₪ متميز ₪ ***كل ما تودين معرفته عن براون سيلك ابيل الجديده(بالتصوير الممل)***

[كل الحلى انا]

ربي يسعدك قلبك contesa
شكراً حبيبتي
أن شاءالله راح اشتري الزرقاء
لان خاصية الشحن مش ضروري كثير ^^

[القطة مشمشة]

الصراحة انتى عسل خالص
ما شاء الله شارحة كل شيء و بالتفصيل
ان شاء الله ربنا يكرمك يا حبيبتى

بقولك يا قمرايا انا الحمد لله جبتها و فعلا سريعة بس فى ايدى مع ان شعرى قصير بس قصفتة يعنى اكنى عملت بالموس و اللة اتنكدت جداا
تفتكرى غلطى فين

[contesa]

ربي يسعدك قلبك contesa
شكراً حبيبتي
أن شاءالله راح اشتري الزرقاء
لان خاصية الشحن مش ضروري كثير ^^

فعلا خاصيه الشحن مش ضروريه قوي واضمن لك لاني خفت بعد كام سنه البطاريه تضعف ومتقبلش الشحن وفي الاخر برضه حشغلها والشاحن موصل بالكهرباء لان كان عندي ماكينه حلاقه بالبطاريه وال بها الامر اني اشغلها وهيا بالكهرباء ومبروكه عليكي مقدما ولما تشتريها لو فيه اي صعوبه واجهتك انا في انتظار استفسارك

الصراحة انتى عسل خالص
ما شاء الله شارحة كل شيء و بالتفصيل
ان شاء الله ربنا يكرمك يا حبيبتى

بقولك يا قمرايا انا الحمد لله جبتها و فعلا سريعة بس فى ايدى مع ان شعرى قصير بس قصفتة يعنى اكنى عملت بالموس و اللة اتنكدت جداا
تفتكرى غلطى فين

اولا مبروكه عليكي وربنا يبارك لك فيها وتستخدميها وانتي متهنيه يارب

حقولك غلطك فين وتركزي معايا وتحطي في اعتبارك انك لسه غشيمه على فنيات الاله ولازم مره في مره حتتعودي
عليها

بصي بقى يا ستي انا حقولك تعملي ايه لاني وقعت في نفس المشكله ده واتنكدت برضه لكن مستسلمتش

وانتي بتستخدمي الاله لازم تكون عموديه سواء على ايدك او رجلك او اي مكان بتنزعي منه الشعر

بالنسبه للايد بقى علشان الشعر ضعيف شويه عن بقيه الجسم ولما بتنزعيه بتحطي الاله غلط وبالتالي الملاقيط بتمسك الشعره ايوه لكن مش بتنزعها صح وبالتالي بتقصفها (لان الملقاط مسك فيها خلاص )

طيب في الحاله ده حتعملي ايييييييييه؟؟

ركزي بقى معايا

الماكينه حتمسكيها عموديه على ايدك وعكس اتجاه الشعر ولكن بدل ما تحطيها عموديه بالظبط حتميليها على ورا كمان شويه زياده وانا رسمتلك رسم كروكي اعتباطي كده للشرح عليه واتمنى اني اقدر اوصل المعلومه



اللون البني ده طبعا ايدك
وعليها الشعر باللون الاسود المايل ده
والخط الاسود العمودي المتقطع ده اللي المفروض بتمشي الماكينه على اساسه ولكن انتي حتميليها شويه
واللون الازرق ده بقى الماكينه وده خط الميل بتاعها اللي انتي حتمشي عليه

طيب دلوقت عرفتني تعملي كل اللي فات ...لسه فاضل حاجه مهمه

وانتي بتمشي الماكينه على ايدك متمشيهاش زي ماكينه قص الحشائش كده
انتي حتحطيها على المكان وتقفي ثواني وتمشي بالرااااااااااااحه قوي بنفس الميل حتلاقي الشعر مرمي على ايدك بجذوره زي الجثث

اتمنى اني اكون عرفت اوصل المعلومه واي سؤال تاني انا تحت امر اي اخت

ومستنيه تعملي اللي قلت لك عليه وتقوليلي النتيجه

ومتنسيش تدعيلي

[امينة _محمد]

شكرا جزيلا لكي لاكن انا في مصر وسالت عليها في العتبة ولقيتها ب210 بس ومن غير مناديل فهل ممكن الاقيها في صيدلية ارخص شوية وتكون اصلية ولا لازم من كارفور ب 650 جنية وشكرا اختي

[امينة _محمد]

وربنا ييسر لكي زواجك يارب ويرزقك الذرية الصالحة وادعيلي اشتريها واعرف الاقيها رخيصة شويةواعرف استخدمها

[contesa]

شكرا جزيلا لكي لاكن انا في مصر وسالت عليها في العتبة ولقيتها ب210 بس ومن غير مناديل فهل ممكن الاقيها في صيدلية ارخص شوية وتكون اصلية ولا لازم من كارفور ب 650 جنية وشكرا اختي

وربنا ييسر لكي زواجك يارب ويرزقك الذرية الصالحة وادعيلي اشتريها واعرف الاقيها رخيصة شويةواعرف استخدمها

حبيبتي انا برضه من مصر ولقيتها في محطه الرمل اقل من 100 جنيه كمان
السيلك ابيل انواع كتير وموديلات وكل حاجه ليها مميزاتها وعيوبها يعني العبره مش بالسعر

والاكتر من كده اللي لازم تاخدي بالك منه
ان في مصر معظم الماكينات تقليد مش اصلي فعلشان كده قلت لك ان في كارفور ب650 جنيه
ومش لازم تجيبي الكامله ... ممكن تجيبي اللي بسلاح واحد او سلاحين حتكون ارخص من كده بكتير

وبالنسبه انها تكون اصلي ولا لا ترجع لنباهتك ولو عايز تستفسري عن حاجه فأسألى قبل ما تشتريها وان شاء الله نفيدك

[rooooony]

ربنا ييسيرلك الحال ويزوجك قريبا
وبجد بجد شكر ا على الشرح التفصيلى للماكينه

[nanosa311]

بارك الله فيكي اختي
الله يسرك امورك ويرزقك بالزوج الصالح
والذريه الصالحه

[وطني وطن النهار]

مشكووووووووووره ماقصرتي وعليج بألف عافيه

[لسان الخير]

جزاكي الله خيراً أختي