*موضوع متميز*الحقواياحلوين 3 صوانى فى الفرن جنان وبالصور من مطبخ الدكتورة ماما

**الدكتورة ماما** · 13-03-2009, 01:41 AM

بسم الله الرحمن الرحيم
صديقاتى الغاليات عملت الاسبوع ده 3صوانى فى الفرن وحبيت اخد رايكو الجميل فيهم لانكو دايما بتشجعونا بكلامكو الجميل ربنا يديم بينا المحبه يارب علشان مطولش عليكو انا عمل صينيتين مسقعه بطريقتين مختلفتين اول طريقه وهى المعتاده عندنا فى مصر وهى المسقعه باللحمه المفرومه من غير باشميل
المكونات-باذنجان-فلفل رومى -فلفل حراق-بصل مفروم -ثوم مفروم- جنزبيل مفروم- لحمه مفرومه معصجه-عصير طماطم وصلصه طماطم
التوابل -ملح- فلفل-توابل مشكله- بابريكا
الطريقه
اولا -نجيب الباذنجان نقطعه شرايح والفلفل الرومى ايضا شرايح-ونقطع توم شرايح-وقرون فلفل حامى (حسب الرغبه)ونجهز البصل المفروم والتوم المفروم والجنزبيل المفروم علشان اللحمه المفرومه المعصجه بالشكل ده

الباذنجان انا فضلت بدل ما اقليه علشان ميشربش زيت احطه فى الفرن شويه ويادوبك بالفرشه ادهنه بشويه زيت وده كان افضل بكتير وده شكله بعد ماخرج من الفرن

نجهز اللحمه المفرومه المعصجه انا بحط بصل مفروم وجنزبيل مفروم وثوم مفروم ومعلقتين سمن وملح وفلفل وتوابل مشكله واحطه على النار نصف ساعه
نبدا نرص الصينيه طبقه باذنجان وطبقه فلفل رومى وفلفل حامى وبعدين نحط طبقه لحمه مفرومه

نجهز عصير الطماطم على النار وهوعباره عن ثوم مفروم وجنزبيل مفروم مع قليل من الزيت لحد ما يشوحو شويه و نضع الطماطم والتوابل عليها من الملح والفلفل والبابريكا والتوابل المشكله

نضع قليل من عصير الطماطم على الطبقه الاولى

نبدا نرص الطبقه التانيه من الباذنجان والفلفل الرومى واللحمه المفرومه ونضع ثوم مقطع وفلفل رومى على الوجه

ثم نضع باقى عصير الطماطم على الوجه بالشكل ده

ثم نضعها فى الفرن وده شكلها النهائى

الصينيه التانيه بقى نجهزها بنفس الطريقه الاولى
طبقه باذنجان وطبقه فلفل رومى وطبقه لحمه مفرومه ثم قليل من عصير الطماطم ثم طبقه باذنجان وطبقه فلفل رومى وطبقه لحمه مفرومه بالشكل ده من غير مانحط على الوش عصير طماطم

وبدل عصير الطماطم بنحط باشميل على الوجه نجهز الباشميل بالشكل ده

ونحط الباشميل على وجه الصينيه

ثم نضع جبنه موتزاريلا على الوجه بالشكل ده

ثم نضعها فى الفرن وده شكلها النهائى

اما بالنسبه للصينيه الثالثه وهى كوسه بالباشميل انا بجيب الكوسه واقطعها شرايح بالطول بالشكل ده

وبعدين اتبلها بالملح والفلفل والتوابل المشكله بالشكل ده

وبعدين اشوحها على النار بشويه زيت صغيرين بالشكل ده

وبعدين ابدا ارص الصينيه طبقه كوسه وطبقه لحمه مفرومه وشويه باشميل وبعدين طبقه كوسه وطبقه لحمه مفرومه وطبقه باشميل على الوجه

وبرده نحط موتزاريلا على وجه الصينيه
بالشكل ده

وده شكلها بعد ماطلعت من الفرن

ودول بقى كام طبق لاول رد من الحلوين

يارب تعجبكو وبالهنا والشفا

**أم شادى** · 13-03-2009, 01:57 AM

تسلم ايدك حبيبتى روووووووووووووووووووعه
ربنا يعطيكى الصحه و العافيه

**ام هيا وحارث** · 13-03-2009, 02:03 AM

بسم الله ما شاء الله
تسلم ايدك علي احلي صواني
كلهم احلي من بعض وبالف هنا وعافية

**الدكتورة ماما** · 13-03-2009, 02:16 AM

كتبت بواسطة ام هيا وحارث

بسم الله ما شاء الله
تسلم ايدك علي احلي صواني
كلهم احلي من بعض وبالف هنا وعافية

تسلميلى ياجميل كله من زوقك ياقمر

**صاحبة الـ@ـسك** · 13-03-2009, 02:30 AM

ما شاء الله جميل جداتسلمى حبيبتى

**ام بودى و رومة** · 13-03-2009, 02:44 AM

lما شاء الله شكلهم بيشهوا تسلم الايادى

**أم مــــالــــك** · 13-03-2009, 03:18 AM

اناحاخذ الصينيه دي واركض ههههههههههههههه

تسلم ايدك يارب صواني جنان وطعمه الف افيه عليكم

**asma_m81** · 13-03-2009, 03:28 AM

الله يسلم ايدياتك يارب

روووووووعة ماشاء الله عليكي

ألف صحة وهناء على قلوبكم

**أم العلاء 2** · 13-03-2009, 03:49 AM

ما شاء الله .. تبارك الرحمن
ما شاء الله عليكي يا دكتورة ماما
الصواني كلها شكلها روعة من إيديكي و تشهي
تسلمي حبيبتي على الوصفات
و يسلموا ها الايادي و يعطيكي العافية يا رب
و دايما في إنتظار إبداعاتك

**بنت المقرب** · 13-03-2009, 04:41 AM

تسلم ايدك دكتورة ماما

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: موضوع متميزالحقواياحلوين 3 صوانى فى الفرن جنان وبالصور من مطبخ الدكتورة ماما

أدوات الموضوع

العرض