جلسة سمر سودانية على ضفاف النيل الخالد (6)

[المحراب الجميل]

الصداقة هي الوجه الاخر غير البراق للحب , ولكنه الوجه الذي لا يصدأ ..

وهاهى صفحات أخرى جديدة
نكتبها من القلب
تحمل فى طياتها معزة اكثر وحب أكبر
تتلون فى كل صفحة بألوان من نوع خاص تتلون بحب خالص وضحكة صافية ومودة صادقة نتوجها بمعرفة أوثق وثقة اعظم وود أكبر وتواصل أجمل

فسبحان الله الذى جمع بنا بدون ميعاد لنصبح أخوه فى الله انها هبة ورحمة ولطف منه سبحانه وتعالى له الحمد والشكر

غالياتى
لا
اجد كلمات تصور ما يجيش فى الدواخل غير اعادة ما افتتحنا به جميع جلساتنا السابقة
نسأل الله ان يديم علينا نعمة الصداقة والمحبة على الدوام ونستمتع دائما بطلتكم الحلوه
ونجلس فى ضفاف النيل الغالى كالعادة نتنشق عبيره العاطر ونستمتع بالسمرالجميل
ولنشم معا رائحة الوطن عابقة هنا فى هذا المنتدى الرائع
ويلتئم الشمل ونلتقى ببقية اخواتنا الغاليات ونرحب بهم
والاهم نطمئن على بعضنا البعض ونتقارب أكثر
ورد الله الغائبات عنا لنسعد بحلاوة لقائنا بهم قريبا
وحبابكم فى الطابق السادس

[المحراب الجميل]

قهوة مخصوص للافتتاح والحفلة

جبنة السرور

[ام العزاز]

دايما سباقة للم شملنا بت مختار
انشاء الله دارنا دايما عامرة
وبخورنا وقهوتنا مدورة
بمشي اصلي المغرب وأظبط ليكن براد شاي مقنن وبجيكن
العندها باقي بسكويت مكنة ولا كعك تجيبه بهنا
اهاااا
النمشي واجيكن ودعتكن الله

[ام قتيبه]

السلام عليكم ورحمة الله وبركاته

جلسه رائعه عزيزتي المحراب

أسال الله لكن التوفيق عزيزاتي

وأن يجمعنا وأياكن في مستقر رحمته يارب

سعدتُ كثيراً بقرأة كلماتكن الرائعه

الف شكر عزيزتي على القهوه الرائعه

[هنوها]

هلا هلا(بالهجة السودانية)


حبابكن الف


حياك يالمحراب ست البيت وبنك ريحتوا طااااااقة



سلام يا الرايقات ام قتيبه ام العزاز والباقين والماظاهرين

[هنوها]

ما أكل حلو بيتو والمعاه جيعان
وما لبس الرفيع والمعاه عريان
مامون السجايا اليستودع النسوان
ضباح الخلايا عشا الضيفان

[هنوها]

إعتبر الشيخ محمد أحمد حسن أن السلام بين الفتيات بهذه الطريقة ليس سلاماً إسلامياً بل هو دخيل علي العادات السودانية ، ووصفه بأنه أقرب للإثارة والفتنة من كونه يشيع الود والمحبة التي أمر بها الإسلام . ونصح الشيخ محمد أحمد حسن البنات بترك السلام بهذه الطريقة ودعاهن للسلام بالطريقة المعروفة قائلاً: (سلمن بالسلام المعروف ، سلام الحبوبات وسلام الأباء ، الزولة تقابل أختها ، عمتها ، خالتها ، أو صاحبتها وتسلم عليها في إيدها سلام محترم كده وتسألها من صحتها وأحوالها ، ده السلام المشروع) . وقال الشيخ محمد أحمد حسن أنه بات من الملاحظ في الفترة الأخيرة أن (الكثير من الطالبات والبنات في الشارع تلقي الواحدة منهن تقابل صاحبتها تسلم عليها في جضومها وتبادلها القبلات وطبعاً دي تعتبر زي قبلة ، وقدام الناس والشباب في الشارع فيها شئ من الإثارة ) . وبحسب صحيفة حكايات أضاف : (ننصح بناتنا بأن السلام ده ما اسلامي ، الصحيح الواحدة تقابل اختها وتسلم عليها في إيدها سلام سمح كده، ده المطلوب لكن السلام بالخدود ده دخيل علينا وفيهو شئ من الإثارة خاصة قدام الشباب من الجنسين

[هنوها]

نزلت فوق ام صفاء باينه
وبستامن علي البيت اب نزلتن دانيه
ايدا جهل لي بنت عمي خاينه
وضهري وتر حديد ما فيه عصبتا لاينه
ــــــــــــــــــــــــــــــــــــــــــــــــــ ـــــــــــــ
نحن نسوي وبي البنسيها ما بنتمزي
سودانيه عزاز اهل الكرم والعزه
كفوفنا نقيه من تهم النكب والهزه
تصرم عندنا **** المواركه اللذه
ــــــــــــــــــــــــــــــــــــــــــــــــــ ــــــــــــــ
سودانيه نحن مانا بالبلود ننجال
ونحنا الفي فريقنا بصرمن الحيال
نحن مجدعين هامات الترك في النال
نحن الموت مداوسنا ولقينا رجال

[هنوها]

بينما حافلة الركاب تسير في خطها من سوق شعبي الخرطوم لسوق شعبي أمدرمان دون ضوضاء ، فجاة تحولت ابصار الركاب لمصدر صفعة باليد (كفا) فاذا هم يشاهدون شابا يطلب من الكمساري التوقف ويضع يده علي وجهه ويهبط من الحافلة صامتاً وسط دهشة الركاب . عندئذ قالت الفتاة التي كانت تجلس جواره لقد فتح شاشة هاتفه المحمول ووجهه نحوي واذا به صورة فاضحة فصفعته . وبحسب صحيفة الدار أشاد الركاب بمسلك الفتاة ومنهم من قال كان يجب اقتياده لشرطة أمن المجتمع . انها ظاهرة فردية مسيئة يجب التصدي لها قبل ان تستفحل .




باااااااااااااااااااااااااااالغ

[هنوها]

ماني التَّنبل القاعد براعي الضان
وختّاراً ببيت فوق قُجة أُم كيعان
صبّاراً على قدر الإله إن كان
أنا أبو فاطنة في اليوم السيوفو سنان
**************

*أنا ماني التنبل الفي البيت صِنٍعتي حليبْ
بَدور الشًّدّة فوق إبلاً شوافي ونيب
إن حرًّت نخت الشكرة ما بنعيب
وإن بردت نكافيبهن سوالف أم طيب
***************


الليل حيلو روح وحس سروجنا يبنِّنْ
جدع النمّة ود أب زيد وصوتو يحنِّن
نحن الكُسًّر النظرة عيوننا تجنن
ديمة درقنا بي دم الرجال متحنن

*******
كم شديت على تيساً بسوك الناب
وكم جايب زَمَل من الرَّهد كَسّاب
حديث الناس كتير .. ما عندي ليهو حساب
إنقطَع اللسان يا فاطنة أبوك إن عاب
*****************

كم شدّيت علي تيساً بهمك الغَلة
وكم غوَّص بهن لامن شِهيرن حلَّ
ود مكّة بيقول يا خالي كيف الحّلَة
من سوقهن حلف بلّال جنى خادم الله
***********

كم شديت علي ضهر البِهمْك الشوكْ
وكم كرَّف قُروناً عَبَّكِن دايوك
أمانةَ يا حسن تاخد عشا الولدوك
ياتو الخَلَّسك وكت العساكر جوك؟