قمت اخذت منها وقلت اكيد الزعتر الي بسوريه افضل من هنا
بس التفجاءة بالطعم كان مر بشكل فضيع لدرجت ما قدرة اشربه والبراد الي سويت فيه الزعتر جلست
الريحه عالقه فيه وكل ما اسوي شاهي يطلع مر من طعم الزعتر بس ايش سبب مرارة هذا الزعتر
الله اعلم ؟؟؟؟؟
على فكرة انا كنت اشرب الزعتر مع مراميه للتخسيس وزوجي وصف له واحد الزعتر للأملاح الى بالكلى بس مدري
كلامه صحيح او لا

[hakeemo]

شكرالمتابعتك اختنا العزيزة ....لازم تعرفى ان من الزعتر 350 نوع كلها زعتر بس بتختلف فى بعض الخصائص بس عمليه المرارة دى غريبه بس ممكنة ارجوكى تقارنى اللى بتشرتيه بالصور المرفقة ...ولو مقدرتيش تشربيه استخدميه بالطرق الموضعيه اللى ذكرناها ..اما عن وظيفته للكلى فهو طبعا مطهر قوى جدا للقناة البوليه ...وبيستخدم فعلا فى علاج املاح اليوريك ((النقرس) بس مش الاوكسالات وشكرا

[صــبا]

دكتور آسفة لكثرة اسئلتي لكن هل الأفضل استخدم المستحلب أو الزيت للتدليك؟
وياليت إذا سمحت تضع لنا رابط موضوعك عن بذرة الكتان ...وكمان إذا ممكن تعطينا الإسم الانجليزي (مش الطبي )للاعشاب ...الله يجعل جهدك في موازين حسناتك يارب..

[hakeemo]

أعنى الزيت للتدليك ...مسالة المستحلب دى مش هتعرفو تعملوها ..وده يا ستى رابط موضوع بذرة الكتان كله http://www.lakii.com/vb/showthread.php?t=426343

[bentelbalad]

ما شاء الله يا دكتور ملفاتك ماليه المنتدى ربنا يخليك ...بس كان ليه طلب يا ريت اسماء الاعشاب بالانجليزى علشان ناس كتير بيحبو كدة وانا لما بعمل بحث ببقى عاوزة اعرفها

[rodana]

باركلك الله فى علمك
ماشاء الله عليك يا دكتور
كلامك كله معلومات قيمة

[hakeemo]

بارك الله فيكى يا اختنا العزيزة ..و ربنا يعلمنا جميعا

[hakeemo]

معلش اختنا بنت البلد لسه شايف الرساله ...هذكر اسماء الاعشاب اللى اخدناها لحد الان و هذكر الباقى تباعا
البلميت المنشارى saw palmetto
الحريق او القراص اللاسع stinging nettle
الشاى الاخضر green tea or camellia chinensis
عرق السوس liqurice or glycrhiza
حصا اللبان rosemary
الحلبه fenugreek
الزعتر thyme
الشطة capsicum or cayenne لو فى تانى فكرونى ..وباذن الله قريبا هنزل مذكرة معجم الاعشاب عربى انجليزى لاتينى

[ام هاجر2000]

مشكووووووووووووووووور