رز وعدس
اكلة خليلية ومش عارفة وين كمان بياكلوها بس عنا كتير بعملوها
متل فكرة اللبنية بس ها المرة بعدس
ياللا نروح على المطبخ ونبلش
نقلي بصل بقاع الطنجرة
ومن ثم ندير فوقها العدس الاحمر ونحرك مزبوط لياخد من نكهة الزيت والبصل
ندير فوقها المية السخنة
هلاء دور البهارات...ملح وفلفل وكمون..................وفي سماق بس بعدين اخر شي
ونتركه على جنب يغلي تلتين السوا وبعدين ندير فوقه الرز الغير منقوع
ونضل نحرك فيها الطبخة لحتى تستوي منيح
وتصير بهذا الشكل
وقبل ما نشيلها عن النار نعصر فوقها شوية ليمون
وهاي اول سكبة
نزينها بالسماق والبصل المقلي
وننساش الزتون والشطة والمكابيس
وريته صحة وهنا على قلوبكو
وكل سنة وفلسطين بخير وسلامة
تحياتي واحتراماتي
الماسة
ام سهام واسيل
رد مع الاستدلال
الروابط المفضلة