صديقاتى الغاليات انهارده جايبالكو صينيتين كلهم فوسفور تكمله لموضوعات الاسماك وطبعا كلهم فايده لاطفالنا فى ايام المذاكره والامتحانات وفايده برده لازواجنا هههه
اولا صينيه الجمبرى بالزيت والليمون
طبعا نحضر الجمبرى نقشره كويس ونغسله ونحطه فى صينيه بالشكل ده
نقطع عليه شرايح البصل والثوم المفروم والجنزبيل المفروم بالشكل ده
نقطع شرايح الطماطم والفلفل الرومى والفلفل الحامى عليها بالشكل ده
وبعدين نبشر عليها جزر ونقطع شرايح ليمون بالشكل ده
وبعدين نحط التوابل عليها ملح وفلفل وكمون وتوابل مشكله وكركم وممكن بابريكا اى توابل تحبيها وبعدين نحط قليل من الزيت والخل الابيض
وبعدين نحطها فى الفرن وبتبقى بالشكل ده
ثانيا صينيه البطارخ فى الفرن
بصراحه انا اول مره اعمل فيها بطارخ بس لقيت جوزى جايبهالى قلت اجرب بس كانت كبيره شويه قطعتها بصعوبه علشان كانت طريه قوى الافضل ان البطارخ تكون صغيره وجامده شويه المهم بعد ماقطعتها جبت صينيه بالشكل ده وقطعت فيها شرايح بصل وجزر وطماطم وليمون
وبعدين حطيت عليها البطارخ بالشكل ده
وبعدين عملت تتبيله عباره عن ثوم وجنزبيل وجزر وملح وفلفل وكمون وشطه وتوابل مشكله وعملتهم فى الكبه وبعدين حطيتهم فوق البطارخ
وبعدين عصرت عليها ليمون وحطيت زيت وخل
وده شكل الصينيه بعد طلوعها من الفرن
واخدت كام واحده بطارخ وحمرتهم فى الزيت بالشكل ده
[center]يارب يكون الاكل انهارده عجبكو
*موضوع متميز*صينيه روبيان وكمان صينيه بطارخ فى الفرن من مطبخ الدكتورة ماما
رد مع الاستدلال
الروابط المفضلة