" عروسات المستقبل تعالوا اقولكم".. جزء ( 3 )

[ملوكة 12]

انا الجهاز بتاعى كان بايظ وأول ما أتصلح قولت ادخل أطمن عليكى يا هنوودة
الف مليووون حمدلله على السلامة يا حبيبتى
وخدى بالك من نفسك ومن عنيكى أنتى الأهم يا قمر وبعدين أبقى عوضينا عن غيابك عننا
مستنينك يا هنوودة

[كيرلي]

أختي هنودة أسأل الله لكِ الشفاء التام وان تعودي لنا بالعافية

لحين عودتك ان شاء الله سيتم إغلاق هذا الموضوع حتى لايتحول الى موضوع ترحيبي..

[هنودة هنانيدو]

السلام عليكم ياقمرات

وحشتونى كتييييييييييييييييييير جدا .. الاول مهما قعدت اشكر واقول انتوا اد ايه كلكم ذوق ورقة والله مش حكفيكم .. بجد انتوا حسسوتنى انكم اصحابى بجد انا مش عايزة اقعد اقول شكرا لانها قليلة عليكم انا دعيتكلم كلكم ربنا يكرمكم بكل اللى نفسكم فيه ..
كمان بشكر كيرلى ربنا يكرمها انها رجعت لنا موضوع تانى بسرعة جدا

الحمد لله بقيت احسن ودكتور سمحلى خلاص بالنت يعنى ساعتين فى اليوم قولت لازم استغلهم معاكم وعالطول كدا نبتدى نهاردة تكملة جزء 3 وعندى مواضيع كتير عايزة اقولكم عليها كنت بستغل الاجازة انى اسمع برامج كتير عن الصحة والتجميل والاسرة

يالالا بقى عشان منضيعش وقت ونبتدى ...............

[م.هبة]

حمد الله ع السلامة يا هنودة يا قمر .... بجد كنا منتظرينك بفارغ الصبر ... الحمد لله ان ربنا قومك بالسلامة على خير ... الحمد لله

أكيد بقى جيتى بمواضيعك الجميله والحلوة والمشوقة ..... احنا متشوقين اننا نقراها ونتعلم منك يا قمر

منتظرين مواضيعك يا قمر

[هنودة هنانيدو]

نبتدى نهاردة بموضوع عن الافرازات مهبلية

الاول خلينا عارفين ان طبيعى ان يكون فيه افرازات مهبلية ليه ؟؟؟
عشان ديه طبيعة فى جسم البنت زيها زى البريود يعنى ديه علامة صحية بس طبعا ممكن تتحول لعلامة مرضية...

طيب الاول الافرازات مهبلية الصحية ايه صفاتها ؟؟؟؟

معظمنا بيتكسف يسال مامته او يروح دكتور ويتكلم هن الافرازت يحس انها عيب مع انها حاجة طبيعية زى ما قولنا وبسبب الكسوف اوقات كتير بنبقى مش عارفين هى الافرازات ديه صحية ولا هى مرضية وممكن البنت تسيب نفسها ومش تسال ولاقدر الله تتحول الافرازات الى افرازات ضارة ...

طيب نجاوب على السؤال ازاى اعرف ان الافرازت ديه صحية وانها طبيعية ؟؟؟
اولا بتبقى على شكل سائل ابيض لزج يعنى مش غامقة بتبقى لونها ابيض
ثانيا ملهاش روائح كريهة مجرد سائل شفاف
ثالثا مش بتحسى بحكة او انك عايزة تهرشى

طيب لو انتى كدا يبقى انتى تمام افرازات طبيعية مفيش مشكلة ...

طيب لو بقى هى افرازات مش صحية وتعتبر مرضية ؟؟
عكس الصفات اللى فاتت ::::
لون الافرازات غامقة على اصفر وبنى
فيه ريحة مش حلوة وبتبقى شامها
بتحسى بحكة وانك عايزة تهرشى جامد

طيب العلاج ايه ؟؟؟
مش حاقولك اعملى وصفة كذا لا حاقولك تنزلى تروحى دكتورة جلدية ..حتقولى مكسوفة من ماما اقولها يبقى تاخدى اختك او صاحبتك اى بنت من اسرتك ولالالالالالازم تروحى عشان حاجتين ::::::

1 - انك لازم تاخدى علاج مينفعش مع نفسك تقولى انا حاغسل كويس المنطقة وتسيبى نفسك لازم علاج

2 - انك لو كسلتى ومش روحتى الافرازات الضارة ديه حتزيد ولو زادات حتبقى مزمنة وبعد الجواز حتبقى بتعانى ومكسوفة ادام زوجك يبقى ليه تستنى ؟؟

طيب هو دكتورة حتديكى اية علاج ؟؟؟

طبعا هى اللى بتحدد بس العلاج بشكل عام بيبقى اقراص عن طريق الفم ديه عشان تقضى على البتكريا الضارة وتخلص المشكلة من الداخل .. وكمان بيبقى فيه مرهم طبى مطهر بيدهن واواقات فيه صابونة طبية خاصة بالتطهير والقضاء على البكتريا وعلى فكرة العلاج بياخد وقت قصير جدا وتلاقى نتيجة سريعة

