بعطيكم فكرة ......وانتم عطوني فكرة

[نورلينة]

مساكم الله بالخير يالمبدعات جايبتلكم فكرة حللللللللللللللللللللوة وابغى منكم فكره احلى ....الله لايهينكم
فكرتي عن بعض اللمسات لأحواض السمك انا عندي حوضين الأول بقولكم على اللي سويته والثاني صاحب الشان ابيكم تدورولي على فكرة له
يالللا نبدا
الحوض الأول حلو وفيه اسماك (اكيد اسماك اجل بعير) حطيته على طاول لونها مناسب له وجبت شبكة صيد صغيرة وعلقتها خلفه على الجدار وجبت اصداف وقواقع ولصقتهاعلى الشبكة بشكل عشوائي مدروس وجنب الحوض وعاء زجاجي صغير فيه رمل وداخل قواقع صغيييييييييييرة جدا ونجمة بحر واحدة كبيرة وباقي الاصداق نثرتها على الطاولة بشكل جمييييييل جدددددددا واصبح ديكور بحري يعني مايحتاج اسافر البحر كفاية اجيب عدة البحر واجلس قباله
الحوض الثاني آآآآآآآآآآآآآه ثم آآآآآآآآآآه ه فاضي السمك اللي فيه مات من زمان ياحرااااااااام
دابلن كبدي له سنة مركون عندي مدري ايش اسوي فيه كل ماناظرت فيه كسر خاطري مدري ليه هالحوض كل ماحاولت اطلعله فكرة قفل مخي عشان كذا ابغى افكاركم الحلوة ....لاتقولون حطي فيه سمك لالالالالالالاواحد يكفي
ترى اللي بتدخل وماترد ازعل عليها
امزح معاكم مقدر على زعلكم بس بجد ابيكم تساعدوني الله يخليكم

[زهرة الرمان]

هلا فيك نور صراحة هذا اول مشاركة لى فى هذا القسم بس حبت اقول لك فكرة
سوى الحوض الثانى صوبا زراعيه اذا كنت تحبين الكتب تلقينها الموضوع والفكرة فى كتاب حدائق ونباتات
ابسط لك الفكرة
افرشي الارضيه بورق علشان يمتص الرطوبه الزائدة ومن ثم حط الحصى الخاص بالزراعه ومن فوقه حطى قليل فحم علشان ايضا الرطوبه وبعدين ضعى التربه الزراعيه تباع باكياس فى محلات الحدائق تلقينها مثل فيفا جهزت التربه الان ضعى بعض النباتات الخاصه الى تعيش فى الرطوبه شتلات صغيره خذيها من نفس المحل زينى الحوض ببعض الأكسسورات مثل النوافير والحجاره المميزه وبعض التحف على ذوقك ممكن تفرشين ايضا حصى ملون على فكرة اذا اخترت اشجار صبار لاتسقينه كثير علشان لايتضرر

[نواير]

صراحة يانور باخذ فكرتك لأنها خطيييييييرة

وماني معطية فكرة
























لاتزعلي ترا مايحضرني حل للحوض الثاني البركة في البنات سلالالالالالام

[شمالية غربية]

فكرتك حلوووووووووووووووة



وانا عندي لك فكرة حق الثاني ..تعالي تحت



















بعد شوي


















ايووووووه هذا اللي في الصورة :


نبات الصبار ..انا مااستغني عنه واعتبره جزء من ديكور البيت , حطي رمل في الحوض وبعدين اشتري مجموعة من الصباريات انا شريتها من مركز هوم سنتر في الرياض ..عندهم تشكيلة حلوة مره ..المهم تحطينهم في الحوض وترشين من هذا الحصى الصغير (اللي يجي مثل الكور الصغيرة ) انا شريته من حدائق السلطان ..يعطي النبات منظر شييييييك ..
وانتهت القصة بيصير عندك بر وبحر

[السلفية]

ما شاء الله فكرتك رووووووووعه .. الله يعطيك العافية ..
لكن للأسف ما أقدر أفيدك بالنسبة للحوض الثاني ..

[أسيرة الغربة]

فكرة رائعه بارك الله فيك ............ وزدتي فضولي للسؤال عن محاسن ومساوئ أحواض السمك لأن خاطري فيهن من زمان وأخاف اجيبه واتوهق فيه فياليت من خبرتك تعلمين محاسنه ومساوئه ...والله يجزاك كل خير وتلقين حل للحوض الثاني

[شمالية غربية]

ليييييييييه السلفية ..اسيرة ماعجبتكم فكرتي الصباريات

[نورلينة]

اشكركم يااخواتي على ردودكم الطيبة
يا زهرة الرمان انتي وشمالية غربية فكرتكم وحدة تقريبا وهي فكرة حلوة بصراحة وانا شفتها قبل كذا في التلفزيون اشكركم جدددددددددددا عليها ...لكن مقدر اسويها !!!! ليه ؟ اقولكم ليه
الفكرة هذي انا سويتها في زجاجات وحطيتها على المغاسل ..........عشان كذا ابغى افكار غيرها ...سامحوني
واشكركم مرة ثانية


السلفية ,اسيرة الغربة شكرا على ردكم واسعدني اعجابكم بالفكرة اما بالنسبة لأحواض السمك يااسيرة الغربة فعلا لها محاسن ومساوئ وان كانت مساوئها قليلة من محاسنها انها تعطي حياة في البيت وبصراحة منظرها يريح اعصابي وهي ديكور جمييييييييييل جدا في البيت اما اكثر حاجه تتعبني هي تنظيف الحوض مااطيقة بس لازم تغيرين المويه يعني تقريبا كل اسبوع او اسبوعين لان لونها يتغير واكل السمك تشترينه من محلات اسماك الزينه بنفس الكمية اللي يحددها لك صاحب المحل على حسب حجم السمكة ونوعها وعددها في الحوض الواحد



اما انتي يانوايرحسابك عندي ........تاخذين وماتعطين .......ياويلك مني

امزح معك عزيزة وغالية
بس تكفون حاولو تدورولي على افكار ثانية معليش بتعبكم

[أسيرة الغربة]

مايطلع منك ياشماليه إلا زين .... بس كنت اقصد انه تجيها افكار أكثر .

وأشكرك أختي نور على التوضيح ....بارك الله فيك .

[*كـراميل*]

مرحبا

فكرتك روعه

واما بالنسبه للحوض الثانى

جالت ببالى فكره وهى الشموع

شو رايك تدورى شموع على شكل سمك

واعشاب او اى شكل تحبيه

وتوزعى حصى ملون بالقاع

واعشاب ((شجر او صناعيه ))


وتشترة نجوم بحر سواء من الشمع او غيره

وصدف

وبعدين توزعى الشموع بشكل

يبين انه حوض سمك شمعى

ولا تنسى تعبي الحوض مي عشان تبان الحركه

وتوزعى على سطح الماى الشموع اللى تطفى على

السطح مع كم ورد مجفف حلو

سلام