" عروسات المستقبل تعالوا اقولكم".. جزء ( 3 )

[هنودة هنانيدو]

يابنات سمعت عن ماكيرره اسمها مريم جبران بيقولوا عليها كويسه قووووى.......حد يعرفها وشاف شغلها ولا اييييييه؟؟؟؟؟؟؟
معلش بقى تعبتكم معايا!!!!!!!!!!!!

انا معرفهاش يا جميل يارب يكون حد من البنات سمع عنها ولو عرفت عنها حاجة حاقولك .. بصى اعملى عليا سيرش فى الفيس بوك ممكن يكون ليها جروب هناك

طبعا لانكو كلكم غاليين عليا فانا اضريت اجيب ورق اول ماده امتحنتها من تحت السرير و خدنا فيها ازاى نحسب الايام اللى بيحصل فيها حمل هما من اليوم العاشر للتمنتاشر من دورة المرأه اللى اول يوم فيها بيقى نزول الدم.... بعنى اول يوم فى البريود بيبقى رقم واحد ادعولى اكمل بقيت الامتحانات على خير

ميرسى حبيبتى على معلومة ويارب تخلصى من الامتحانت وبتقدير كبييييييييير

انا يا هنودة بس حابة اشكرك على مجهودك الرائع والمميز
انا ماقدرتش اقرا كل الصفحات عشان الوقت بس عن جد استفدت مع اني مش عروسة

ان شاء الله اصير واتذكر كلامك

الله يعطيكي العافية يا قمر ويسعدك مع جوزك وتكون حياتك مليانة خير وحب و استقرار

تسلمى يا قمر على كلامك الجميل منورنا ياقمر

السلام عليكم
ازيك ياهنودة؟ وحشتيييييييني
وازيكو كلكو وحشتوني وألف سلامة عليكي ياهنودة مع انها جت متأخرة وربنا يطمنا عليكي
ظروفي كانت ملخبطة الايام اللي فاتت ويارب تعدي ع خير
مواضيعك كالعادة روووووووووووووووووووووووووووعة
ربنا يبارك فيكي

فينك يا ميويا مختفية يارب تكونى بالف خير ونروتينا متغبيش عننا

[هنودة هنانيدو]

ايه رايكم نهاردة نتكلم على شهر العسل ؟؟؟؟؟؟

طبعا هانى مون بيختلف من عروسة لعروسة من الوقت والمكان

الهانى مون ممكن تبقى مدته اسبوعين وده معظم العرايس بيبقوا كدا عشان اجازات الشغل وممكن يبقى اكتر لو الظروف تسمح
ممكن يكون المكان فى البيت ان العروسين مش يسافروا وممكن يكون سفر اما جوا البلد او خارج البلد

انتى بقى كعروسة موضوع ده بيفرق معاكى ازاى ؟؟؟

مدة الاجازة مش حتفرق معاكى لان خلاص انتى حتتعودى ان جوزك معاكى وحتبقى نفسك تبقى عالطول معه

المكان هو اللى حيفرق من ناحية ::::::

لو انتى حتقضى شهر العسل فى مكان برا البيت يعنى سواء مسافرة جوا بلدك او خارج بلدك فيه اساسيات حتعمليها زى :::::

حتجهزى شنطة سفرك وديه تكون قبل الفرح عشان متحسيش انك ملخبطة وناسية حاجة وتبقى مش عارفة تعملى ايه .. عشان كدا جهزى شنطة صغيرة ونحط خط تحت صغيرة لانك مش مسافرة مدة طويلة هى كلها اسيوعين بلاش تحسى وتخلى زوجك يحس انك شايلة هم حيتقل عليكى فى السفر
المفروض انتوا رايحين تستمتعوا وتخرجوا مش حترحوا تقيموا فى المكان اللى حتسافروا فيه

طيب نحط ايه فى شنطة سفرنا ؟؟؟

حنقول حاجات اللى تكفى اسبوعين وانتى حسب نوع اجازتك تقللى او تزودى
اولا اللبس :::
* كفاية 6 لانجيرى يعنى لمعدل كل يومين لبستى واحد كدا حيعدى الاسبوعين يعنى انتى نهاردة لبستى الاحمر بكرة خليكى فى الابيض بعده فى لون تانى لغاية ما تخلصى 6 وكررى تانى لان لغاية ما يعدى الاسبوع حيكون هو نسى انتى كنتى لابسة ايه ...

