بسم الله الرحمن الرحيم
اخواتى العزيزات انهارده احب اقدملكم صينيه فراخ وبطاطس فى الفرن كانت امى ربنا يديها الصحه بتحب دايما تعملهالنا وكانت جميله جدا وكانت بتسميها صينيه فراخ بالبطاطس نى فى نى ومعنى كلمه نى فى نى انها مفيهاش اى حاجه متسبكه او بمعنى اخر كل مكوناتها بتتحط على بعض من اولها لاخرها وبتكون خفيفه جدا على المعده ولذيذه جدا المهم طولت عليكو نبدا بقى مع بعض الشغلللللللللللا
اولا انا بجيب الفراخ واغسلها كويس جدا وارصها فى صينيه بالشكل ده معلش انا استخدمت اوراك بس علشان كلنا بنحبها
وبعد كده نبدا نقطع بصل حلقات وثوم وجنزبيل طازه ونحطها بالشكل ده على الفراخ
وبعدين نقطع فلفل رومى حلقات وطماطم حلقات وممكن فلفل حامى كمان ونحطها بالشكل ده
وبعد كده نقطع البطاطس حلقات ونحطها عليها بالشكل ده
وبعدين نجيب حوالى نصف كوب مرقه او مايه وندوب فيها مرقه دجاج وملح وفلفل اسود وبهارات مشكله واحطها على البطاطس وكمان احط شويه زيت صغيرين او معلقة زبده حسب الرغبه بس انا بفضل الزيت علشان تكون خفيفه زى ماقلنا
وممكن نحط عليها حبهان او قرنفل حسب الرغبه علشان النكهه
وبعدين نغطيها بالفويل بالشكل ده وندخلها الفرن
على فكره مبتاخدش وقت كتير فى الفرن حوالى نصف ساعه وبعدها هتاكلو صوابعكم وراها ده غير الريحه بتاعتها الجميله
على فكره ممكن بعدها تحطيها شويه فى الشوايه بس انا محطيتهاش علشان الولاد الصغيرين يعرفو ياكلوها وهى طريه ولذيذه
وعلى فكره ممكن تتاكل بالخبز او مع الرز حسب الرغبه
والطبق ده بقى لاول رد من الحلوين
*طبق متميز*صينيه فر اخ فى الفرن بطريقه ماما سهله وخفيفه ولذيذه جداااااااااااااا
رد مع الاستدلال
[
كتبت بواسطة noorelhoda
الروابط المفضلة