طيب هو ليه ا الافرازات بتتحول لحالة مرضية ؟؟
السبب الماااااااااااااء
مش شرب الماء لالالالالالالا السبب انك مش تنشفى كويس المنطقة الحساسة بعد دخولك التواليت او بعد الاستحمام تسيبى ماء طبعا بيحصل رطوبة وبعد الرطوبة بكتريا بتتكون ومع كتر بكتريا تبتدى تظهر الافرازات الضارة ويبتدى سواد منطقة حساسة وبين الفخذين
تخيلوا كل ده بسبب رطوبة بتاعة الماء ...

يبقى علاجك والوقاية بين ايدك
يعنى عشان نحمى نفسنا من اى افرازات ضارة ومن التهابات ومن سواد منطقة يبقى لازم

1 - ننشف كويس اوى بعد كل دخول تواليت وبعد الاستحمام حطى فوطة قطنية فى التواليت ونشفى كويس وغيرى فوطة كل يومين .. اوعى تمسحى منطقة بمناديل معطرة طبعا بتعمل التهاب لازم حاجة قطن والفوط الصغيرة موجودة فى كل مكان

2 - البسى شورت قطن وانتى برا البيت عشان برا البيت بتتحركى يحصل عرق طبعا ماء العرق حتعمل رطوبة وبكتريا وهكذا اما الشورت القطن او الاندر القطن بيمتص الكلام ده

3 - استخدمى غسول مرة فى الاسبوع كمطهر وبينظف انا عن نفسى احسن غسول عجبنى سيتيال ريحته حلوة وفعلا مطهر جدا وناعم على المنطقة

4 - بلاش لبس بنطلونات جينز الضيقة

كدا يبقى انتى تحمى نفسك وتحافظى على صحتك ...

ان شاء الله بكرة نتكلم على حاجة جديدة

[م.هبة]

موضوع جميل يا قمر .. ومفيد طبعا لان فعلا فى كتير بيتغاضوا عن موضوع مهم زى ده .... تسلم ايدك اللى كتبت الموضوع .. وعقلك اللى فكر فى الموضوع يا قمر

[noran_87]

الحمد لله علي سلامتك يااااااااااااهنوده
واحشتيني موت موت موت موت موت
ياااااااااااااااااقمر
والف مليون مبروك لرجوعك
نورتي المنتدي
وموضوعك اليوم رائع
بارك الله فيك

[pink_heart]

هنووووووووووووووده والله فرحت اوى اما لقيت موضوعك اتفتح كنت حاسه باكتئاب وهو مقفول بجد حاسه ان المنتدى نور
الف الف حمد لله على سلامتك والحمد لله اننا اطمنا عليكى

وطبعا كالعاده موضوعك رائع ونصائح مهمه جداااااااااا لاى بنت جزاكى الله كل خير

[basbosa.2]

حبيبتى هنوووووووووووووووده
الف مليون حمدالله على سلامتك يااااااااااااااااقمر
بجد واللللللللله متتخيليش انا مبسوطه برجوعك ازاى
وفعلا موضوهك كان مخلى الركن جمييييييييل زياده عن جماله طبعا.....وفرحت جداااااا لما لقيته اتفتح تانى
وعلى فكرة انا بكتبلك قبل ما اقرا موضوع النهارده كمان بفرحتى برجوعك
هروح اقراه بقى واجيلك

[basbosa.2]

طبعا قريت الموضوع وقبل ما اقراه متاكده انه جميييييييييييل
وبجد مهم جدااااااااااااااااااااااا........ربنا يحمينا كلنا ياااااااااااارب


وبما انك ياهنوده من اسكندريه......عايزة اقولك انك جيتى انقذتينى...انا بقى محتاره جداااااااا فى موضوع الكوافير لان خطوبتى ان شاء الله فى شهر 7 ومش عارفه اروح لمين

انا متعوده فى القص وكده بتعامل مع سيد اللى فى رشدى اللى بتطلعيله بسلالم ده عرفاه؟؟؟؟؟؟ بفكر اروحله بس مشفتش شغله فى العرايس فمش عارفه ؟؟؟؟؟
وكمان بفكر فى كارفن.......ايه رايك فيه؟؟؟؟وانهى احسن فرع فيهم؟؟؟؟
وكمان فى منى سمعت عنها من المنتدى اللى كانت بتشتغل عند وليد وفتحت لوحدها كوافير جاسمين.......ايه رايك فيها؟؟؟؟؟؟؟
وطبعا فى وليد وطارق وتامر غنيم.......بس دول مشهورين وبيبقوا زحمه مش عارفه انا عايزة حد من ال3 اللى قلتلك عليهم..........ترشحيلى مين فيهم بقى؟؟؟؟؟على فكرة انا عيزاه شعر وميك اب
وياريت يابنات لو حد يعرف يقولى بليييييييييييييييييز