* اطقم برا واندر 2 للخروج وكام واحد جوا البيت او الاوتيل وخلى لانجيرى اللى انتى اخدتيه يكون معه اندر بتاعه عشان تريحى دماغك

* لبس للخروج خدى معاكى كام طقم واعملى حركة تبديل يعنى لو انتى بتلبسى بنطلون خليه 2 مثلا واحد جينز وواحد اسود وخدى 4 تونيكات من فوق بالطرح بتاعم يبقى انتى كدا معاكى 4 اطقم .. لو بتلبسى جيب بردو نفس النظام خدى معاكى 2 جيب مثلا وعليهم 5 بديهات وبلوزات وغيرى فيهم .. لو بتلبسى عبايات خدى 4 عبايات بالطرح بتاعتها وحاولى تخلى لبس الخروج خفيف واوانه مش ابيض عشان مش يتوسخ بسرعة خليها الوانت حلوة بس بلاش الفاتحة اوى زى الابيض خلى اللبس من النوع اللى بيتكوى بسرعة ابعدى عن الانواع اللى تحتاج مكواة كل ساعة ..

* خدى شامبو وشاور جيل واحد فقط وكريم سريع للجسم والايد يعنى اختارى كريم ينفع لكل الجسم ومنظف لوجهك عشان التراب والخروج

* ميكب بسيط جدا لانك مفروض رايحة تتفسحى مش رايحة تعملى مقابلات رسمية يبقى مش حتضيعى وقتك ادام المراية تحطى ميكب استغلى الوقت فى الفسح خدى حاجات تخلى شكلك امورة وبسيطة لانك حتخرجى بالنهار كتير وحتتعرضى للشمس يبقى بردو تاخدى صن بلوك درجته عالية عشان الشمس وخاصة لو حتنزلى البحر .ز المكيب كفاية علبة صغيرة فيها جلوس وبلاشر وكحل مش حتحتاجى باودر ولا فانودشين كفاية دول

* فرشاة الاسنان ومشط

ملهاش لازمة اكسسورات والتوك لانك معظم الوقت حتخرجوا الاوتيل مجرد كام ساعة مفيش وقت للكسسيورات والتوك وبردو ملهاش لازمة ولا بروان ولا استشوار

* لو حتنزلى البحر خدى معاكى اللبس اللى حتنزلى بيه عشان متروحيش المكان وتقولى اشترى من هناك ممكن متلاقيش حاجة تعجبك حتكونى مضايقة وتحسى الاجازة بقيت وحشة لا خدى حاجتك من هنا

* طبعا تاخدى فوط ليكم بلاش فوط الاوتيل احنا منعرفش مين استخدمها قبلك مهما كان درجة نظافة الاوتيل خدى كام فوطة ليكم اضمن بلاش ولا برنس ولا كلام ده عشان حيبقى تقبل خدى 2 باشكير ليكى ولجوزك وخدى شبشب بيتى ليكى ولجوزك تلبسوه جوا الاوضة

* الاحذية خدى 2 فقط ويبقوا مناسبين يعنى من غير كعب ولا يكون ضيق ولا يخنقك شوفى حاجات بتاعة المصايف والخروجات الخفيفة وطرية وخدى الوان تمشى على كل حاجة زى الاسود واى لون تانى متوافق مع لبسك

ايه تانى يا بنات ؟؟؟ فكرونى لو فيه حاجة ناقصة ؟؟

اه صحيح طبعا وقت الهانى مون انسى ماسكات وحركات ديه ههههههههه مفيش وقت خليكى فى حاجات خفيفة زى كريم الجسم والايد ومنظف لوجهك وشاور وشامبو حالجات كدا خفيفية بس تحافظ على بشرتك واشربى ماااااااء كتيييييييييير عشان الشمس والحر والعرق

[سماح عزت]

ازيكم يا قمرات يارب تكونوا بخير والله يا نوده انت زى القمر انا لسه دخله على النت دلوقتى وكان فى دماغى اول حاجة اسئلك عليها ازاى نهتم بانفسنا ايام البريود وفرحت جدا لما لقيتك فتحتى الموضوع ده واتكلمتى فيه ربنا يجزيكى كل خير ويفرحنا بيكى عن قريب ان شاء الله؛؛؛؛؛؛بس انا يانوده خايفة احسن البريود تعملها وتبقى معايا يوم الفرح وسعتها هكون فى موقف لا احسد عليه ومش هعرف اتصرف وفى ناس بتقولى ان هو لازم يكون عارف من قبل الفرح ودى صعبة جدااااا لان هو خطبنى وسافر ومش هيجى الا قبل الفرح باسبوع وطبيعى يكون فى احراج وخجل وانا الحته دى زيده عندى اوى يا ترى تنصحينى بايه ؟؟؟ ومعلش طولت عليكى لكن انتى الى شجعتينى على كده بكلامك الجميل ربنا يخليكى لينا يا قمرررررررررر ...

