*طبق متميز*قالب الكفته ............... اخر شياكه
center]السلام عليكم ورحمه الله [/center]
النهارده جيبالكم طبق
شكله شيك وشهي وتغيير
لاشكال الاطباق الي اتعودنا عليها
للامانه الفكرة استوحيتها من مارثا
لكن المضمون مختلف تماما
المقادير
نص كيلو كفته
بصله كبيرة
3 ملاعق مسترده والي ميحبش طعم المسترده يبان اوي يخففها
ربع كوب صلصه طماطم البيتي
ولو المعجون الجاهز
معلقتين
ملح وفلفل اسود وحب هان ورشه خفيفه كمون
بيضه
ربع كوب بقسماط
بهارات لحمه معلقه صغيرة
نخلطهم سوا ونسيبهم ساعه
بعدين نبطن القالب بالفويل علشان يسهل عليك خروجها
نحط الكفته
ونضغط عليه كويس اوي
نعمل شقوق عميقه شويه عالوش
علشان هنحط الطبقه الي عالوش
عباره عن
لو عندك عسل اسود تحطي مسحه خفيفه تدي نكهه
ولو مفيش
نص معلقه سكر اسمر نرشها عالوش
ربع كوب تاني صلصه طماطم
ورشه زعتر او روزماري مطحون الي تحبيه
وشويه ملح
نخلطهم سوا ونحطهم على الوش
زيتون اخضر ولو في فلفل رومي بس انا مكنش متوفر
ربع كوب كورن فلكس نرشهم من فوق
مع شويه جبنه رومي مبشوره
لو تحبوا طعم قرمشه
نخلي الجبنه والكورنفلكس للاخر عند تحمير الوش
نحط القالب فالفرنبعد منغطيه بفويل ونسيبه يستوي
فنص المده نشيل الفويل من على الوش
لو حسيتي انه استوى
تصفي السوائل الي باقيه فالقالب
وتحمري الوش
نسيبه فالقالب شويه يهدى
بعدين نطلعه ونسيبه يبرد ولو مستعجله حطيه نص ساعه فالتلاجه
ميتقطعش الا وهوه بارد او دافي
اتمنى يكون عجبكم
لو فضل منه تاني يوم ممكن تقطعيه صوابع وتحطيه فبيض وبقسماط وتقليه
او تحطيه فاي نوع معجنات
زي ساندوتش
والف هنا وشفا
لاتنسوا اولادي من الدعااااء
.
رد مع الاستدلال
الروابط المفضلة