[سماح عزت]

اللهم آمين تسلمى على الدعوه الحلوة
واهلا بيكى اخت جميله لينا طبعا
ويارب تكونى احلى عروسه ويتمم فرحك بخير

شكرا كتييييييير ليكى يا بينك ياجميلة انتى على كلامك الحلو وانا عمرى ما فكرت اشترك فى منتدى واتكلم وكنت بكتفى بقراءة المكتوت لكن روح الاخوة الى حستها فى القمرات الى هنا هى الى شجعتنى على الدخول معاكم والاستفادة من خبراتكم ونصائحكم الجميلة ؛؛؛مرسى كتييير ليكم

[سماح عزت]

والله ياهنوده انتى كلا مك كله جميل ولو طلبوا منك تعملى كتاب تحطى فيه خبراتك ونصيحك اوووووووعى تترددى عشان هتحرمى ناس كتييير من ان هما يستفيدوا منك ؛؛؛؛وكلا مك عن شنطة شهر العسل بجد برفكت وجميل ومنظم ومرتب احسن من العقد والافكار الى فى دماغنا ؛؛؛ربنا يزيدك كمان وكمان

[ملوكة 12]

السلام عليكم

ازيك ياهنوده ياقمر موضوعك جميل جدا ومتميز ربنا يجازيكى خير ويجمعك مع خطيبك على خير وفى خير وسعاده دايما يارب انتى وانا وكل البنات




ملوكه ممكن اسالك انتى استعملتى المرهم دا للهالات فعلا وجاب معاكى نتيجه ياريت تفدينى بتبان بعد قد ايه ؟ وهو فى ضرر منه لان دى منطقه حساسه جداا ومعلش طولت عليكى ممكن تقوليلى سعره بالمصرى؟

*بصى هو انا ابتديت استعماله بقالى 3 أيام وحاسة بتحسن وعامة هو الدكتور
قالى استمر عليه شهر ...وساعتها هتكون اختفت الهالات وهيبدأ مرحلة جديدة
هو سعره بالمصرى 12 جنيه.....لو تحبى تستنى وهقولك على نتايجه باستمرار
وبعدين جربيه

**أزيك يا هنووودة يا قمر....لا هو تأثيره مش مؤقت عامة يا حبيبتى ممكن تستنى كام يوم كده هكون نتايجه بقت أوضح وهأكدلك....أنتوا تأمروا

[ملوكة 12]

طبعا موضوع النهاردة جميل جداااااااااا يا هنوودة
لو سمحتى يا هنووودى ممكن طلب؟ ممكن تقوليلى على كريم كويس للأيد
انا كنت بستعمل واحد من ماى واى بس معجبنيش واسفة على التعب

[saroow]

*بصى هو انا ابتديت استعماله بقالى 3 أيام وحاسة بتحسن وعامة هو الدكتور
قالى استمر عليه شهر ...وساعتها هتكون اختفت الهالات وهيبدأ مرحلة جديدة
هو سعره بالمصرى 12 جنيه.....لو تحبى تستنى وهقولك على نتايجه باستمرار
وبعدين جربيه

ملوكه ياقمر الف شكر على ردك ياحبيبتى وانا هستنى منك النتيجه اول باول قبل لما استعمله وياريت لو تعرفى اى كريم مناسب للخطوط الرفيعه اللى تحت العين لانها مضيقانى جدااااا وشكرااااا ياحبيبتى

[ملوكة 12]

ملوكه ياقمر الف شكر على ردك ياحبيبتى وانا هستنى منك النتيجه اول باول قبل لما استعمله وياريت لو تعرفى اى كريم مناسب للخطوط الرفيعه اللى تحت العين لانها مضيقانى جدااااا وشكرااااا ياحبيبتى

حاضر انتى تأمرى ولما هروح للدكتور تانى هساله على كريم للخطوط البيضا

[noran_87]

تسلمي يااحلي نودي بالدنيا
كنت عايزه اساالك علي الخطوط البيضا بجد قرفتني